Kajal Aggarwal : కన్నప్ప నుంచి కాజల్ అగర్వాల్ ఫస్ట్ లుక్.. ముల్లోకాలను ఏలే త్రిశక్తిగా వస్తోన్న టాలీవుడ్ చందమామ

Kannappa Movie : కన్నప్ప సినిమా నుంచి తాజాగా కాజల్ అగర్వాల్​ లుక్​ని చిత్రబృదం విడుదల చేసింది. ఈ మూవీలో కాజల్ పార్వతీ దేవిగా చేస్తున్నట్లు తెలిపింది. 

కన్నప్ప సినిమాలో కాజల్ అగర్వాల్ ఫస్ట్ లుక్(Image Source : X)

Source : x

Kajal Aggarwal Look From Kannappa : మంచు విష్ణు హీరోగా చేస్తూ.. డ్రీమ్ ప్రాజెక్ట్​గా తెరకెక్కిస్తోన్న చిత్రం కన్నప్ప. స్టార్ కాస్ట్​తో ఈ సినిమా ఇప్పటికే ఫుల్ బజ్​ను క్రియేట్ చేసింది. రీసెంట్​గా హీరోయిన్ లుక్​ని విడుదల చేసిన చిత్రబృందం.. తాజాగా కాజల్ అగర్వాల్ లుక్​ని షేర్ చేసింది. ఈ సినిమాలో కాజల్ పార్వతీ దేవిగా కనిపించనున్నట్లు తెలిపింది. వాస్తవిక కథను పాన్ ఇండియా చిత్రంగా మంచు విష్ణు ఈ ప్రాజెక్ట్​ను ముందుకు తీసుకువెళ్తున్నారు. 

పార్వతీ దేవిగా చేస్తోన్న కాజల్ అగర్వాల్ లుక్​ని చిత్ర యూనిట్ సోషల్ మీడియాలో షేర్ చేసింది. ముల్లోకాలు ఏలే తల్లి.. భక్తుల్ని ఆదుకునే త్రిశక్తి.. శ్రీకాళహస్తిలో వెలసిన శ్రీ జ్ఞాన ప్రసూనాంబిక.. పార్వతి దేవి అంటూ పోస్టర్​ను విడుదల చేశారు. ఈ సినిమా ప్రపంచవ్యాప్తంగా ఏప్రిల్ 25, 2025వ తేదీన విడుదల కానుంది. 

కాజల్ లుక్ ఎలా ఉందంటే..

వైట్, క్రీమ్ మిక్స్ అయిన, గోల్డ్ బోర్డర్​తో వచ్చిన శారీలో కాజల్ సౌమ్యంగా కనిపించింది. చేతులకు గాజులు.. బంగారు ఆభరణాలు ధరించి.. తలలో తామరపువ్వు.. లుక్​లో కాజల్ కనిపించగా.. ఆమె వెనుక మాత్రం శక్తి చేతిలో ఆయుధాలు కనిపించేలా పోస్టర్​ను డిజైన్​ చేశారు. ఈ పోస్టర్​ ప్రస్తుతం సోషల్ మీడియాలో వైరల్ అవుతుంది. 

యదార్థ గాధతో.. 

మహాకవిగా పేరుతెచ్చుకున్న ధూర్జటి రాసిన శ్రీకాళహస్తీశ్వర మహత్యంలోని భక్త కన్నప్ప చరిత్రను స్ఫూర్తిగా తీసుకుని సినిమాను తెరకెక్కిస్తున్నారు. విష్ణు సినిమాలో కన్నప్పగా చేస్తున్నారు. మోహన్​ బాబు ఈ పాన్ ఇండియా సినిమాను నిర్మిస్తుండగా.. ముకేష్ కుమార్ సింగ్ దర్శకత్వం వహిస్తున్నారు. 

సినిమా విడుదల ఎప్పుడంటే.. 

కన్నప్ప సినిమా వేసవి కానుకగా ఏప్రిల్ 25వ తేదీన ప్రపంచవ్యాప్తంగా విడుదల కానుంది. ఈ ప్రాజెక్ట్ మొదటి నుంచి మంచి హైప్​ని మూటగట్టుకుంది. ఆడియన్స్​కి హైప్​నిస్తూ.. చిత్రబృందం కూడా ఒక్కొక్కరి పోస్టర్​ను విడుదల చేస్తూ.. సినిమాపై అంచనాలు పెంచుతుంది.

స్టార్ కాస్ట్ ఎవరంటే.. 

మంచు విష్ణు డ్రీమ్ ప్రాజెక్ట్​గా తెరకెక్కుతున్న ఈ చిత్రానికి హైప్ రావడానికి ప్రభాస్ ఓ కారణమనే చెప్పాలి. ఈ సినిమాలో ప్రభాస్ నంది పాత్రలో నటిస్తున్నారు. అయితే ఆ మధ్య లీక్ అయిన ప్రభాస్ లుక్ సినిమాపై హైప్​ని మరింత పెంచింది. అక్షయ్ కుమార్ శివుడిగా చేస్తున్నారు. వీరే కాకుండా శరత్​ కుమార్, మోహన్ లాల్​, మోహన్ బాబు, ముఖేష్ రిషి, బ్రహ్మాజీ, బ్రహ్మానందం, ప్రీతి ముకుందన్, మధుబాల తదితరులు కీలక పాత్రలు పోషిస్తున్నారు. విష్ణు కుమారుడు కూడా ఈ సినిమాతో ఎంట్రీ ఇవ్వనున్నారు. విష్ణు కుమార్తెలు కూడా సినిమాలో కనిపించనున్నారు.