Leader Title Glimpse : లెజెండ్ శరవణన్ 'లీడర్' గ్లింప్స్ వచ్చేసింది - పొలిటికల్ బ్యాక్ డ్రాప్ కాదు... తండ్రీ కూతుళ్లు సెంటిమెంట్తో పాటే
Legend Saravanan Leader : లెజెండ్ శరవణన్ లేటెస్ట్ యాక్షన్ ఎంటర్టైనర్ 'లీడర్' మూవీ టైటిల్ గ్లింప్స్ వచ్చేసింది. పాన్ ఇండియా లెవల్లో ఏప్రిల్లో సినిమా ప్రేక్షకుల ముందుకు రానుంది.
Legend Saravanan's Leader Movie Title Glimpse Out : ప్రముఖ బిజినెస్ మ్యాన్ అరుళ్ శరవణన్ 'ది లెజెండ్' మూవీతో హీరోగా ఎంట్రీ ఇచ్చారు. ఈ సినిమాతో లెజెండ్ శరవణన్గా గుర్తింపు పొందిన ఆయన మరో సరికొత్త యాక్షన్ ఎంటర్టైనర్తో ప్రేక్షకుల ముందుకు రాబోతున్నారు.
తండ్రీ కూతుళ్ల సెంటిమెంట్ 'లీడర్'
తండ్రీ కూతుళ్ల సెంటిమెంట్ ప్రధానాంశంగా యాక్షన్ ఎంటర్టైనర్ 'లీడర్'తో శరవణన్ అలరించబోతున్నారు. ఈ మూవీకి ఆర్ఎస్ దురై సెంథిల్ కుమార్ దర్శకత్వం వహిస్తుండగా... పాయల్ రాజ్పుత్ హీరోయిన్గా చేస్తున్నారు. సినిమాను లెజెండ్ శరవణ స్పోర్ట్స్ ప్రొడక్షన్స్ బ్యానర్పై భారీ బడ్జెట్తో నిర్మిస్తుండగా... తాజాగా మూవీ నుంచి గ్లింప్స్ రిలీజ్ చేశారు మేకర్స్.
శరవణన్ యాక్షన్ వేరే లెవల్
పవర్ ఫుల్ యాక్షన్ సీక్వెన్స్తో గ్లింప్స్ ఇంట్రెస్ట్ క్రియేట్ చేస్తోంది. విలన్కు చెందిన 9 కంటెయినర్లు కనిపించకుండా పోవడంతో అతని అనుచరులు వాటి కోసం వెతుకుతుంటారు. ఓ చోట 9 కంటెయినర్స్ కనిపించగా... వాటి డ్రైవర్స్, రౌడీలు చనిపోయి ఉంటారు. వాళ్లను వెతుక్కుంటూ వచ్చిన రౌడీలను కూడా హీరో మట్టుబెడతాడు. ఎవరు చంపారని ఆరా తీస్తే అక్కడ ఉన్న అమ్మాయి వాళ్ల నాన్న అని తెలుస్తుంది. 'ఏ బిడ్డకైనా తండ్రే హీరోరా' అనే డైలాగ్ హైప్ క్రియేట్ చేస్తోంది.
కొన్ని అనుకోని పరిస్థితుల్లో అండర్ వరల్డ్ మాఫియా, పోలీసుల ఫోర్స్ మధ్య చిక్కుకున్న ఓ సాధారణ వ్యక్తి... రెండు వర్గాల సంఘర్షణ మధ్య తనని తాను రక్షించుకుంటూ తన బిడ్డను ఎలా కాపాడుకున్నాడు? అనేదే ప్రధానాంశంగా 'లీడర్' తెరకెక్కినట్లు గ్లింప్స్ను బట్టి తెలుస్తోంది. మాస్, యాక్షన్, సస్పెన్స్, థ్రిల్లర్ ఎలిమెంట్స్తో మూవీని రూపొందించినట్లు మేకర్స్ వెల్లడించారు. త్వరలోనే ఈ చిత్ర ఆడియోను రిలీజ్ చేయబోతున్నారు. పాన్ ఇండియా లెవల్లో ఏప్రిల్లో సినిమా ప్రేక్షకుల ముందుకు రానుంది.
'లీడర్' నటీనటులు - శరవణన్, పాయల్ రాజ్ పుత్, శ్యామ్, ఆండ్రియా, సంతోష్ ప్రతాప్, లాల్, బాహుబలి ప్రభాకర్, అమృత అయ్యర్, వీటీవీ గణేష్, ఐశ్వర్య, అరంతంగి నిశా, ఐయాల్, జయమిశ్రా, పత్మాన్, యోగిరామ్, ఓక్ సుందర్, మహానది శంకర్, మరియమ్ జార్జ్, ఆదిత్య కతియార్, వేల్ అరుణాచలం, నిరంజన్, శోభన్ బాబు, అశోక్ పాండియన్ తదితరులు.
టెక్నికల్ టీం - స్టోరీ, డైరెక్షన్ - ఆర్ఎస్ దురై సెంథిల్ కుమార్, కాస్ట్యూమ్ డిజైనర్ - దీప్తి ఆర్.జి, పూర్తి ప్రవీణ్, ఆర్ట్ డైరెక్షన్ - జి.దురైరాజ్, స్టంట్స్ - మహేశ్ మాథ్యూ, ఎడిటింగ్ - ప్రదీప్ ఇ.రాఘవ్, సినిమాటోగ్రఫీ - ఎస్. వెంకటేష్, మ్యూజిక్ - జిబ్రాన్ వైభోద, బ్యానర్ - లెజెండ్ శరవణ స్టోర్స్ ప్రొడక్షన్స్, స్టోరీ, డైరెక్షన్ - ఆర్ ఎస్ దురై సెంథిల్ కుమార్.
Before You Go
Dharmendra Receives Padma Vibhushan Award | ధర్మేంద్రకు పద్మవిభూషణ్ అవార్డు
టాప్ హెడ్ లైన్స్
ట్రెండింగ్ వార్తలు
