బన్నీ ఫ్యాన్స్ కి గుడ్ న్యూస్, త్రివిక్రమ్ - అల్లు అర్జున్ ప్రాజెక్ట్ ఆగిపోలేదు - ఇదిగో నయా అప్డేట్!

Allu Arjun : అల్లు అర్జున్ బర్త్ డే సందర్భంగా త్రివిక్రమ్ - బన్నీ కాంబినేషన్ ప్రాజెక్టుకు సంబంధించి మేకర్స్ అప్డేట్ ఇస్తూ బర్త్ డే విషెస్ తెలిపారు.

అల్లు అర్జున్, త్రివిక్రమ్(Image Credit : Allu Arjun Trivikram/Twitter)

Haarika & Hassine Creations Gives Update On Allu Arjun - Trivikram Movie : ఐకాన్ స్టార్ అల్లు అర్జున్ సోమవారం (ఏప్రిల్ 8) తన పుట్టినరోజు జరుపుకుంటున్న విషయం తెలిసిందే. బన్నీ బర్త్ డే సందర్భంగా ఆయన లేటెస్ట్ ప్రాజెక్ట్ కి సంబంధించి బ్యాక్ టు బ్యాక్ అప్డేట్స్ అందజేస్తున్నారు మేకర్స్. ఈరోజు ఉదయం 11 గంటల ప్రాంతంలో 'పుష్ప 2' టీజర్ విడుదలై ఫ్యాన్స్ ని ఎంతగానో ఆకట్టుకుంది. ఇక తాజాగా బన్నీ మరో ప్రాజెక్ట్ కు సంబంధించిన అప్డేట్ వచ్చేసింది. అదే త్రివిక్రమ్‌తో అల్లు అర్జున్ చేస్తున్న సినిమాకు సంబంధించిన అప్డేట్ కావడం విశేషం.

అల్లు అర్జున్ - త్రివిక్రమ్ ప్రాజెక్ట్ ఆగిపోలేదు

టాలీవుడ్ లో అల్లు అర్జున్ - త్రివిక్రమ్ లది బ్లాక్ బస్టర్ కాంబినేషన్. 'జులాయి' మూవీతో వీరి కాంబినేషన్ మొదలవగా.. ఆ తర్వాత 'సన్నాఫ్ సత్యమూర్తి', 'అలా వైకుంటపురంలో'.. ఈ మూడు సినిమాలు మంచి విజయాలు అందుకున్నాయి. ముఖ్యంగా 'అలా వైకుంఠపురంలో' ఇండస్ట్రీ హిట్ గా నిలిచింది. ఇలా హ్యాట్రిక్ హిట్ తర్వాత మళ్లీ నాలుగో సారి వీరి కాంబినేషన్ కుదిరింది. ఇదే విషయాన్ని మేకర్స్ కొన్ని నెలల క్రితమే అఫీషియల్ గా అనౌన్స్ చేశారు. అయితే ఇటీవల మహేష్ బాబు నటించిన 'గుంటూరు కారం' విషయంలో త్రివిక్రమ్ డైరెక్షన్ పై తీవ్ర విమర్శలు రావడంతో నెక్స్ట్ అల్లు అర్జున్ - త్రివిక్రమ్ ప్రాజెక్ట్ క్యాన్సిల్ అయిందని వార్తలు వినిపించాయి. అయితే ఎట్టకేలకు సోమవారం బన్నీ బర్త్ డే సందర్భంగా మూవీ టీం ఈ ప్రాజెక్టుకు సంబంధించి అప్డేట్ ఇచ్చింది.

ఎట్టకేలకు అప్డేట్ ఇచ్చిన నిర్మాణ సంస్థ

అల్లు అర్జున్ పుట్టినరోజు సందర్భంగా హారిక హాసిని క్రియేషన్స్ నిర్మాణ సంస్థ ట్విట్టర్ వేదికగా త్రివిక్రమ్ - అల్లు అర్జున్ ప్రాజెక్టుకు సంబంధించి ప్రొడక్షన్ నెంబర్ 8 పేరుతో మేరకు అల్లు అర్జున్ పోస్టర్ రిలీజ్ చేస్తూ బన్నీకి బర్త్డే విషెస్ తెలిపారు." అన్ స్క్రీన్ అండ్ ఆఫ్ స్క్రీన్ పై ఏదైనా సాధించాలని గొప్ప పట్టుదల అంకితభావం ఉన్న అద్భుతమైన నటుడు భారతీయ సినిమా స్టైలిష్ ఐకాన్ స్టార్, జాతీయ అవార్డు గ్రహీత మా అల్లు అర్జున్ గారికి పుట్టినరోజు శుభాకాంక్షలు మీతో మళ్ళీ పనిచేయడానికి ఎంతో ఆసక్తిగా ఎదురు చూస్తున్నా సార్" అంటూ పేర్కొన్నారు. ఈ పోస్టుతో బన్నీ ఫ్యాన్స్ ఫుల్ ఖుషీ అవుతున్నారు. కాగా ఈ ప్రాజెక్టు 'పుష్ప2' తర్వాత సెట్స్ పైకి వెళ్తుందా? లేక మరింత ఆలస్యంగా పట్టాలెక్కుతుందా? అనేది చూడాలి.

Wishing an amazing actor with great perseverance & dedication to achieve anything on and off screen, the stylish Icon Star of Indian cinema and National Award winner, Our @alluarjun garu a very Happy Birthday ❤️#HappyBirthdayAlluArjun 🌟

Can't wait to work with you again, sir.… pic.twitter.com/BhLfbaynwB

— Haarika & Hassine Creations (@haarikahassine) April 8, 2024

300 కోట్ల బడ్జెట్ తో

అల్లు అర్జున్ - త్రివిక్రమ్ కాంబినేషన్లో రూపొందనున్న చిత్రానికి ఏకంగా రూ.300 కోట్ల బడ్జెట్ కేటాయిస్తున్నట్లు సమాచారం. ఈ సినిమాని హారిక హాసిని క్రియేషన్స్ తో పాటు గీతా ఆర్ట్స్ సంస్థ కలిసి నిర్మిస్తోంది. 'పుష్ప' తర్వాత బన్నీకి ప్రపంచవ్యాప్తంగా క్రేజ్ పెరిగిపోవడంతో నిర్మాతలు ఖర్చు విషయంలో ఏమాత్రం వెనకాడడం లేదు. పాన్ ఇండియా స్థాయిలోనే ఈ సినిమా తెరకెక్కనున్నట్లు తెలుస్తోంది.