RC 16 Update: పర్ఫెక్ట్ ప్లానింగ్‌తో వెళ్తున్న బుచ్చిబాబు, RC16 టైటిల్ అనౌన్స్ మెంట్ ఎప్పుడంటే?

RC 16 Update: రామ్ చరణ్ హీరోగా బుచ్చిబాబు దర్శకత్వంలో ఓ పాన్ ఇండియా మూవీ తెరకెక్కనుంది. ఈ సినిమాకు సంబంధించిన క్రేజీ న్యూస్ మీకోసం...

RC 16 డైరెక్టర్ బుచ్చిబాబు (Image Credit: X)

RC 16 Update: మెగా పవర్ స్టార్ రామ్ చరణ్ ప్రస్తుతం లెజెండరీ డైరెక్టర్ శంకర్ షణ్ముగం దర్శకత్వంలో 'గేమ్ ఛేంజ‌ర్‌' సినిమాలో నటిస్తున్నారు. దీని తర్వాత తన 16వ చిత్రాన్ని ప్రారంభించనున్నారు. 'ఉప్పెన' ఫేమ్ బుచ్చిబాబు సానా డైరెక్షన్ లో ఈ పాన్ ఇండియా సినిమా తెరకెక్కనుంది. దీనికి సంబంధించిన ప్రీ ప్రొడక్షన్ వర్క్స్ శరవేగంగా జరుగుతున్నాయి. అయితే ఇప్పుడు ఉన్నట్టుండి సోషల్ మీడియాలో 'RC 16' హ్యాష్ ట్యాగ్ ట్రెండింగ్ లోకి వచ్చింది. దీనికి కారణం ఈరోజు దర్శకుడి పుట్టినరోజు కావడమే.

బుచ్చిబాబుకు బర్త్ డేకి విషెస్ తెలియజేస్తూ చిత్ర బృందం ట్విట్టర్ 'ఎక్స్'లో ఓ పోస్ట్ పెట్టారు. #RC16 కోసం దర్శకుడు సృష్టించే రా అండ్ రస్టిక్ వరల్డ్ ప్రపంచవ్యాప్తంగా ప్రేక్షకులను కనువిందు చేస్తుందని పేర్కొన్నారు. రామ్ చరణ్ కోసం బుచ్చిబాబు ఓ రూరల్ స్పోర్ట్స్ డ్రామా కథని రాసుకున్నట్లు తెలుస్తోంది. ఈ స్క్రిప్టు మీద ఫుల్ కాన్ఫిడెంట్ గా ఉన్న డైరెక్టర్.. పర్ఫెక్ట్ ప్లానింగ్ తో ఈ ప్రాజెక్ట్ ను కంప్లీట్ చేయడానికి రెడీ అవుతున్నారు.

'RC 16' చిత్రాన్ని మార్చిలో పూజా కార్యక్రమాలతో లాంఛనంగా ప్రారంభించనున్నారని సమాచారం. మే నెలలో రెగ్యులర్ షూట్ కి వెళ్ళే అవకాశాలు కనిపిస్తున్నాయి. ఎప్పుడు సెట్స్ మీదకు వెళ్ళినా, 240 రోజుల్లో షూటింగ్ అంతా పూర్తి చెయ్యాలని భావిస్తున్నారట. అంతేకాదు 2025 మార్చి లాస్ట్ వీక్ లో రిలీజ్ చేసే విధంగా బుచ్చిబాబు అండ్ టీమ్ ప్లాన్ చేస్తున్నారట. ఈ నెల 27న రామ్ చరణ్ బర్త్ డే స్పెషల్ గా ఫస్ట్ లుక్ లేదా టైటిల్ అనౌన్స్ మెంట్ ఇచ్చే అవకాశం ఉంది. 

'ఉప్పెన' వంటి బ్లాక్ బస్టర్ తర్వాత బుచ్చిబాబు నుంచి రాబోతున్న సినిమా ఇది. RRR తో రామ్ చరణ్ కు గ్లోబల్ స్టార్ డమ్ వచ్చిన తరువాత చేస్తున్న మూవీ కావడంతో, దర్శకుడు ప్రతిష్టాత్మకంగా తీసుకున్నారు. మూడేళ్లుగా ఈ కథ మీద వర్క్ చేస్తున్నారు. సెంటిమెంట్ గా హైదరాబాద్ లో 'రంగస్థలం' విలేజ్ సెట్ వేసిన ప్లేస్ లోనే RC 16 కోసం సెట్లు వేస్తున్నారు. ఇప్పటికే స్టార్ట్ కావాల్సిన ఈ ప్రాజెక్ట్ 'గేమ్ ఛేంజ‌ర్‌' కారణంగా కాస్త ఆలస్యంగా ప్రారంభం కానుంది. చెర్రీ డిఫరెంట్ మేకోవర్ అవ్వాలి కాబట్టి, ఒకేసారి రెండు సినిమాలను సెట్స్ పైకి తీసుకెళ్లే పరిస్థితి లేకుండా పోయిందని టాక్ వినిపిస్తోంది.

బుచ్చిబాబు సినిమాలో రామ్ చరణ్ ఉత్తరాంధ్ర యువకుడిగా కనిపించనున్నారు. అతని స్లాంగ్ నుంచి గెటప్ వరకూ అంతా కొత్తగా ఉండబోతోంది. ఇందులో జాన్వీ కపూర్ ను హీరోయిన్ గా ఫైనలైజ్ చేసినట్లు టాక్. మ‌రికొన్ని ముఖ్య‌మైన పాత్ర‌ల్లో ప్ర‌ముఖ న‌టీన‌టులను ఎంపిక చేయటం కోసం క‌స‌ర‌త్తు జ‌రుగుతోంది. మరోవైపు ఉత్తరాంధ్రలోని పలు ఏరియాల్లో ఆడిషన్స్ నిర్వహించి నటీనటులను సెలెక్ట్ చేస్తున్నారు.

మైత్రీ మూవీ మేకర్స్ సమర్పణలో వృద్ధి సినిమాస్, సుకుమార్ రైటింగ్స్ బ్యానర్‌లపై వెంకట సతీష్ కిలారు అత్యంత భారీ బడ్జెట్‌తో లార్జ్ స్కేల్ లో ఈ చిత్రాన్ని నిర్మించనున్నారు. ఆస్కార్ అవార్డ్ విన్నింగ్ కంపోజర్ ఏఆర్ రెహమాన్ సంగీతం సమకూరుస్తున్నారు. ఇప్పటికే రెండు సాంగ్స్ కంపోజ్ చేసినట్లు టాక్ వినిపిస్తోంది. రత్నవేలు సినిమాటోగ్రఫీ నిర్వహిస్తారు. రానున్న రోజుల్లో RC 16 కు సంబంధించిన క్రేజీ అప్డేట్స్ వెలువడనున్నాయి.