Vishal Song - Mark Antony : తెలుగులో విశాల్ పాట - 'మార్క్ ఆంటోనీ' కోసమే మామా!

విశాల్ కథానాయకుడిగా 'మార్క్ ఆంటోనీ' సినిమాకు ఓ ప్రత్యేకత ఉంది. అది ఏంటో తెలుసా? ఈ సినిమాలో ఆయన ఓ పాట పాడారు. 

'మార్క్ ఆంటోనీ'లో విశాల్ 

విశాల్ (Vishal Hero) కథానాయకుడిగా నటించిన తాజా సినిమా 'మార్క్ ఆంటోనీ' (Mark Antony Movie). సైన్స్ ఫిక్షన్ అండ్ హై వోల్టేజ్ యాక్షన్ థ్రిల్లర్ చిత్రమిది. వినాయక చవితి సందర్భంగా సెప్టెంబర్ 15న ఈ చిత్రాన్ని విడుదల చేస్తామని ఇటీవల వెల్లడించారు. టైమ్ ట్రావెల్ థీమ్ నేపథ్యంలో చిత్రాన్ని తెరకెక్కించారు. ఈ సినిమాకు మరో స్పెషల్ అట్రాక్షన్ ఏమిటంటే... విశాల్ పాట!

'మార్క్ ఆంటోనీ'లో విశాల్ తెలుగు పాట
Mark Antony Songs : 'మార్క్ ఆంటోనీ' సినిమా కోసం తెలుగులో విశాల్ ఓ పాట పాడారు. ఆ విషయాన్ని ఈ రోజు వెల్లడించారు. ఆ పాటను రామజోగయ్య శాస్త్రి రాశారు. జీవీ ప్రకాష్ కుమార్ సంగీతం అందించారు. ఇటీవల 'సార్' కోసం తమిళంలో ధనుష్ చేత జీవీ ఓ పాట పాడించారు. ఇప్పుడు విశాల్ చేత 'మార్క్ ఆంటోనీ' కోసం పాడించారు. హీరోలతో ఒక్క పాట అయినా సరే పాడించాలని ఆయన టార్గెట్ పెట్టుకున్నారేమో!?

విశాల్ ఇంతకు ముందు 'మై డియర్ లవరు' అని ఓ పాట పాడారు. గాయకుడిగా ఆయనకు అది తొలి పాట. సుందర్ సి. దర్శకత్వం వహించిన 'మద గజ రాజా' కోసం ఆయన గాయకుడిగా మారారు. అయితే... ఆ సినిమా ఇంకా విడుదల కాలేదు. 'మార్క్ ఆంటోనీ' గాయకుడిగా విశాల్ తొలి సినిమా అవుతుంది.

Well, this is what I was talking about yesterday. Was an ecstatic feeling to sing a song for the telugu version of #MarkAntony

Happy to enter as a singer also in the #WorldOfMarkAntony

Hats off to all you singers, could see how much effort you need to put to sing a song. Hope…

— Vishal (@VishalKOfficial) July 13, 2023

విశాల్ జోడీగా హైదరాబాదీ రీతూ వర్మ
'మార్క్ ఆంటోనీ'లో విశాల్ సరసన హైదరాబాదీ అమ్మాయి రీతూ వర్మ (Ritu Varma) నటించారు. తెలుగు, తమిళ భాషల్లో విడుదలైన 'కనులు కనులు దోచాయంటే', 'ఒకే ఒక జీవితం', 'ఆకాశం' సినిమాలతో రీతూ వర్మ విజయాలు అందుకున్నారు. హ్యాట్రిక్ హిట్స్ నమోదు చేశారు. ఇప్పుడీ సినిమాతో డబుల్ హ్యాట్రిక్ స్టార్ట్ చేయడానికి రెడీ అవుతున్నారు. 

సైన్స్ ఫిక్షన్ అంశాలకు తోడు భారీ యాక్షన్ సన్నివేశాలు, వినోదంతో అన్ని వర్గాల ప్రేక్షకులను అలరించేలా సినిమా రూపొందించినట్లు చిత్ర బృందం పేర్కొంది. 'మార్క్ ఆంటోనీ'లో ప్రముఖ నటుడు & దర్శకుడు ఎస్.జె. సూర్య, టాలీవుడ్ స్టార్ కమెడియన్ కమ్ వెర్సటైల్ యాక్టర్ సునీల్, మరో దర్శకుడు సెల్వ రాఘవన్ ముఖ్య పాత్రలు పోషిస్తున్నారు. ఈ చిత్రానికి అధిక్ రవిచంద్రన్ దర్శకుడు. ఎస్ వినోద్ కుమార్ నిర్మాణ బాధ్యతలు నిర్వర్తిస్తున్నారు. ఇప్పుడీ సినిమా పోస్ట్ ప్రొడక్షన్, చిత్రీకరణ పనులు చివరి దశలో ఉన్నాయి. 

ఇంట్రెస్ట్ క్రియేట్ చేస్తున్న రెట్రో లుక్స్! 
'మార్క్ ఆంటోనీ' ఫస్ట్ లుక్స్ ఆల్రెడీ విడుదల చేశారు. అవి చూస్తే... హీరో సహా మిగతా మెయిన్ లీడ్స్ అందరూ సరికొత్త రెట్రో లుక్‌లో కనిపించి సినిమాపై ఆసక్తి పెంచారు. ఇటీవల విడుదలైన టీజర్ సైతం ప్రేక్షకుల నుంచి అద్భుతమైన స్పందన అందుకుంది. ముఖ్యంగా విశాల్ చాలా కొత్తగా కనిపించారు. గుబురు గడ్డంతో ఫైర్ చేస్తున్న విశాల్, ఎస్.జె. సూర్య కామెడీ టైమింగ్ ప్రేక్షకులను చాలా ఆకట్టుకున్నాయి. ఈ సినిమాకు పీటర్ హెయిన్స్, దిలీప్ సుబ్బరాయన్, కనల్ కణ్ణన్, దినేష్ సుబ్బరాయన్ యాక్షన్ సన్నివేశాలు సమకూర్చారు. అభినందన్ రామానుజం సినిమాటోగ్రఫీ అందించారు. విజయ్ వేలుకుట్టి ఎడిటింగ్ చేస్తున్నారు.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial