Its Complicated Release Date : టైటిల్ ఎందుకు మార్చారో అడగొద్దు... 'ఇట్స్ కాంప్లికేటెడ్' మూవీ రిలీజ్ డేట్ అనౌన్స్ చేసిన రానా, సిద్ధూ జొన్నలగడ్డ
Its Complicated Release Date : సిద్ధూ జొన్నలగడ్డ మూవీ 'కృష్ణ అండ్ హిజ్ లీలా' మూవీని 'ఇట్స్ కాంప్లికేటెడ్' టైటిల్ తో రిలీజ్ చేయనున్నట్టు రానా ప్రకటించారు.
Its Complicated : టాలీవుడ్ యంగ్ హీరో సిద్ధూ జొన్నలగడ్డ హీరోగా నటించిన 'కృష్ణ అండ్ హిజ్ లీలా' అనే మూవీని ఫిబ్రవరి 14న థియేటర్లోకి తీసుకురాబోతున్నట్టు తాజాగా చిత్ర బృందం అనౌన్స్ చేసింది. అయితే ఎప్పటిలా రిలీజ్ డేట్ పోస్టర్ ను రివీల్ చేయడం కాకుండా, స్వయంగా నిర్మాత రానా దగ్గుబాటి, హీరో సిద్ధూ జొన్నలగడ్డ కలిసి మూవీని రిలీజ్ చేయబోతున్నామని వినూత్నంగా స్పెషల్ వీడియో ద్వారా వెల్లడించారు.
టైటిల్ ని ఎందుకు మార్చామో అడగద్దు....
తాజాగా టాలీవుడ్ హల్క్ రానా దగ్గుబాటి "మూవీ టైటిల్ ని ఎందుకు మార్చామో అడగకండి. ఇట్స్ కాంప్లికేటెడ్ అంతే. అన్ఎక్స్పెక్టెడ్ డ్రామాతో ఫైనల్ గా థియేటర్లలో రిలీజ్ అవుతుంది ఈ ఫిబ్రవరి 14కి. క్యాచె విత్ యువర్ లవ్డ్ వన్స్ ఆర్ టూ" అంటూ ఓ వీడియోని పోస్ట్ చేశారు. ఆ వీడియోలో ముందుగా సిద్ధూ జొన్నలగడ్డను చూపించారు. డైరెక్టర్ రవికాంత్ "సిద్దు నాతో సినిమా చేస్తావా? బాగా వైల్డ్ గా ఉంటుంది స్టోరీ" అని అడిగారు. "బాగా డిబేటబుల్గా ఉంటుందా? అయితే ఓకే. ప్రొడ్యూసర్ ఎవరు?" అని ప్రశ్నించగా, "రానా దగ్గుబాటి" అని చెప్పారు రవికాంత్.
వెంటనే సిద్దు "ఆయనేనా? నేను చెయ్య" అని చెప్పారు. వెంటనే రానా దగ్గుబాటి అందుకుని "ఎందుకు చేయవు?" అని అడిగారు. "సిద్దు నువ్వు బేస్ వాయిస్ తో మాట్లాడితే భయపడతా అనుకుంటున్నావా? నువ్వు ఓటీటీలో రిలీజ్ చేస్తావ్" అని అన్నారు. రానా "అప్పుడంటే పాండమిక్ వచ్చింది" అని చెప్పారు. "ఇప్పుడేమైంది ?" అని సిద్దు అడగ్గా... "ఇట్స్ కాంప్లికేటెడ్" అని చెప్పారు రానా. "అదే టైటిల్ తో ఇప్పుడు థియేటర్లలో రిలీజ్ చేయండి. నువ్వు అది రిలీజ్ చేస్తేనే మనం సినిమా చేద్దాం. ఫిబ్రవరి 14 ఇంగ్లీష్ పండుగ రోజు రిలీజ్ " అని డిమాండ్ చేశారు సిద్దు. "తెలుగు సినిమాలు ఇంగ్లీష్ పండగ రోజు రిలీజ్ చేస్తారా?" అని రానా అడగ్గా, "ఇట్స్ కంప్లికేటెడ్ కదా రిలీజ్ టైటిల్" అని అన్నారు సిద్ధూ. "ఆ ముందు టైటిల్ ఏంటో మాట్లాడుకోవద్దు మనం" అని చెప్పారు రవికాంత్. వెంటనే రానా దగ్గుబాటి, సిద్దు జొన్నలగడ్డ "మాక్కూడా గుర్తులేదు" అన్నారు. ఈ మూవీ ప్రమోషన్స్ కూడా చేస్తామంటూ, ఫిబ్రవరి 14న ఇట్స్ కాంప్లికేటెడ్ మూవీని రిలీజ్ చేయబోతున్నామని వెల్లడించారు.
Title endhuk marchamo adagakandi, It’s complicated anthe! Unexpected drama tho final ga theatres lo release avthundi ee Feb 14th ki. Catch us with your loved ones! Or two’s 😉#ItsComplicated #Starboy #FinallyIntheatres#SiddhuJonnalagadda @RanaDaggubati @ShraddhaSrinath… pic.twitter.com/vBOemAKPqD
— Rana Daggubati (@RanaDaggubati) February 3, 2025
ఓటీటీలో రిలీజ్ అయిన కృష్ణ అండ్ హిజ్ లీల
సిద్ధూ జొన్నలగడ్డ హీరోగా, రవికాంత్ పేరెపు దర్శకత్వంలో రూపొందిన మూవీ 'కృష్ణ అండ్ హిజ్ లీలా'. ఈ మూవీ 2020 జూన్ 25న నెట్ ఫ్లిక్స్ లో డైరెక్ట్ గా రిలీజ్ అయింది. అప్పట్లో కరోనా కారణంగా ఈ మూవీని థియేటర్లలో బదులుగా ఓటీటీలో రిలీజ్ చేశారు. ఈ సినిమాలో శ్రద్ధ శ్రీనాథ్, సీరత్ కపూర్, శాలిని హీరోయిన్లుగా నటించారు. రానా దగ్గుబాటి సమర్పించగా, సురేష్ ప్రొడక్షన్స్ - వయాకామ్ 18 సంస్థలు ఈ మూవీని సంయుక్తంగా నిర్మించాయి. ఇప్పుడు డైరెక్ట్ గా ఈ మూవీ థియేటర్లలోకి రాబోతోంది.
టాప్ హెడ్ లైన్స్
ట్రెండింగ్ వార్తలు
