Elon Musk : ఎలాన్ మస్క్ రోబోలను ఆ సినిమా నుంచి కాపీ కొట్టాడా? డైరెక్టర్ షాకింగ్ ఆరోపణలు 

Elon Musk : ఎలాన్ మస్క్ రీసెంట్ గా రిలీజ్ చేసిన రోబోలు, సైబర్ వ్యాన్ వంటి వాటిని ఒక హాలీవుడ్ సినిమా నుంచి కాపీ కొట్టారు అంటూ ఆ సినిమా డైరెక్టర్ కామెంట్స్ చేశారు.

Elon Musk Robots

Source : https://x.com/alex_proyas/status/1845426067043123632?ref_src=twsrc%5Etfw%7Ctwcamp%5Etweetembed%7Ctwterm%5E1845426067043123632%7Ctwgr%5E29b61940e75f7e232e3600615e4822a5ceeda927%7Ctwcon%5Es1_&ref_url=https%3A%2F%2Fwww.ndtv.com%2Ffeature%2Fhollywood-director-accuses-elon-musk-of-copying-his-robot-designs-can-i-have-6800716

Elon Musk Robot Designs : సినిమాలకు సంబంధించి కాపీ కాంట్రవర్సీలు రావడం కొత్తేమీ కాదు. కానీ సినిమాలో చూసి రియల్ లైఫ్ లో కాపీ కొట్టారు అనే వివాదాలు మాత్రం కాస్త కొత్తగానే ఉంటాయి. అయితే తాజాగా ఇలాంటి ఆరోపణలు ఏకంగా ఎలాన్ మస్క్ ఎదుర్కోవడం విశేషం. గతవారం ఎలాన్ మస్క్ టెస్లా ఈవెంట్ లో ఆప్టిమస్ రోబోట్లను ఆవిష్కరించిన సంగతి అందరికీ గుర్తుండే ఉంటుంది. ఈవెంట్లో ఆయన డ్రైవర్ లెస్ రోబో వ్యాన్లతో పాటు సైబర్ క్యాబ్ కూడా ఆవిష్కరించారు. అవి ఫ్యూచరిస్టిక్ గా, చూడడానికి సై-ఫై సినిమాలా అద్భుతంగా ఉండడంతో ఈ వార్త ప్రపంచమంతా ఒక్కసారిగా వైరల్ అయింది.

సోషల్ మీడియాలో ఎక్కడ చూసినా ఆ వీడియోలు, ఫోటోలే చక్కర్లు కొడుతున్నాయి. అంతేకాకుండా ఆయన లాంచ్ చేసిన ఈ రోబోలు చూస్తుంటే ఏదో ఫ్యూచర్స్టిక్ ఫ్యాంటసీ సినిమా కళ్ళముందే కదలాడుతుందా? అన్నట్టుగా అందరూ ఆశ్చర్యపోయారు. కానీ ఈవెంట్ లోని సినిమాలు, వీడియోలపై గతంలో 'ఐ రోబోట్' అనే సైన్స్ ఫిక్షన్ సినిమాను తెరకెక్కించిన డైరెక్టర్ అలెక్స్ షాకింగ్ కామెంట్స్ చేశారు. 

ఎలాన్ మస్క్ ఆ హాలీవుడ్ సినిమా రోబోలను కాపీ కొట్టారా? 

"ఐ రోబోట్" అనే సినిమాలో హాలీవుడ్ స్టార్ హీరో విల్ స్మిత్ లీడ్ రోల్ పోషించారు. ఇందులో హ్యూమనాయిడ్ రోబోట్ లకు వ్యతిరేకంగా పోరాడే డిటెక్టివ్ ఆయన. 2004లో రిలీజ్ అయిన ఈ 'ఐ రోబోట్' సినిమా అప్పట్లో మూవీ లవర్స్ ని విశేషంగా అలరించింది. ఈ అద్భుతమైన విజువల్ ట్రీట్ కి ప్రేక్షకులు ఫిదా కావడంతో సినిమా భారీ స్థాయిలో వసూళ్లు రాబట్టి బిగ్గెస్ట్ బ్లాక్ బస్టర్ హిట్ గా నిలిచింది. అయితే ఇప్పుడు తన సినిమాలోని రోబోల మాదిరిగానే ఎలాన్ మస్క్ రిలీజ్ చేసిన కొత్త రోబోలు అచ్చుగుద్దినట్టుగా ఉన్నాయని, ఎలాన్ మస్క్ తన డిజైన్లు కాపీ చేసారంటూ ఆయన సోషల్ మీడియా వేదికగా ఆరోపించారు. కానీ ఆయన కామెంట్స్ పై మస్క్ ఇంకా స్పందించలేదు. 

Hey Elon, Can I have my designs back please? #ElonMusk #Elon_Musk pic.twitter.com/WPgxHevr6E

— Alex Proyas (@alex_proyas) October 13, 2024

రీల్ కు రియాలిటీకి పోలిక...

డైరెక్టర్ అలెక్స్ చేసిన ఆరోపణలు సోషల్ మీడియాలో వైరల్ అవుతుండగా, నెటిజన్లు అది నిజమేనని పోలికలు పెడుతూ పలు వీడియోలను షేర్ చేస్తున్నారు. ఇక ఎలాన్ మస్క్ రిలీజ్ చేసిన రోబోలు మాత్రమే కాదు ఆయన లాంచ్ చేసిన సైబర్ క్యాబ్, రోబో వ్యాన్ కూడా అచ్చం 'ఐ రోబోట్' సినిమాలోని వాహనాలను పోలి ఉండడం గమనార్హం. అంతేకాకుండా మస్క్ ఈవెంట్ కి 'వియ్ రోబోట్' అని పేరు పెట్టారు. దీంతో మొత్తానికి రియాలిటీకి రీల్కి మధ్య పోలికలు పెడుతూ సోషల్ మీడియాలో ఆ సినిమాకు సంబంధించిన విజువల్స్ ని, ఎలాన్ మస్క్ ఈవెంట్ కు సంబంధించిన విజువల్స్ ని పోల్చి చూపుతూ ఫోటోలను షేర్ చేయడమే కాకుండా మస్క్ కాపీ కొట్టారు అంటూ ట్రోల్ చేస్తున్నారు నెటిజన్లు. దీంతో ఈ రీల్, రియాలిటీ నిజం కావడం అనేది కొందరిని అబ్బుర పరిస్తే, మరికొందరు మాత్రం కాపీ కొట్టడం కరెక్ట్ కాదంటూ కామెంట్స్ చేస్తున్నారు.