Mahesh Babu Looks : రుద్ర అంటే రౌద్రమే ఉండాలా? - అడ్వెంచరర్, హ్యాండ్సమ్గా మహేశ్ బాబు... రాజమౌళి క్యాప్షన్ చెప్పిన స్టోరీ
Varanasi Update : మహేశ్ ఫ్యాన్స్కు బర్త్ డే ట్రీట్ వచ్చేసింది. సూపర్ స్టార్ బర్త్ డే సందర్భంగా వారణాసి నుంచి రుద్ర లుక్ రివీల్ చేశారు రాజమౌళి. ఈ లుక్స్తో పాటే ఇంట్రెస్టింగ్ క్యాప్షన్ ఇచ్చారు.
Mahesh Babu As Rudra In Varanasi Movie Looks Out : సూపర్ స్టార్ మహేశ్ బాబు బర్త్ డే సందర్భంగా వారణాసి నుంచి రుద్ర ఫస్ట్ లుక్ రివీల్ చేశారు రాజమౌళి. గ్లింప్స్ క్లైమాక్స్లో చేతిలో త్రిశూలంతో నందిపై వస్తున్న శివుడిలా ఆయన లుక్ ఉంటే తాజా స్టిల్స్ మాత్రం కూల్ అండ్ మాస్ రగ్గడ్గా ఉన్నాయి. మరి రుద్ర లుక్, క్యారెక్టర్ గురించి ఓసారి చూస్తే...
'రౌద్రం ఒక్కటే కాదు'
ఈ మూవీలో మహేశ్ రుద్ర, శ్రీరాముడిగా కనిపించనున్నారు. రుద్ర లుక్ రివీల్ చేసిన రాజమౌళి... 'క్రూరత్వం, రౌద్రం ఒక్కటే అతని స్వభావం కాదు.' అంటూ క్యాప్షన్ ఇచ్చారు. దీంతోనే రుద్రలో డిఫరెంట్ క్యారెక్టర్స్ చూపించబోతున్నట్లు మనకు అర్థమవుతోంది. మాస్, యాక్షన్ కాకుండా ప్రకృతిలో ఉండే ప్రశాంతతకు మారుపేరులా కూల్గా కనిపించారు మహేశ్ బాబు. ఒత్తైన జుట్టు, గడ్డం మీసాలతో మహేశ్ను అడ్వెంచరర్, హ్యాండ్సమ్గా చూపించారు.
ఈ స్టిల్స్ ఆఫ్రికా షెడ్యూల్లోనివిగా తెలుస్తోంది. 'IMAX ఫ్రేమ్ కూడా వీటి ముందు నిలబడదు.' అంటూ ఎలివేట్ చేశారు రాజమౌళి. 'మహేశ్ బాబుకు హృదయపూర్వక పుట్టినరోజు శుభాకాంక్షలు. మీరు ఎక్కడికి వెళ్లినా అక్కడ పంచే ప్రేమ, నింపే అపారమైన శక్తి, ఫ్యాన్స్కు మీరిచ్చే ఉత్సాహం... అన్నీ కూడా గొప్ప విషయాలే. వారణాసి అద్భుతాలకు స్వాగతం.' అంటూ చిత్ర నిర్మాణ సంస్థ దుర్గా ఆర్ట్స్ బ్యానర్ మహేశ్కు బర్త్ డే విషెష్ తెలిపింది.
Happy Birthday @urstrulymahesh 💙
— Sri Durga Arts (@SriDurgaArts) August 9, 2026
To all the love, energy and madness you bring wherever you go…
Here’s to everything that awaits in #VARANASI 🔥 pic.twitter.com/t7EYpbTaX3
Also Read : Toxic Trailer Review : టాక్సిక్ ట్రైలర్ వచ్చేసింది - రొమాన్స్, యాక్షన్, వయలెన్స్ అంతకు మించి...
స్టోరీ ఏంటంటే?
ప్రపంచంతో పాటు కాలాన్ని చుట్టేసే ఓ సాహసికుడి ప్రయాణం బ్యాక్ డ్రాప్గా 'వారణాసి' స్టోరీ సాగనుంది. అంతే కాకుండా ఓ తండ్రీ కొడుకుల ఎమోషన్ ఈ కథకు మూలం అంటూ ఇదివరకే రాజమౌళి రివీల్ చేశారు. ఆధ్యాత్మిక నగరం వారణాసిలో మొదలై అంటార్కిటికా, ఆఫ్రికా అడవులను దాటి రామాయణ కాలానికి వెళ్లి తిరిగి మళ్లీ వారణాసిలోనే కథ ముగుస్తుందని తెలిపారు జక్కన్న. లోకాన్ని కాపాడే శక్తిని శత్రువుల చేతికి చిక్కకుండా దాన్ని రక్షించే ఓ సాహసికుడి ప్రయాణమే 'వారణాసి' అంటూ ప్రచారం సాగుతోంది. సినిమాలో రాముడు, కుంభకర్ణుడి వార్ సినిమాకే హైలెట్ అని తెలిపారు రైటర్ విజయేంద్రప్రసాద్.
ఈ మూవీ షూటింగ్ చివరి దశకు చేరుకుంది. 80 శాతం షూటింగ్ పూర్తి కాగా అక్టోబర్ ఫస్ట్ వీక్ కల్లా మిగిలిన షూటింగ్ కంప్లీట్ చేయనున్నారు. ఆ తర్వాత పోస్ట్ ప్రొడక్షన్ వర్క్స్, గ్రాఫిక్స్పై దృష్టి సారించనున్నారు. మహేశ్ రుద్రుడు, శ్రీరాముడిగా కనిపించనుండగా... మందాకిని పాత్రలో ప్రియాంక చోప్రా, విలన్ రణకుంభగా మలయాళ స్టార్ పృథ్వీరాజ్ సుకుమారన్ నటిస్తున్నారు. కీరవాణి మ్యూజిక్ అందిస్తుండగా... దుర్గా ఆర్ట్స్ బ్యానర్పై కేఎల్ నారాయణ భారీ బడ్జెట్తో మూవీని నిర్మిస్తున్నారు.
Before You Go
Gundenininda Gudigantalu Serial August 11 | మనోజ్కు శీలా డార్లింగ్ వార్నింగ్
టాప్ హెడ్ లైన్స్
ట్రెండింగ్ వార్తలు
