Lucky Baskhar Trailer : ‘నేను చెడ్డోడ్ని కాదు... అయామ్ జస్ట్ రిచ్’ - దుల్కర్ సల్మాన్'లక్కీ భాస్కర్' ట్రైలర్ వచ్చేసింది!

దుల్కర్ సల్మాన్ హీరోగా నటిస్తున్న తాజా చిత్రం 'లక్కీ భాస్కర్' నుంచి ట్రైలర్ వచ్చేసింది. ఆ ట్రైలర్ లో ఉన్న విశేషాలు ఏంటో తెలుసుకుందాం పదండి.

Lucky Baskhar Trailer

Source : twitter

మలయాళ స్టార్ హీరో దుల్కర్ సల్మాన్ లేటెస్ట్ మూవీ 'లక్కీ భాస్కర్'. టాలీవుడ్ డైరెక్టర్ వెంకీ అట్లూరి దర్శకత్వం వహిస్తున్న ఈ సినిమాపై ఇప్పటికే మంచి బజ్ క్రియేట్ కాగా, మేకర్స్ మూవీ ప్రమోషన్లలో జోరు పెంచారు. దీపావళి కానుకగా రిలీజ్ కాబోతున్న ఈ సినిమాకు సంబంధించిన ట్రైలర్ ను తాజాగా రిలీజ్ చేశారు. 

'లక్కీ భాస్కర్' ట్రైలర్ విశేషాలు 
స్టార్ హీరో దుల్కర్ సల్మాన్, డైరెక్టర్ వెంకీ అట్లూరి కాంబోలో తెరకెక్కుతున్న ఫ్యామిలీ ఎంటర్టైనర్ 'లక్కీ భాస్కర్'. మీనాక్షి చౌదరి హీరోయిన్ గా నటిస్తున్న ఈ సినిమాను దీపావళి కానుకగా అక్టోబర్ 31న రిలీజ్ చేయబోతున్నట్టు మేకర్స్ ఇప్పటికే అనౌన్స్ చేశారు. ప్రముఖ నిర్మాత సూర్యదేవర నాగవంశీ సితార ఎంటర్టైన్మెంట్స్ బ్యానర్ పై ఈ సినిమాను భారీ బడ్జెట్ తో నిర్మిస్తున్నారు. యంగ్ మ్యూజిక్ డైరెక్టర్ జీవీ ప్రకాష్ కుమార్ ఈ సినిమాకు సంగీతం అందిస్తుండగా, ఈ మూవీ ఫ్యాన్ ఇండియా సినిమాగా దీపావళి రోజు అన్ని భాషల్లోనూ రిలీజ్ కాబోతోంది. ఇక మూవీ రిలీజ్ కు మరో 10 రోజులు మాత్రమే మిగిలి ఉండడంతో ప్రమోషన్లలో జోరు పెంచారు మేకర్స్. అందులో భాగంగానే ఈరోజు 'లక్కీ భాస్కర్' మూవీ నుంచి ట్రైలర్ ను రిలీజ్ చేశారు. ముందుగా అప్డేట్ ఇచ్చినట్టుగానే సమయానికి ట్రైలర్ ను రిలీజ్ చేశారు మేకర్స్. ట్రైలర్ విశేషాలు ఏంటంటే...

ట్రైలర్ లో దుల్కర్, మీనాక్షీ మధ్య వచ్చే డబ్బు డైలాగులు హైలెట్ గా నిలిచాయి. డబ్బు ఉన్నప్పుడు పరిస్థితులు ఎలా ఉంటాయి, లేనప్పుడు ఎలా ఉంటుంది ? అనే విషయాలను చూపించారు మేకర్స్. ట్రైలర్ మొదట్లోనే 'నా పేరు భాస్కర్ కుమార్, నా జీతం రూ. 6,000. దరిద్రంలో బ్రతుకుతున్న నేనే కావాలని పెళ్లి చేసుకుంది సుమతీ' అంటూ తన గురించి, తన భార్య గురించి భాస్కర్ పరిచయం చేసుకోవడం చూడవచ్చు. 'డబ్బు ఉంటేనే మర్యాద, ప్రేమ' అంటూ మీనాక్షీ చెప్పే ఎమోషనల్ డైలాగ్, డబ్బు కోసం భాస్కర్ పడే అవమానాలు, ఫ్యామిలీ కోసం అతను చేసే రిస్క్ ఆసక్తికరంగా ఉంది. ఆయన చేసే ఒకే ఒక్క సంతకం భాస్కర్ ఫ్యామిలీ జీవితాన్ని మార్చేయడం, ఆ తరువాత ఈ కుటుంబం ఎదుర్కొనే కష్టాలను, వాటి నుంచి భాస్కర్ ఎలా గట్టెక్కుతాడు అనేది తెరపై చూడాల్సిందే.   

ట్రైలర్ ఆలస్యం 
నిజానికి ట్రైలర్ ను ఈరోజు సాయంత్రం 5 గంటలకు రిలీజ్ చేస్తామని అఫిషియల్ గా అనౌన్స్ చేశారు మేకర్స్. కానీ 'లక్కీ భాస్కర్' ట్రైలర్ ను దాదాపు రెండు గంటలు ఆలస్యంగా రిలీజ్ చేసి దుల్కర్ సల్మాన్ అభిమానులను డిసప్పాయింట్ చేశారు మేకర్స్. హైదరాబాద్ లో ఈ సినిమాకు సంబంధించిన ట్రైలర్ లాంచ్ ఈవెంట్ ను నిర్వహించారు. అయితే ముందుగా చెప్పినట్టుగా కాకుండా ఆలస్యంగా ఈవెంట్ లో రిలీజ్ చేశారు. లేటుగా అయినా లేటెస్టుగా అన్నట్టుగా ట్రైలర్ బాగుండడంతో హ్యాపీగా ఫీల్ అవుతున్నారు దుల్కర్ సల్మాన్ అభిమానులు.