Nayanthara Tirumala Controversy: తిరుమలలో చెప్పులతో - క్షమాపణలు కోరిన నయన్ భర్త విఘ్నేష్, వివాదానికి ఫుల్ స్టాప్ పడుతుందా?

తిరుమలలో నయనతార చెప్పులు వేసుకుని తిరగడం వివాదాస్పదమైన సంగతి తెలిసిందే. ఈ నేపథ్యంలో ఆమె భర్త విఘ్నేష్ శివన్ క్షమాపణలు కోరుతూ ఒక లేఖ విడుదల చేశారు.

తిరుమలలో నయన్ - విఘ్నేష్ శివన్

కొత్త జంట నయనతార - విఘ్నేష్ శివన్ (Nayanthara Vignesh Shivan Wedding) చిక్కుల్లో పడ్డారు. తిరుమల మాడ వీధుల్లో నయన్ చెప్పులు వేసుకుని తిరగడం వివాదాస్పదమైన సంగతి తెలిసిందే. పైగా, ఏడు కొండల వేంకటేశ్వర సన్నిధిలో ఫొటోషూట్ చేయడంపైనా భక్తులు తీవ్ర ఆగ్రహం వ్యక్తం చేశారు. ఈ నేపథ్యంలో విఘ్నేష్ శివన్ ఒక లేఖ విడుదల చేశారు. తాము తెలియక చేసిన తప్పును క్షమించాలని ఆయన కోరారు. ఈ వివాదానికి ముగింపు పలికే ప్రయత్నం చేశారు.

''మేం తిరుమలలో పెళ్లి చేసుకోవాలని అనుకున్నాం. అయితే, కొన్ని కారణాల వల్ల కుదరలేదు. మహాబలిపురంలో మా వివాహం జరిగింది. పెళ్ళైన వెంటనే ఇంటికి కూడా వెళ్లకుండా మండపం నుంచి నేరుగా తిరుపతి వచ్చాం... స్వామి కళ్యాణం చూసి ఆశీర్వాదం తీసుకోవాలని. స్వామి అంటే మాకు ఎంతో భక్తి. దర్శనం బాగా జరిగింది. ఇది మాకు జీవితాంతం గుర్తు ఉండాలని ఒక ఫొటో తీసుకోవాలని అనుకున్నాం. అయితే... జన సందోహం ఎక్కువగా ఉండటం వల్ల ఆలయ ప్రాంగణం నుంచి బయటకు వెళ్లి మళ్లీ రావాల్సి వచ్చింది. అప్పుడు ఫొటో తీసుకోవాలనే తొందరలో మా కాళ్లకు చెప్పులు ఉన్న సంగతి గుర్తించలేదు. మా జంటకు భగవంతునిపై విపరీతమైన భక్తి ఉంది. గత 30 రోజుల్లో ఐదుసార్లు స్వామి సన్నిధికి వచ్చి వెళ్లాం'' అని విఘ్నేష్ శివన్ ఆ లేఖలో పేర్కొన్నారు. 

''మేం ఎంతగానో ఆరాధించే భగవంతుని అగౌరవ పరచాలని మేం అనుకోలేదు. తెలియక చేసిన తప్పుకు క్షమించాలని కోరుతున్నాం'' అని విఘ్నేష్ శివన్ కోరారు. తమపై ప్రేమాభిమానాలు చూపిస్తున్న ప్రతి ఒక్కరికి ఆయన కృతజ్ఞతలు చెప్పారు. పాజిటివిటీ చూపించాలని కోరారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by ABP Desam (@abpdesam)