![ABP Premium](https://cdn.abplive.com/imagebank/Premium-ad-Icon.png)
Kill Remake: తెలుగులోకి ‘కిల్’ మూవీ రీమేక్? అసలు సంగతి చెప్పేసిన మేకర్స్ - గాలి తీసేశారుగా!
బాలీవుడ్ లో సూపర్ హిట్ అయిన ‘కిల్‘ మూవీని తెలుగులో రీమేక్ చేస్తున్నారంటూ సోషల్ మీడియాలో వార్తలు వచ్చాయి. ఈ నేపథ్యంలో చిత్ర నిర్మాణ సంస్థ క్లారిటీ ఇచ్చింది.
![Kill Remake: తెలుగులోకి ‘కిల్’ మూవీ రీమేక్? అసలు సంగతి చెప్పేసిన మేకర్స్ - గాలి తీసేశారుగా! Karan Johars Kill to be remade in South Dharma Productions puts rumours to rest Kill Remake: తెలుగులోకి ‘కిల్’ మూవీ రీమేక్? అసలు సంగతి చెప్పేసిన మేకర్స్ - గాలి తీసేశారుగా!](https://feeds.abplive.com/onecms/images/uploaded-images/2024/07/16/b2f4c94002fa57b53efb94a4bc38b4cd1721137730575239_original.jpg?impolicy=abp_cdn&imwidth=1200&height=675)
Dharma Productions On ‘Kill’ Remake: లక్ష్య లాల్వానీ హీరోగా, నిఖిల్ నగేష్ భట్ తెరకెక్కించిన లేటెస్ట్ బాలీవుడ్ మూవీ ‘కిల్‘. యాక్షన్ థ్రిల్లర్ గా రూపొందించిన ఈ చిత్రంలో తాన్యా మనక్తిలా హీరోయిన్ గా నటించింది. ఈ నెల 5న ప్రేక్షకుల ముందుకు వచ్చిన ఈ సినిమా.. బాక్సాఫీస్ దగ్గర మంచి హిట్ అందుకుంది. ఈ చిత్రంలోని యాక్షన్ సన్నివేశాలు ప్రేక్షకులను ఓ రేంజిలో ఆకట్టుకున్నాయి. ఈ మూవీలోని పలు సీక్వెన్స్ లు ఆడియెన్స్ను ఓ రేంజిలో అలరించాయి. ఇప్పటికే ఈ సినిమాకు సంబంధించి హాలీవుడ్ రీమేక్ రైట్స్ ను ఇంగ్లీష్ దర్శకుడు ఛార్లెస్ ఎఫ్ స్టా హెల్స్కీ కొనుగోలు చేశారు. ఈ చిత్రాన్ని ఆయన హాలీవుడ్ లో ఏ రేంజిలో తెరకెక్కిస్తారోనని సినీ అభిమానులు ఆలోచిస్తున్నారు.
రీమేక్ రైట్స్ పై ధర్మ ప్రొడక్షన్స్ క్లారిటీ
ఇక ‘కిల్’ సినిమా తెలుగులో కూడా రీమేక్ కాబోతున్నట్లు వార్తలు వినిపించాయి. ఈ నేపథ్యంలోనే చిత్ర నిర్మాణ సంస్థ ధర్మ ప్రొడక్షన్స్ క్లారిటీ ఇచ్చింది. హాలీవుడ్లో మాత్రమే రీమేక్ చేసేందుకే రైట్స్ అమ్మినట్లు తెలిపింది. భారత్లో ఇంకా రీమేక్ రైట్స్ అమ్మలేదని వెల్లడించింది. ఈ మేరకు సోషల్ మీడియా వేదికగా ఓ పోస్టు పెట్టింది. ఇరత భాషల్లో ఈ సినిమా రీమేక్ అవుతున్నట్లు వస్తున్న వార్తలన్నీ అవాస్తవమని ధర్మ ప్రొడక్షన్స్ అధికారికంగా ప్రకటించింది.
View this post on Instagram
ఇక ‘కిల్’ సినిమా గత ఏడాది టొరంటో ఇంటర్నేషనల్ ఫిల్మ్ ఫెస్టివల్ లో ఈ సినిమాను ప్రదర్శించారు. ఈ సినిమాకు న్యాయ నిర్ణేతలు ఫిదా అయ్యారు. ఈ మూవీ ‘పీపుల్ ఛాయిస్ అవార్డు కేటగిరీలో ఫస్ట్ రన్నరప్ గా నిలిచింది. ఈ ఏడాది జూన్లో ట్రిబెకా ఫిల్మ్ ఫెస్టివల్ లోనూ ఈ సినిమాను స్క్రీనింగ్ చేశారు. అక్కడ కూడా మంచి ప్రశంసలు దక్కాయి. అదే వేడుకలో ఈ చిత్రాన్ని చూసి.. హాలీవుడ్ దర్శకుడు ఛార్లెస్ ఇంప్రెస్ అయ్యారు. ఈ సినిమాను ఇంగ్లీష్లో రీమేక్ చేయడానికి రైట్స్ తీసుకున్నారు.
‘కిల్’ తెలుగులో రీమేక్ అంటూ వార్తలు
అటు ‘కిల్’ సినిమాకు తెలుగులోనూ మంచి వసూళ్లు వచ్చిన నేపథ్యంలో ఈ చిత్రం తెలుగులోనూ రీమేక్ అవుతుందని వార్తలు వచ్చాయి. అంతేకాదు, ఈ సినిమాలో ఇద్దరు యంగ్ హీరోలు నటిస్తున్నారని, వారిలో ఒకరు సుధీర్ బాబు, మరొకరు కిరణ్ అబ్బవరం అని ప్రచారం జరిగింది. ఈ సినిమా రీమేక్ రైట్స్ కోసం వారిద్దరు బాలీవుడ్ నిర్మాత కరణ్ జోహార్ తో టచ్ లో ఉన్నట్లు కూడా వార్తలు వచ్చాయి. తాజాగా ధర్మ ప్రొడక్షన్స్ రిలీజ్ చేసిన ప్రకటనతో ఆ వార్తలన్నీ అవాస్తవం అని తేలిపోయింది.
Read Also: ఎన్నో అగ్ని పరీక్షలు ఎదుర్కొన్నా- విడాకులపై సమంత షాకింగ్ కామెంట్స్
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)