Disha Patani: ప్రభాస్తో డేటింగ్? DP టాటూపై స్పందించిన దిశా పటానీ - అదేంటీ అలా అనేసింది
Disha Patani: దిశా పటానీ చేతిపై ఉన్న టాటూ గురించి ప్రస్తుతం సోషల్ మీడియాలో హాట్ టాపిక్ నడుస్తుంది. దీంతో ఇవన్నీ చూసిన దిశా పటానీ స్పందిస్తూ దీని గురించి ఒక పోస్ట్ షేర్ చేసింది.
Disha Patani Tattoo: నటీనటులు ప్రేమలో ఉన్నప్పుడు టాటూలు వేసుకోవడం కామన్. ఇక వారికి బ్రేకప్ అయిన తర్వాత ఆ టాటూను తీసేసుకోవడం లేదా మాడిఫై చేయడం కామన్. అలాగే తాజాగా దిశా పటానీ చేతిపై ఉన్న టాటూ గురించే సోషల్ మీడియాలో హాట్ టాపిక్గా మారింది. ఈ హాట్ బ్యూటీ పర్సనల్ లైఫ్, డేటింగ్ లైఫ్ గురించి ఎప్పటికప్పుడు ప్రేక్షకుల్లో చర్చ నడుస్తూనే ఉంటుంది. తాజాగా దిశా చేతిపై ఉన్న టాటూను అందరూ గమనించి దాని గురించే మాట్లాడుకుంటున్నారు అని తెలుసుకున్న దిశా.. దీనిపై తాజాగా స్పందిస్తూ ఒక స్పెషల్ పోస్ట్ను షేర్ చేసింది.
చేతిపై టాటూ..
గత కొన్నేళ్లుగా బాలీవుడ్లోనే ఎక్కువ యాక్టివ్గా ఉంటోంది దిశా పటానీ. పూరీ జగన్నాధ్ దర్శకత్వం వహించిన ‘లోఫర్’తో హీరోయిన్గా మారినా కూడా ఆ తర్వాత తెలుగులో దిశాకు అవకాశాలు ఏమీ రాలేదు. దీంతో బీ టౌన్లో తన అదృష్టాన్ని పరీక్షించుకుందామని వెళ్లి అక్కడే సెటిల్ అయిపోయింది. అక్కడే తను పలువురు హీరోలను డేట్ చేసిందని వార్తలు వచ్చాయి. ఇక చాలాకాలం తర్వాత ‘కల్కి 2898 AD’తో తెలుగు ప్రేక్షకులను పలకరించింది దిశా పటానీ. ఇందులో ఈ భామ కనిపించేది కాసేపే అయినా ప్రభాస్, దిశా కెమిస్ట్రీకి మంచి మార్కులే పడ్డాయి. ఇంతలోనే తన చేతిపై ఉన్న టాటూ గురించి చర్చ మొదలయ్యింది.
నవ్వొస్తుంది..
తాజాగా ముంబాయ్లో ఫోటోగ్రాఫర్ల కంటపడింది దిశా పటానీ. దీంతో తన ఫోటోలను తీసి సోషల్ మీడియాలో పోస్ట్ చేశారు. ఆ ఫోటోల్లో దిశా పటానీ చేతిపై ‘PD’ అనే టాటూ కనిపించింది. దీంతో ప్రేక్షకులంతా ‘PD’ అనే ప్రభాస్ డార్లింగ్ అని, ప్రభాస్ దిశా అని గెస్ చేయడం మొదలుపెట్టారు. మొత్తానికి ఈ టాటూ ప్రభాస్ గురించే అని చాలామంది ఫిక్స్ అయిపోయారు. ఇక ఈ టాటూ చుట్టూ వైరల్ అవుతున్న వార్తలను దిశా కూడా గమనించినట్టుగా ఉంది. అందుకే దీని గురించి ప్రత్యేకంగా పోస్ట్ షేర్ చేసింది. ‘‘నా టాటూపై ఇంత ఆసక్తి చూస్తుంటే నవ్వొస్తుంది. ఇది దేని గురించో కనిపెడుతూ ఉండండి’’ అని తెలిపింది. దీంతో నెటిజన్లు మరింత కన్ఫ్యూజన్లో పడిపోయారు.
View this post on Instagram
డేటింగ్ లైఫ్..
బాలీవుడ్కు వెళ్లిపోయిన తర్వాత తన కో స్టార్ టైగర్ ష్రాప్తో ప్రేమలో పడింది దిశా పటానీ. అంతే కాకుండా తనతో వరుసగా సినిమాలు కూడా చేసింది. అలాంటిది సడెన్గా టైగర్ ష్రాఫ్, దిశా పటానీ బ్రేకప్ అంటూ బాలీవుడ్ మీడియాలో వార్తలు రావడం మొదలయ్యింది. అవి నిజమే అనిపించేలాగా వీరిద్దరూ కూడా వేర్వేరు వ్యక్తులతో క్లోజ్గా ఫోటోలు దిగుతూ కనిపించారు. దిశా చివరిగా అలెక్సాండర్ అలెక్స్తో క్లోజ్గా ఫోటో దిగింది. ఇంతలోనే ప్రభాస్ పేరునే దిశా టాటూ వేయించుకుంది అంటూ వస్తున్న వార్తలు ఇండస్ట్రీలో హాట్ టాపిక్గా మారాయి.
Before You Go
National Award for Committee Kurrollu | మెగా డాటర్ చిత్రానికి నేషనల్ అవార్డ్
టాప్ హెడ్ లైన్స్
ట్రెండింగ్ వార్తలు
