Krishna Vrinda Vihari Teaser: రొమాంటిక్ 'కృష్ణ వ్రింద‌ విహారి' - నాగశౌర్య గుండెల్లో గంట మోగింది!

Naga Shaurya, Shirley Setia starrer Krishna Vrinda Vihari Teaser out now: నాగశౌర్య హీరోగా నటిస్తున్న 'కృష్ణ వ్రింద విహారి' టీజర్ విడుదలైంది. అది ఎలా ఉంది?

నాగశౌర్య, షెర్లియా సేథీ

కృష్ణుడి గుండెల్లో గంట మోగింది... అదీ ఓ అమ్మాయి తన దగ్గరలోకి వచ్చినప్పుడు! ఆ అమ్మాయి పేరు వ్రింద‌! మరి, వీళ్ళిద్దరి కథేంటి? అనేది 'కృష్ణ వ్రింద విహారి'లో చూడాలి. ఏప్రిల్ 22న ప్రేక్షకుల ముందుకు వస్తోందీ సినిమా! ఇందులో కృష్ణ పాత్రలో నాగశౌర్య, వ్రింద‌ పాత్రలో షెర్లియా సేతి నటించారు. ఈ సినిమా టీజర్ నేడు విడుదల చేశారు.

'కృష్ణ వ్రింద విహారి' టీజర్ చూస్తే... బ్యూటిఫుల్ అండ్ రొమాంటిక్ ఫిల్మ్ అనే ఫీల్ కలిగించింది. అమ్మాయికి దగ్గర కావాలని, ఆమెతో మాట్లాడాలని నాగశౌర్య చేసే యువకుడిగా, సాఫ్ట్‌వేర్ ఉద్యోగి పాత్రలో నాగశౌర్య కనిపించారు. టీజర్ చూస్తే... ఆయన రెండు లుక్స్‌లో కనిపించనున్నారని అర్థం అవుతోంది. షెర్లియా సేథీ అందంగా కనిపించారు. ఆమె క్యారెక్టర్ రొమాంటిక్‌గా, మోడ్రన్‌గా ఉంది. కామెడీ, రొమాన్స్, మ్యూజిక్... మేళవింపుతో సినిమా తెరకెక్కించినట్టు తెలుస్తోంది.

అనీష్ ఆర్. కృష్ణ దర్శకత్వంలో, శంకర్ ప్రసాద్ ముల్పూరి సమర్పణలో ఉషా ముల్పూరి ఈ చిత్రాన్ని నిర్మిస్తున్నారు. ఫ్యామిలీ ప్రొడక్షన్ హౌస్ ఐరా క్రియేషన్స్‌లో నాగశౌర్యకు మంచి ట్రాక్ రికార్డు ఉంది. 'ఛలో', 'అశ్వథ్థామ' వంటి హిట్స్ ఉన్నాయి. ఈ చిత్రానికి మహతి స్వర సాగర్ సంగీతం అందిస్తున్నారు. 'ఛలో' చిత్రానికి కూడా ఆయనే సంగీతం అందించారు. 

 

 

 

 

 

Δείτε αυτή τη δημοσίευση στο Instagram.

 

 

 

 

 

 

 

 

 

 

 

Η δημοσίευση κοινοποιήθηκε από το χρήστη Naga Shaurya (@actorshaurya)