Thaman: తమన్ చేసిన అతిపెద్ద తప్పు - తప్పని ట్రోలింగ్ కష్టాలు!

టాలీవుడ్ మ్యూజిక్ డైరెక్టర్ తమన్ పై ట్రోలింగ్ రోజురోజుకూ పెరుగుతోంది. ఆయన చేసిన ఆ తప్పు వల్లే ఇలా ట్రోలింగ్ చేస్తున్నారంటూ నెట్టింట చర్చ మొదలైంది.

Image credit: Thaman/Instagram

Thaman: టాలీవుడ్ ఇండస్ట్రీలో ఉన్న టాప్ మ్యూజిక్ డైరెక్టర్లలో ఎస్ తమన్ కూడా ఒకరు. దాదాపు 15 ఏళ్లుగా టాలీవుడ్ లో సినిమాలకు మ్యూజిక్ డైరెక్టర్లుగా చేస్తూ వస్తున్నారు. అల్లు అర్జున్ తో చేసిన ‘అల వైకుంఠపురములో’ సినిమాతో తమన్ కు దేశవ్యాప్తంగా గుర్తింపు వచ్చింది. అయితే ఇటీవల కాలంలో తమన్ తీసుకుంటున్న నిర్ణయాలు ఆయనకు చెడ్డ పేరు తెస్తున్నాయనే టాక్ వస్తోంది. దీంతో ఇప్పుడు ఆయన పరిస్థితి మరింత ఘోరంగా మారిందనట్లు తెలుస్తోంది. 

తమన్ పై పెరుగుతోన్న ట్రోలింగ్..

తమన్ తన కెరీర్ లో ఎన్నో బ్లాక్ బస్టర్ సినిమాలకు సంగీతం అందించారు. ఆయన సినిమాల్లో చాలా పాటలు ఆల్ టైమ్ ఫేవరేట్ గా నిలిచాయి కూడా. అయితే గత కొన్ని సినిమాల నుంచి తమన్ పై ట్రోలింగ్ పెరుగుతోంది. ఎందుకంటే.. తమన్ ఒకేసారి ఎక్కువ సినిమాలను ఒప్పుకోవడంతో ఏ సినిమాపై కూడా దృష్టి పెట్టలేకపోతున్నాడనేది ఇప్పుడు ఎక్కువగా వినిపిస్తోన్న మాట. సినిమా ఆలస్యం అవ్వడమే కాకుండా ఫైనల్ అవుట్ కూడా సరిగ్గా రావట్లేదట.  అందుకే దీని పట్ల మేకర్స్ అసంతృప్తి వ్యక్తం చేస్తున్నారట. ప్రస్తుతం తమన్ చేతిలో వరుసగా  సినిమాలు ఉన్నాయి. ఇదే ఇప్పుడు తమన్ ను ఇరకాటంలో పెడుతోందట. ఈ విషయంపైనే తమన్ ఇప్పుడు అన్నింటా ట్రోలింగ్ కు గురవుతున్నాడు. 

చేతినిండా సినిమాలతో తమన్ సతమతమవుతున్నాడా?

తమన్ చేతినిండా ఉన్నవి అన్నీ భారీ ప్రాజెక్టులే. ప్రస్తుతం ఆయన ‘బ్రో’ సినిమా రీ రికార్డింగ్ పనుల్లో బిజీగా ఉన్నారు. మరోవైపు బోయపాటి-రామ్ కాంబోలో వస్తోన్న సినిమాకు పనిచేస్తున్నారు. అలాగే భారీ స్థాయిలో తెరకెక్కతోన్న ‘గేమ్ చేంజర్’ సినిమాకు పనిచేస్తున్నారు. మరోవైపు త్రివిక్రమ్-మహేష్ కాంబో ‘గుంటూరు కారం’ సినిమాకు కూడా తమన్ నే సంగీతం అందిస్తున్నారు. అయితే ఇక్కడే అసలు చిక్కు వచ్చింది. ఇన్ని సినిమాలకు ఒకేసారి పనిచేయాల్సి వస్తున్నందున తమన్ తీవ్ర ఒత్తిడికి గురవ్వతున్నట్లు తెలుస్తోంది. ఆ ప్రభావం ఆయన ఇస్తున్న ట్యూన్స్ మీద పడుతోంది. ఇందుకు ఇటీవల రిలీజైన ‘జానవులే..’ సాంగే నిదర్శనం. ఈ పాట చాలామంది అభిమానులకు నచ్చలేదు.

తమన్ ను సినిమాల నుంచి తప్పిస్తున్నారా?

తమన్ గతంలో పనిచేసిన ‘వీరసింహారెడ్డి’ సినిమాకు కూడా ఇలాగే రీరికార్డింగ్ ను లేట్ చేయడంతో ఆ ప్రభావం మూవీ రిలీజ్ పై పడింది. తాజాగా రామ్ పోతినేని-బోయపాటి ‘స్కంధ’ మూవీ షూటింగ్ పూర్తయినా తమన్ ఒక పాట బ్యాలెన్స్ ఉంచేయడంతో ఆ మూవీ కూడా లేట్ అయ్యేలా ఉందని టాక్. రామ్ ప్రస్తుతం ‘ఇస్మార్ట్ శంకర్ 2’ కోసం లుక్ మార్చేశాడు. మరి మళ్లీ ‘స్కంధ’కు టైమ్ ఇస్తాడా లేదా అనేది చూడాలి. మరోవైపు ‘బ్రో’ మూవీ రీరికార్డింగ్ విషయంలో కూడా తమన్ పై ఒత్తిడి పడుతుందనే టాక్ కూడా వినిపిస్తోంది. ఈ మూవీ మరో నాలుగు రోజుల్లో రిలీజ్ అవ్వాల్సి ఉంది. మరి అనుకున్న టైమ్ లోగా తమన్ రీరికార్డింగ్ పూర్తి చేస్తాడో లేదో చూడాలి. ఇక ‘గుంటూరు కారం’ సినిమాకు తమన్ అందించిన మ్యూజిక్ పై మహేష్ అసంతృప్తిగా ఉన్నారని తెలుస్తోంది. తమన్ ప్లేస్ లో మరో ఇద్దరు మ్యూజిక్ డైరెక్టర్లను తీసుకొచ్చి పని పూర్తి చేయాలని చూస్తున్నారట. ఇప్పటికే తమన్ ను ఆ ప్రాజెక్ట్ నుంచి తప్పించారని టాక్. మరి ఇన్ని ఒత్తిడిల మధ్య తమన్ ఒప్పందం కుదుర్చుకున్న సినిమాలను పూర్తి చేస్తాడో లేదో చూడాలి.

Join Us on Telegram: https://t.me/abpdesamofficial