Deepika Padukone : ప్రభాస్ 'కల్కి' ప్రమోషన్స్‌కు దీపికా పదుకొనె దూరం - కారణం అదేనా?

Deepika Padukone : ప్రభాస్ 'కల్కి' సినిమా ప్రమోషన్స్ కి హీరోయిన్ దీపికా పదుకొనే దూరం కానుందని బాలీవుడ్ మీడియాలో వార్తలు వినిపిస్తున్నాయి.

ప్రభాస్, దీపికా పదుకొనే(Image Credit : Kalki2898AD/Twitter)

Deepika Padukone to Skip Kalki promotions : పాన్ ఇండియా హీరో ప్రభాస్, బాలీవుడ్ స్టార్ హీరోయిన్ దీపికా పదుకొనే మొదటిసారి జంటగా నటిస్తున్న తాజా చిత్రం 'కల్కి 2898 AD'. యంగ్ అండ్ టాలెంటెడ్ డైరెక్టర్ నాగ్ అశ్విన్ హాలీవుడ్ స్టాండర్డ్స్ తో గ్రాండ్ స్కేల్లో ఈ సినిమాని తెరకెక్కిస్తున్నారు. సైన్స్ ఫిక్షన్ కథాంశంతో రూపొందుతున్న ఈ సినిమాలో దిషా పటాని మరో కథానాయికగా నటిస్తోంది. బాలీవుడ్ లెజెండ్ యాక్టర్ అమితాబచ్చన్ కీలక పాత్ర పోషిస్తుండగా.. యూనివర్సల్ స్టార్ కమల్ హాసన్ విలన్ గా నటిస్తున్నారు. ప్రస్తుతం షూటింగ్ చివరి దశలో ఉన్న ఈ సినిమా ప్రమోషన్స్ ని వచ్చే నెలలో మొదలుపెట్టనున్నారు మేకర్స్. అయితే ఈ మూవీ ప్రమోషన్స్ కి హీరోయిన్ దీపికా పదుకొనే దూరం కానుందని బాలీవుడ్ మీడియాలో వార్తలు చక్కర్లు కొడుతున్నాయి.

'కల్కి' ప్రమోషన్స్ కి దీపికా పదుకొనే దూరం

ప్రభాస్ 'కల్కి' సినిమా ప్రమోషన్స్ ని మూవీ టీం చాలా గ్రాండ్ గా ప్లాన్ చేశారు. సినిమాని పాన్ వరల్డ్ లెవెల్ లో రిలీజ్ చేయనున్న నేపథ్యంలో ప్రమోషన్స్ కూడా ఇంటర్నేషనల్ రేంజ్ లో చేయబోతున్నారు. అయితే 'కల్కి' ప్రమోషన్స్ కి దీపికా పదుకొనే దూరం కాబోతున్నట్లు తాజా సమాచారం బయటకు వచ్చింది. నిజానికి నాగ్ అశ్విన్ ఈ సినిమాని దీపికా పదుకొనె, అమితాబ్ బచ్చన్ ల సహకారంతో నార్త్ లో భారీగా ప్రమోట్ చేయాలని అనుకున్నారు. కానీ అది వర్కౌట్ అయ్యేలా కనిపించడం లేదు. అయితే 'కల్కి' ప్రమోషన్స్ కి దీపికా పదుకొనే హాజరు కాకపోయినా ఆమె స్థానాన్ని మరో బాలీవుడ్ బ్యూటీ దిశా పటాని భర్తీ చేయనున్నట్లు తెలుస్తోంది. ప్రభాస్ తో కలిసి దిశా పటాని నార్త్ లో కల్కి ప్రమోషన్స్ లో పాల్గొనే అవకాశం ఉందని అంటున్నారు.

ఆ కారణం వల్లే 

'కల్కి' మూవీ ప్రమోషన్స్ కి దీపికా పదుకొనే దూరం అవ్వడానికి ప్రధాన కారణం ఆమె గర్భం దాల్చడమే. దీపికా పదుకొనే, రణవీర్ సింగ్ తమ మొదటి బిడ్డకు జన్మనివ్వబోతున్నారని ఇటీవలే సోషల్ మీడియా వేదికగా ప్రకటించిన విషయం తెలిసిందే. ఈ సెప్టెంబర్ లోనే దీపిక బిడ్డకు జన్మనివ్వబోతోంది. పెళ్లయిన ఐదు సంవత్సరాల తర్వాత గర్భం దాల్చడంతో దీపిక ప్రతి విషయంలో జాగ్రత్తలు తీసుకుంటుంది. తాను ప్రెగ్నెంట్ అయిన తర్వాత ఎలాంటి కొత్త సినిమాలకు సైన్ చేయలేదు.

అంతేకాదు షూటింగ్ టైంలో దూర ప్రయాణాలు ఉంటే వాటిని పూర్తిగా స్కిప్ చేస్తోంది. ఈ క్రమంలోనే 'కల్కి' ప్రమోషన్స్ కి సైతం దీపిక హాజరు కాకపోవచ్చు అని బాలీవుడ్ మీడియాలో వార్తలు వినిపిస్తున్నాయి. ఒకవేళ దీపిక పదుకొనే కనుక ప్రమోషన్స్ లో పాల్గొనకపోతే అది సినిమా హిందీ వెర్షన్ పై ప్రతికూల ప్రభావం చూపుతుందని చెప్పవచ్చు. అంతేకాదు ప్రభాస్, నాగ్ అశ్విన్ తో పాటూ 'కల్కి' హిందీ వెర్షన్ ప్రమోషన్స్ ని భుజాలపై వేసుకునే బాధ్యతలను అమితాబచ్చన్, దిశా పటాని ఇద్దరూ తీసుకోవాల్సి ఉంటుంది.