Orry: రోజుకు రూ.50 లక్షల సంపాదన - నాతో ఫొటో కావాలన్నా, ముట్టుకోవాలన్నా డబ్బులివ్వాలి - ఇవే నా రేట్లు: ఓర్రి

Orry: ఇంటర్నెట్ స్టార్‌గా పేరు తెచ్చుకున్న ఓర్రీ.. దాదాపు ప్రతీ బాలీవుడ్ పార్టీలో కనిపిస్తుంటాడు. అయితే ఆ పార్టీలలో కనిపించడానికి, ఫోటోలు దిగడానికి తను ఎంత ఛార్జ్ చేస్తాడో తాజాగా బయటపెట్టాడు.

Image Credit: Orry/Instagram

Orry About His Income: ఉద్యోగం, బిజినెస్ లాంటివి ఏం లేకపోయినా కేవలం సోషల్ మీడియాతో, దాని ద్వారా వారు పెంచుకునే పాపులారిటీ ద్వారా కూడా రెండు చేతులా సంపాదించవచ్చని ఇప్పటికే పలువురు ఇన్‌స్టాగ్రామ్ ఇన్‌ఫ్లుయెన్సర్లు నిరూపించారు. అందులో ముఖ్యంగా చెప్పుకోవాల్సిన ఇంటర్నెట్ స్టార్ ఓర్హాన్ అవత్రమాని అలియాస్ ఓర్రీ. అసలు ఓర్రీ ఏం చేస్తుంటాడు, ఎక్కడ నుండి వచ్చాడు ఎవరికీ తెలియదు. కానీ అతడి పని మాత్రం బాలీవుడ్ పార్టీలలో సెలబ్రిటీలతో కలిసి ఫోటోలు దిగడమే. దీని ద్వారా తన సంపాదన లక్షల్లో ఉంటుందని తాజాగా ఓర్రీ ఒక షోలో బయటపెట్టాడు.

సినిమాల్లో నటించను..

తాజాగా భారతీ సింగ్, హర్ష్ లింబాచియా పోడ్కాస్ట్‌లో పాల్గొన్నాడు ఓర్రీ. అందులో తను చేసే పని గురించి మాట్లాడుతూ.. ‘‘నాకు సినిమాలు, షోలలో కనిపించడం అస్సలు ఇష్టం లేదు. కష్టమైన పని చేయాలని ఎవరు కలలు కంటారు? ఎవరూ కనరు కదా. నాకు పని అస్సలు నచ్చదు. సినిమాల్లో, టీవీలో నటించడం చాలా పెద్ద పని. ముఖ్యంగా ఈ ఇండస్ట్రీలో పని అనేది ఎప్పటికీ పూర్తికాదు. నీ పనిని ఇంటికి తీసుకెళ్తావు, నీ జీవితం మొత్తం పని చుట్టూనే తిరుగుతుంది. బయట నుండి చూసేవారికి ఇది ఈజీ అనిపిస్తుంది కానీ కాదు’’ అంటూ తను ఎప్పటికీ సినిమాల్లో తేల్చిచెప్పాడు ఓర్రీ.

అదే నా సంపాదన..

మరి ఏ పని చేయకుండా డబ్బులు ఎలా సంపాదిస్తున్నాడు అని అడగగా.. ‘‘నేను చీప్‌గా కనిపిస్తున్నానా? నన్ను ఒక్క ఫోటో అడిగితే రూ.25 లక్షలు అడుగుతాను. నా అంతట నేనే ఫోటో ఇస్తాను అంటే మాత్రం ఏం డబ్బులు తీసుకోను. మామూలుగా ఓర్రీ టచ్ కావాలంటే కూడా రూ.20 లక్షలు ఛార్జ్ చేస్తాను. ధర్మ కార్నర్‌స్టోన్ ఏజెన్సీలో నాకంటూ ఒక స్పెషల్ టీమ్ ఉంది. నాకంటూ మనుషులు ఉన్నారు. నా పనిని చూసుకోవడానికి పదిమందికి పైగా మ్యానేజర్లు ఉన్నారు’’ అంటూ తన ఛార్జెస్ గురించి చెప్పి షాకిచ్చాడు ఓర్రీ. ఇది విన్న తర్వాత బాలీవుడ్ సెలబ్రిటీలు ఓర్రీ టచ్ కోసం అంత డబ్బును ఖర్చుపెడుతున్నారా అని ప్రేక్షకులు ఆశ్చర్యపోతున్నారు.

సంతోషెట్టడమే లక్ష్యం..

ఇంతకు ముందు కూడా పలు షోలలో పాల్గొన్న ఓర్రీ.. ఇదే విషయాన్ని చెప్పుకొచ్చాడు. ప్రస్తుతం సంతోషంగా ఉండడం, సంతోషాన్ని పంచడం మాత్రమే తన లక్ష్యమన్నాడు. తాను పార్టీలకు అటెండ్ అయ్యి, ఫోటోలు దిగడం వల్ల చాలామంది సంతోషపడతారని తెలిపాడు. ప్రస్తుతం అలా పార్టీలకు అటెండ్ అవ్వడం వల్లే తాను సంపాదిస్తున్నానని అన్నాడు. ఇక పెళ్లి లాంటి పెద్ద పెద్ద ఈవెంట్స్‌కు అటెండ్ అవ్వడం కోసం తాను రూ.15 లక్షల నుంచి 30 లక్షలు ఛార్జ్ చేస్తానని ఇప్పటికే ఒక సందర్భంలో బయటపెట్టాడు ఓర్రీ. ఇక బాలీవుడ్‌లో ఓర్రీకి ఉన్న డిమాండ్ చూస్తుంటే చాలామంది ప్రేక్షకులు ఆశ్చర్యపోతున్నారు.