![ABP Premium](https://cdn.abplive.com/imagebank/Premium-ad-Icon.png)
Disha Patani: ‘కల్కి 2898 AD’ షూటింగ్ మొదటిరోజు ప్రభాస్ అలా చేశారు - దిశా పటానీ
Disha Patani: ‘కల్కి 2898 AD’లో దీపికా పదుకొనె కీలక పాత్రలో నటిస్తుండగా ప్రభాస్ సరసన హీరోయిన్గా దిశా పటానీ నటించింది. తాజాగా ప్రభాస్తో షూటింగ్ ఎక్స్పీరియన్స్ గురించి బయటపెట్టింది ఈ భామ.
![Disha Patani: ‘కల్కి 2898 AD’ షూటింగ్ మొదటిరోజు ప్రభాస్ అలా చేశారు - దిశా పటానీ Disha Patani shares her experience of working with prabhas in Kalki 2898 AD Disha Patani: ‘కల్కి 2898 AD’ షూటింగ్ మొదటిరోజు ప్రభాస్ అలా చేశారు - దిశా పటానీ](https://feeds.abplive.com/onecms/images/uploaded-images/2024/06/12/ffcd958ef5877f72950b922c6f3627b51718165500670802_original.jpg?impolicy=abp_cdn&imwidth=1200&height=675)
Disha Patani About Prabhas: ప్రస్తుతం ఏ భాషా ఇండస్ట్రీలో చూసినా ‘కల్కి 2898 AD’ గురించే హాట్ టాపిక్ నడుస్తోంది. అసలు ఇప్పటివరకు ఈ సినిమా ఎలా వచ్చింది, ఔట్పుట్ ఎలా ఉండబోతుంది అని ప్రేక్షకులకు కొంచెం కూడా ఐడియా లేదు. కానీ ట్రైలర్ విడుదలయిన తర్వాత ఒకసారిగా దీని గురించి మాట్లాడుకోవడం మొదలుపెట్టారు ప్రేక్షకులు. ఇక ఇందులో నటించిన నటీనటులు కూడా ఈ ట్రైలర్ను షేర్ చేస్తూ దీనిపై తమ అభిప్రాయాలను బయటపెడుతున్నారు. ఈ మూవీలో ప్రభాస్ గర్ల్ఫ్రెండ్ పాత్రలో నటించిన దిశా పటానీ కూడా ‘కల్కి 2898 AD’ షూటింగ్ అనుభవాలు గురించి చెప్పుకొచ్చింది.
ట్రైలర్తో ఫోకస్..
టాలీవుడ్లో హీరోయిన్స్గా పరిచయమయ్యి ఆ తర్వాత బాలీవుడ్లోనే సెటిల్ అయిపోయిన వారిలో దిశా పటానీ కూడా ఒకరు. తెలుగులో తను నటించిన ‘లోఫర్’ కమర్షియల్గా సక్సెస్ సాధించలేదు. అదే సమయంలో తనకు బాలీవుడ్ నుంచి బ్యాక్ టు బ్యాక్ ఆఫర్లు వచ్చాయి. ఇప్పటికీ హిందీ సినిమాల్లోనే దిశా బిజీ అయిపోయింది. ఇన్నాళ్ల తర్వాత ఒక పాన్ ఇండియా మూవీలో, ఒక పాన్ ఇండియా స్టార్తో నటించే ఛాన్స్ కొట్టేసింది దిశా. ‘కల్కి 2898 AD’ ట్రైలర్లో దిశా ఒక సీన్లో కనిపించి అందరిలో ఫోకస్ అయ్యింది. ఇక ‘కల్కి 2898 AD’ గురించి, ప్రభాస్ గురించి ఆసక్తికర వ్యాఖ్యలు చేసింది ఈ హాట్ బ్యూటీ.
చాలా మంచి వ్యక్తి..
తాను కలిసి పనిచేసిన అందరు నటీనటుల్లో ప్రభాస్ చాలా మంచి యాక్టర్ అని ఇప్పటికే చాలాసార్లు తన అభిప్రాయాన్ని బయటపెట్టింది దిశా పటానీ. అంతే కాకుండా ‘కల్కి 2898 AD’ షూటింగ్లో మొదటిరోజు ఎలా గడిచిందో తను గుర్తుచేసుకుంది. ‘‘ప్రభాస్ చాలా మంచి వ్యక్తి. తనతో కలిసి నటించడం చాలా ఈజీగా అనిపిస్తుంది. మొదటిరోజు షూటింగ్లో నాకు మాత్రమే కాదు మూవీ టీమ్ మొత్తానికి తను ఇంటి నుంచి భోజనం తీసుకొచ్చాడు. తను చాలా మంచి వ్యక్తి, ఎప్పుడూ తనలో గర్వం అనేది కనిపించదు’’ అంటూ ప్రభాస్ను ప్రశంసలతో ముంచేసింది దిశా పటానీ. ఇక వీరిద్దరి మధ్య జరిగిన సాంగ్ షూటింగ్కు సంబంధించి అప్పట్లో ఫోటోలు కూడా షేర్ చేసింది దిశా. ఆన్ స్క్రీన్పై వీరిద్దరి కెమిస్ట్రీ చూడాలని ప్రేక్షకులు ఎదురుచూస్తున్నారు.
పక్కా హిట్..
నాగ్ అశ్విన్ దర్శకత్వం వహించిన ‘కల్కి 2898 AD’ ప్రపంచవ్యాప్తంగా ఎన్నో భాషల్లో విడుదల కానుంది. ఇప్పటికే ఈ మూవీ రిలీజ్ పలుమార్లు పోస్ట్పోన్ అయినా ఫైనల్గా జూన్ 27న ప్రేక్షకుల ముందుకు రావడానికి సిద్ధమయ్యింది. కల్కి సినిమాటిక్ యూనివర్స్కు సంబంధించి ‘కల్కి 2898 AD’ మొదటి సినిమాగా రానుంది. ఇప్పటికే ఈ సినిమా గురించి ప్రేక్షకులకు తెలియడం కోసం అమెజాన్ ప్రైమ్లో చిన్న యానిమేషన్ సిరీస్ను కూడా విడుదల చేశారు మేకర్స్. దాంతో పాటు తాజాగా విడుదలయిన ట్రైలర్కు కూడా పాజిటివ్ రెస్పాన్స్ రావడంతో సినిమా పక్కా హిట్ అని ప్రభాస్ ఫ్యాన్స్ ధీమా వ్యక్తం చేస్తున్నారు.
Also Read: కల్కి టికెట్ రేట్లు... ఏపీలో భారీగా పెరుగుతాయ్, కానీ తెలంగాణ కంటే రేటు తక్కువేనా?
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)