Nagarjuna : నాగార్జునకు వెరీ వెరీ స్పెషల్ - ఫస్ట్ సినిమా విక్రమ్, ANR లాస్ట్ మూవీ మనం ఇవాలే రిలీజ్

Nagarjuna Movie Journey : కింగ్ నాగార్జునకు, అక్కినేని ఫ్యామిలీకి ఈ రోజు వెరీ స్పెషల్ డే. నవ మన్మథుడి సినీ జర్నీలో మే 23కి ఉన్న ప్రత్యేకత ఏంటో మీకు తెలుసా...

నాగార్జునకు వెరీ స్పెషల్ డే

Source : https://www.instagram.com/p/DYkDexZOSni/

King Nagarjuna Started His Journey On This Date : మే 23.... అక్కినేని ఫ్యామిలీకి ఈరోజుతో ప్రత్యేక అనుబంధం ఉంది. ఇదే రోజున కింగ్ నాగార్జున తన సినీ కెరీర్‌కు నాంది పలికారు. ఆయన హీరోగా నటించిన ఫస్ట్ మూవీ 'విక్రమ్' 1986లో ఇదే రోజున థియేటర్లలో రిలీజై బాక్సాఫీస్ వద్ద బ్లాక్ బస్టర్‌గా నిలిచింది. టాలీవుడ్ ఇండస్ట్రీకి ఓ సరికొత్త లెజెండ్ పరిచయం అయిన రోజు ఇదే కావడం విశేషం. 

తన సినీ కెరీర్‌లో హీరోగా ఎన్నో బిగ్గెస్ట్ హిట్స్ అందుకున్నారు నాగ్. ఆఖరి పోరాటం, గీతాంజలి, మజ్ను ఇలా ప్రతీ సినిమా ఓ మైలురాయి అనే చెప్పాలి. ఆర్జీవీ దర్శకత్వంలో వచ్చిన యాక్షన్ థ్రిల్లర్ 'శివ' నాగ్ కెరీర్‌లోనే కాకుండా ఏకంగా ఇండస్ట్రీలోనే బిగ్గెస్ట్ హిట్‌గా నిలిచింది. ఓ సరికొత్త ట్రెండ్‌నే క్రియేట్ చేసింది. ఇండస్ట్రీలో శివ ముందు తర్వాత అనేంతలా రికార్డు సృష్టించింది. ఈ మూవీకి నాగ్ బెస్ట్ యాక్టర్‌గా ఫిలింఫేర్ అవార్డు అందుకున్నారు. హిందీలో కూడా అదే పేరుతో బాలీవుడ్ ఎంట్రీ ఇచ్చారు నాగార్జున.

Today, May 23rd
నా సిని జీవితం మొదలైన రోజు
Akhil నాకో చిన్న surprise ఇచ్చాడు చూస్తుంటే చాలా హాయి గా ఉంది
మీరు చూడండి.

👉🏽 https://t.co/QG2BFis2XT

మనోడు వస్తున్నాడు…. #ManoduVasthunnadu #LeninOnJune26th

— Nagarjuna Akkineni (@iamnagarjuna) May 23, 2026

నవ మన్మథుడు

90s జనరేషన్ అయినా ఇప్పటి Zen Z జనరేషన్ అయినా నాగ్ యూత్‌కు ట్రెండ్ సెట్టర్. అమ్మాయిలకు నవ మన్మథుడే. టాలీవుడ్‌లో సెల్లులాయిడ్ శాస్త్రవేత్తగా ముద్దుగా పిలుచుకునే నాగార్జున తనను తాను కంటిన్యూగా కొత్తగా ఆవిష్కరించుకుంటూ తన మూవీ జర్నీ కొనసాగించారు. గీతాంజలితో ప్రేమకు కొత్త నిర్వచనం చెబితే... అన్నమయ్య, శ్రీరామదాసు, శిరిడి సాయి వంటి మూవీస్‌తో ఆధ్యాత్మిక భావనలో ముంచెత్తించారు.

హలో బ్రదర్, మన్మథుడు, కింగ్, బంగార్రాజు వంటి మూవీస్‌తో న్యూ ట్రెండ్ సెట్ చేశారు. వేగంగా మారుతున్న తెలుగు సినీ ప్రపంచంలో వయసుతో సంబంధం లేకుండా ఏ జనరేషన్ వారికైనా యంగ్ కింగ్ స్టైలిష్ ఐకాన్‌గా నిలిచారు.

ఏఎన్నార్ లాస్ట్ మూవీ

చాలా ఏళ్ల తర్వాత దిగ్గజ నటుడు అక్కినేని నాగేశ్వరరావు చివరిసారిగా తెరపై కనిపించిన సినిమా మనం. అక్కినేని ఫ్యామిలీ మూడు జనరేషన్స్‌ను సిల్వర్ స్క్రీన్‌పై ఆవిష్కరించింది ఈ మూవీ. మనం కూడా అదే ఎమోషనల్ డేట్ 2014 మే 23నే రిలీజైంది. తద్వారా మే 23 అక్కినేని ఫ్యామిలీ సినీ వారసత్వంలో ఒక ప్రత్యేకమైన తేదీగా నిలిచింది. 

 

ప్రస్తుతం నాగార్జున 'కింగ్ 100' మూవీ చేస్తున్నారు. కోలీవుడ్ స్టార్ డైరెక్టర్ రా కార్తీక్ దర్శకత్వం వహిస్తుండగా... టబు ఓ హీరోయిన్‌గా చేస్తున్నారు. దాదాపు 28 ఏళ్ల తర్వాత హిట్ పెయిర్ టబు, నాగ్ కలిసి స్క్రీన్ షేర్ చేసుకుంటున్నారు. అన్నపూర్ణ స్టూడియోస్ బ్యానర్‌పై నాగార్జున ఈ మూవీని నిర్మిస్తున్నారు. ఎప్పుడూ అభిమానుల హృదయాలను గెలుచుకుంటూ సాగుతున్న నాగ్ సినీ ప్రయాణం... ఈ తేదీతో స్పెషల్ అటాచ్‌మెంట్ కలిగి ఉంది. ఆయన వందో మూవీ కోసం ఫ్యాన్స్ ఈగర్‌గా వెయిట్ చేస్తున్నారు.

 

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

 

మరిన్ని చదవండి

కేన్స్‌లో క్వీన్ ఐశ్వర్య - రెడ్ కార్పెట్‌పై దేవకన్యలా విశ్వ సుందరి