SS Rajamouli: దర్శక ధీరుడు రాజమౌళి ఆఖరి తెలుగు సినిమా అదేనా... ఈ ట్విస్టేంటి జక్కన్న?

ప్రస్తుతం మహేష్ బాబుతో చేసే చిత్రమే రాజమౌళి ఆఖరి తెలుగు చిత్రమా? ఇకపై ఆయన తెలుగులో సినిమాలు చేయరా? రాజమౌళి లక్ష్యం వేరే ఉందా? అసలు ఇండస్ట్రీలో, ముఖ్యంగా రాజమౌళి మనసులో ఏముంది? ఆయన ఏం చేయబోతున్నారు?

దర్శకధీరుడు రాజమౌళి

Source : ABPLIVE AI

సూపర్ స్టార్ మహేష్ బాబు (Mahesh Babu)తో చేయబోతున్న చిత్రమే దర్శకధీరుడు రాజమౌళి ఆఖరి తెలుగు చిత్రమా? అంటే అవుననే వినిపిస్తోంది టాలీవుడ్ సర్కిల్స్‌లో. ఈ సినిమా తర్వాత ఆయన టాలీవుడ్‌లో సినిమాలు చేసే అవకాశంలేదని.. ఆయన ఆలోచనా విధానం వేరేలా ఉందనేలా టాక్ వినిపిస్తోంది. దీంతో రాజమౌళి అభిమానులు.. ఈ ట్విస్టేంటి జక్కన్న అంటూ ఆశ్చర్యపోతున్నారు. ఇంతకీ ఆ ట్విస్ట్ ఏంటో తెలుసుకోవాలని ఆతృతగా ఉంది కదా.. మరెందు ఆలస్యం విషయంలోకి వెళదాం పదండి.. 

‘ఆర్ఆర్ఆర్’ తర్వాత సూపర్ స్టార్ మహేష్ బాబుతో రాజమౌళి గ్లోబ్ ట్రాటింగ్ అడ్వెంచర్ థ్రిల్లర్‌ని అనౌన్స్ చేశారు. ప్రస్తుతం ఈ సినిమా ప్రీ ప్రొడక్షన్ పనులు శరవేగంగా జరుగుతున్నాయి. 2025 ప్రారంభంలో ఈ మూవీ గ్రాండ్‌గా ప్రారంభోత్సవం జరుపుకోనుందనేలా వార్తలు వినిపిస్తున్నాయి. మేకర్స్ నుండి అయితే అధికారిక ప్రకటన ఇంకా రాలేదు. ఈ లోపు ఈ సినిమాపై రకరకాలుగా వార్తలు వైరల్ అవుతూనే ఉన్నాయి. ముఖ్యంగా క్యాస్టింగ్ విషయంలో రోజుకో పేరు వినబడుతూనే ఉంది. ఈ మధ్య రాజమౌళి తండ్రి విజయేంద్రప్రసాద్ ఈ సినిమా స్టోరీ గురించి చెప్పే మాటలు బాగా వైరల్ అవుతూ.. సినిమాపై అంచనాలను పెంచేస్తూ వస్తున్నాయి. ఈ నేపథ్యంలో.. ఇదే రాజమౌళి ఆఖరి తెలుగు సినిమా అంటే.. ఆయనతో సినిమా చేయాలని కోరుకున్న హీరోలు, తెలుగు సినిమా అభిమానులు డిజప్పాయింట్ అవుతారు కదా.. అందులో డౌటే లేదు.

అయితే రాజమౌళి ప్లానింగ్ వేరేలా ఉంది. ‘ఆర్ఆర్ఆర్’ ఆస్కార్ టైమ్‌లో పలువురు హాలీవుడ్ నిర్మాతలు, దర్శకులు రాజమౌళిపై ప్రశంసలు కురిపించారు. నువ్వు అక్కడెక్కడో ఉండాల్సిన వాడివి కాదు.. వచ్చెయ్ హాలీవుడ్‌కు అంటూ ఆఫర్లు కూడా ఇచ్చారు. అయితే అప్పుడేం మాట్లాడని రాజమౌళి.. ఇప్పుడు మాత్రం హాలీవుడ్‌ వెళ్లేందుకు మార్గం రెడీ చేసుకుంటున్నాడనేలా టాక్ వినిపిస్తోంది. ఓ ప్రముఖ హాలీవుడ్ స్టూడియో ఇప్పటికే రాజమౌళితే సంప్రదింపులు జరిపినట్లుగా సమాచారం. అంతేకాదు, ప్రముఖ స్ట్రీమింగ్ ప్లాట్‌ఫామ్ నెట్‌ఫ్లిక్స్ సైతం గ్లోబల్ ప్రాజెక్ట్స్ కోసం రాజమౌళితో భాగస్వామ్యానికి చర్చలు జరుపుతుందనేలా ఆల్రెడీ ఇండస్ట్రీలో వార్తలు సంచరిస్తున్నాయి. ‘బాహుబలి’ విడుదల తర్వాత నుండి రాజమౌళి‌తో నెట్‌ఫ్లిక్స్‌ యాజమాన్యం ప్రత్యేక స్నేహబంధాన్ని కొనసాగిస్తూ వస్తుంది. దీంతో హాలీవుడ్ సినిమాల నిర్మాణంలో రాజమౌళి బిజీ కావాలని చూస్తున్నారని, అందుకు ఏర్పాట్లు కూడా మొదలయ్యాయనేది వినిపిస్తున్న వార్తలలోని సారాంశం. 

అంతేకాదు, దీనిపై మరో వెర్షన్ కూడా వినిపిస్తోంది. రాజమౌళి హాలీవుడ్‌పై దృష్టి పెట్టడానికి కారణం, ఆయన మొదటి నుండి తను నెంబర్ వన్‌గా ఉండాలనే మనస్థత్వంతో కష్టపడే మనిషి. కానీ ఇప్పడు ఇండస్ట్రీలో రాజమౌళి నెంబర్ వన్ అని చెప్పడానికి వీలు లేకుండా.. సుకుమార్, సందీప్ రెడ్డి వంగా వంటి దర్శకులు కలెక్షన్లతో ఆయనకు పోటీనిస్తున్నారు. అందుకే ఇతర భారతీయ దర్శకులతో ఇకపై పోటీ పడకూడదని, హాలీవుడ్ లేదంటే.. గ్లోబల్ స్టూడియోలతో మాత్రమే పనిచేయాలనేదే ఆయన లక్ష్యమనేలా వార్తలు స్ప్రెడ్ అవుతున్నాయి. మరి ఈ వార్తలలో ఎంత నిజం ఉంది? నిజంగా రాజమౌళి లక్ష్యం అదేనా? వంటి వాటికి సమాధానం తెలియాలంటే మాత్రం ఇంకొన్ని సంవత్సరాలు వెయిట్ చేయాల్సిందే. ఎందుకంటే, మహేష్‌తో చేసే SSMB29 సినిమా ఎప్పుడు పూర్తవుతుందో ఇప్పుడప్పుడే చెప్పలేం కాబట్టి.. అది విషయం.