Samantha : సమంత ప్రస్తుతానికి ఖాళీ - చేతిలో ఉన్నవన్నీ ఫినిష్, వాట్ నెక్స్ట్ బేబీ?

సిటాడెల్ వెబ్ సిరీస్ షూటింగ్ కంప్లీట్ చేసినట్టు సమంత స్పష్టం చేశారు. దాంతో ఆవిడ నెక్స్ట్ ఏం చేస్తుంది? అని ఫ్యాన్స్ డిస్కస్ చేస్తున్నారు. కొందరు అయితే సినిమాలకు గుడ్ బై చెబుతుందా? అంటున్నారు. 

సమంత (Image Credit: Samantha/Instagram)

'సిటాడెల్' వెబ్ సిరీస్ షూటింగ్ కంప్లీట్ చేసినట్టు సమంత (Samantha) స్పష్టం చేశారు. దాంతో ఆవిడ నెక్స్ట్ ఏం చేస్తుంది? అని ఫ్యాన్స్ డిస్కస్ చేస్తున్నారు. కొందరు అయితే సినిమాలకు గుడ్ బై చెబుతుందా? అంటున్నారు. టాలీవుడ్ లేడీ సూపర్ స్టార్ త్వరలో సినిమాలకు గుడ్ బై చెప్తుందనే వార్త గత కొన్ని రోజులుగా సోషల్ మీడియాలో వైరల్ అవుతోంది. దాంతో ఆమె అభిమానులు ఆందోళన వ్యక్తం చేస్తున్నారు. సమంత చేతిలో ఇప్పుడు రెండు ప్రాజెక్టులు ఉన్నాయి. అందులో ‘ఖుషి’ సినిమా ఒకటి. అలాగే, ‘సిటాడెల్’ వెబ్ సిరీస్ మరొకటి. 

జులై 13 నాకెంతో ప్రత్యేకమైన రోజు: సమంత

విజయ్ దేవరకొండతో ‘ఖుషి’ సినిమాలో సమంత నటించింది. ఈ మూవీ షూటింగ్ ఇటీవలే పూర్తయింది. ఇప్పుడు ‘సిటాడెల్’ వెబ్ సిరీస్ షూటింగ్ కూడా జులై 13తో పూర్తయింది. ఈ సందర్భంగా ఆమె ఓ స్పెషల్ పోస్ట్ చేసింది. ‘‘జులై 13 నా జీవితంలో ఎంతో ప్రత్యేకమైన రోజు. ఎందుకంటే ఈ రోజు ‘సిటాడెల్’ వెబ్ సిరీస్ పూర్తయింది’’ అని రాసుకొచ్చింది. అయితే సమంత ‘ఖుషి’, ‘సిటాడెల్’ ప్రాజెక్టుల తర్వాత సమంత మరే ప్రాజెక్ట్ కి కూడా సైన్ చేయలేదు. ఇప్పుడు సమంత ఇలా పోస్ట్ చేయడంతో ఆమె అభిమానులు ఆందోళన వ్యక్తం చేస్తున్నారు.

సమంత ఇకపై సినిమాల్లో నటించదా?

మొన్నటి వరకూ సమంత కొన్ని రోజుల పాటు తన ఆరోగ్యం, వ్యక్తిగత జీవితం పై శ్రద్ద పెట్టడానికే సినిమాల నుంచి విరామం తీసుకుంటోంది అని అందరూ అనుకున్నారు. అయితే ఇప్పుడు సమంత చేసిన పోస్ట్ కొత్త సందేహాలను రేకెత్తిస్తోంది. ‘సిటాడెల్’ వెబ్ సిరీస్ షూటింగ్ చివరి రోజు తనకెంతో స్పెషల్ అని సమంత చెప్పడంతో ఇకపై కెమెరా ముందుకు రాదనే వాదనలు వినిపిస్తున్నాయి. అందుకే సమంత ఇలా ఎమోషనల్ పోస్ట్ చేసింది అంటూ కామెంట్లు చేస్తున్నారు నెటిజన్స్. 

అడ్వాన్సులన్నీ వెనక్కి..

సమంత చేతితలో ఉన్న రెండు ప్రాజెక్టులు కూడా పూర్తయిపోయాయి. తన నుంచి ఎలాంటి కొత్త ప్రాజెక్ట్ ప్రకటనలూ రాలేదు. అయితే కొన్ని సినిమాలకు ముందే అడ్వాన్సులు తీసుకున్న సమంత వాటన్నిటినీ వెనక్కి తిరిగి ఇచ్చేస్తుందట. దాదాపు ఏడాది పైగానే ఆమె సినిమాలకు దూరంగా ఉంటుందని అంటున్నారు. అయితే విరామం తర్వాత అయినా వచ్చి తమ సినిమాల్లో చేయాలని అడ్వాన్సులు ఇస్తున్నారట మేకర్స్. అయినా వాటిని కూడా సమంత సున్నితంగా తిరిస్కరిస్తోందని తెలుస్తోంది. దీంతో సమంత ఇప్పట్లో సినిమాల్లో నటించదా లేదా పూర్తిగా సినిమాలకు దూరం అవ్వాలనుకుంటుందా అనేదే ఇప్పుడు సస్పెన్స్ గా మారింది. మరి ఫ్యాన్స్ కు సమంత ఎలాంటి న్యూస్ చెబుతుందో వేచి చూడాలి. ఇక విజయ్ దేవరకొండతో కలసి నటించిన ‘ఖుషి’ సినిమా సెప్టెంబర్ 1 న ప్రేక్షకుల ముందుకు రానుంది. శివ నిర్వాణ ఈ సినిమాకు దర్శకత్వం వహిస్తున్నారు. విజయ్, సమంత ఇద్దరికీ ఈ సినిమా చాలా ప్రత్యేకం. మరి ఈ మూవీ వీరికి ఎలాంటి హిట్ ను అందిస్తుందో చూడాలి. 

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial