Dune: Prophecy Teaser: ‘డ్యూన్: ప్రాఫెసీ’ టీజర్ - ఎట్టకేలకు టబు లుక్ను రివీల్ చేసిన మేకర్స్
Dune: Prophecy Teaser: ‘డ్యూన్’ లాంటి ప్రతిష్టాత్మక ఫ్రాంచైజ్లో కీలక పాత్ర చేసే ఛాన్స్ కొట్టేసింది. తాజాగా ‘డ్యూన్: ప్రాఫెసీ’ రెండో టీజర్ విడుదలవ్వగా ఇందులో తన ఫస్ట్ లుక్ రివీల్ అయ్యింది.
Tabu In Dune: Prophecy Teaser: ఇప్పటికే ఎంతోమంది బాలీవుడ్ నటీనటులు హాలీవుడ్లో ఎంట్రీ ఇచ్చి అక్కడ కూడా సక్సెస్ అందుకున్నారు. అందులో టబు కూడా ఒకరు. ఇప్పటికే టబు ఒకట్రెండు ఇంగ్లీష్ సినిమాల్లో నటించింది. కొన్నాళ్ల క్రితం ‘డ్యూన్’ ఫ్రాంచైజ్లో టబు నటిస్తుందని వార్తలు వచ్చాయి. ఆ విషయాన్ని మేకర్స్ కన్ఫర్మ్ చేశారు కూడా. దీంతో టబు ఫ్యాన్స్ అంతా చాలా ఎగ్జైట్ అయ్యారు. కొన్నాళ్ల క్రితం విడుదలయిన ‘డ్యూన్: ప్రాఫెసీ’ టీజర్లో టబు ఉందేమో అని వెతికారు. కానీ అందులో ఎక్కడా టబును గుర్తించలేకపోయారు. కానీ తాజాగా ‘డ్యూన్: ప్రాఫెసీ’ నుండి టబు లుక్ను రివీల్ చేశారు మేకర్స్.
సిస్టర్గా టబు..
ఇప్పటికే ‘డ్యూన్: ప్రాఫెసీ’ నుండి ఒక టీజర్ విడుదలయ్యింది. అందులో టబు ఎక్కడా కనిపించలేదు. కానీ తాజాగా విడుదలయిన ‘డ్యూన్: ప్రాఫెసీ’ రెండో టీజర్లో టబు కనిపించింది. టీజర్ చివర్లో తన క్యారెక్టర్కు సంబంధించిన చిన్న గ్లింప్స్ను చూపించారు మేకర్స్. ఇందులో తను సిస్టర్ ఫ్రానెస్కా రోల్లో కనిపించనుందని కన్ఫర్మ్ అయ్యింది. ఇక ఈ టీజర్లో టబుకు డైలాగులు ఏమీ లేవు. బ్లాక్ డ్రెస్సులో సిస్టర్ యూనిఫార్మ్లో హుందాగా నిలబడి ఉన్న టబును ఈ టీజర్లో చూపించారు. ఇందులో తను చేతులు కట్టుకొని నేరుగా ఎవరినో చూస్తున్నట్టుగా అనిపిస్తుంది. ఇక టబు క్యారెక్టర్ గురించి పక్కన పెడితే.. ఈ టీజర్లో ‘డ్యూన్: ప్రాఫెసీ’ గురించి వివరించే మరెన్నో అంశాలు కూడా ఉన్నాయి.
సిస్టర్స్గా ఎలా మారారు?
‘డ్యూన్: ప్రాఫెసీ’లో కొందరు అమ్మాయిలను సిస్టర్స్ ఎలా మార్చారు అనేది స్పష్టంగా చూపించనున్నారు. ఇప్పటికే విడుదలయిన రెండు టీజర్స్లో ఈ విషయాన్ని కన్ఫర్మ్ చేశారు మేకర్స్. బెనీ జెసరెట్ చేత అందరు అమ్మాయిలకు సిస్టర్స్ అవ్వడానికి ట్రైనింగ్ ఇప్పిస్తారు. ఆ తర్వాత ఏం జరుగుతుంది అనేది ‘డ్యూన్: ప్రాఫెసీ’ కథ. దీనికి సంబంధించిన రెండు టీజర్ను విడుదల చేసిన మేకర్స్.. ‘కంట్రోల్ చేయడంలోనే నిజమైన పవర్ దాగి ఉంటుంది’ అని క్యాప్షన్ కూడా జతచేశారు. ఇక ఇందులో టబు కూడా ఒక కీలక పాత్రలో కనిపించనుందని, ఇందులో తను చాలా బలమైన, తెలివైన సిస్టర్ పాత్రలో కనిపించనుందని తెలుస్తోంది.
ప్రీక్వెల్ కథ..
‘డ్యూన్: ప్రాఫెసీ’ మూవీ డ్యూన్ యూనివర్స్కు ప్రీక్వెల్గా తెరకెక్కింది. దీని కథ మొత్తం బెనీ జెసరేట్ సిస్టర్హుడ్ చుట్టూనే తిరుగుతుంది. బెనీ జెసరేట్ శక్తులు ఒక్కొక్కటిగా ఎలా పెరిగాయి? వారి శక్తులు పెరగడం కోసం ఏం చేశారు? అనేదానిపై ‘డ్యూన్: ప్రాఫెసీ’ కథ నడుస్తుందని టీజర్లు చూసిన ప్రేక్షకులు అంచనా వేస్తున్నారు. ఇక ఈ మూవీలో టబుతో పాటు ముఖ్యమైన సిస్టర్స్ పాత్రల్లో చాలామంది నటీనటులు కనిపించనున్నారు. మొదటి టీజర్లో టబు స్పష్టంగా కనిపించకపోవడంతో ఇందులో తను కూడా అందరిలాగా ఒక సిస్టర్ అయ్యిండొచ్చు అని అందరూ అనుకున్నారు. కానీ రెండో టీజర్ను బట్టి చూస్తే ఇందులో టబు కీ రోల్ ప్లే చేస్తుందని అభిప్రాయం వ్యక్తం చేస్తున్నారు.
Also Read: బయట నుంచి చూసేవారికి అది అర్థం కాకపోవచ్చు - ‘కల్కి 2898 ఏడీ’లోని ఆ సీన్పై అమితాబ్ వివరణ
Before You Go
Gundenininda Gudigantalu Serial August 11 | మనోజ్కు శీలా డార్లింగ్ వార్నింగ్
టాప్ హెడ్ లైన్స్
ట్రెండింగ్ వార్తలు
