Dhurandhar 2 Box Office Collection Day 2: 'పుష్ప 2', 'జవాన్' రికార్డులు అవుట్... రెండో రోజు దుమ్ము దులిపిన 'ధురంధర్ 2'

Dhurandhar 2 Collections: బాక్సాఫీస్ బరిలో 'ధురంధర్ 2' ప్రభంజనం సృష్టిస్తోంది. రెండు రోజుల్లో 200 కోట్ల మార్క్ రీచ్ అవ్వడమే కాదు... రెండో రోజు 'పుష్ప 2', 'జవాన్' రికార్డులను అధిగమించింది.

Dhurandhar 2 Movie Collections: రణవీర్ సింగ్ సంచలనం... పుష్ప 2, జవాన్ రికార్డులు బద్దలు

Source : ABPLIVE AI

బాలీవుడ్ స్టార్ రణవీర్ సింగ్ హీరోగా ఆదిత్య ధర్ దర్శకత్వం వహించిన యాక్షన్ స్పై థ్రిల్లర్ 'ధురంధర్ 2'. ఈ సినిమా ప్రపంచవ్యాప్తంగా అభిమానులను ఆకట్టుకుంటోంది. బాక్సాఫీస్ వద్ద సంచలనం సృష్టిస్తోంది. ఆశ్చర్యకరమైన విషయం ఏమిటంటే... కేవలం 48 గంటల్లోనే ఈ సినిమా 200 కోట్ల రూపాయల క్లబ్‌లో చేరింది. అంతే కాకుండా... పలు రికార్డులు క్రియేట్ చేసింది. 'ధురంధర్ 2' / 'ధురంధర్: ది రివెంజ్' ప్రభంజనం ముందు జవాన్, పుష్ప 2 రెండో రోజు రికార్డులు గల్లంతు అయ్యాయి. ప్రపంచ వ్యాప్తంగా అద్భుతమైన వసూళ్లు సాధించడమే కాకుండా.. ఆ రెండు సినిమాల రికార్డులను కూడా బద్దలు కొట్టింది.

ఇండియాలో 200 కోట్ల క్లబ్‌లో 'ధురంధర్ 2'
డిసెంబర్ 2025లో విడుదలైన 'ధురంధర్'కు సీక్వెల్ 'ధురంధర్ 2'. కేవలం ప్రీమియర్ షోలలో 43 కోట్లు వసూలు చేసింది. ఆ తర్వాత మొదటి రోజు రూ. 102.55 కోట్లు వసూలు చేసి చరిత్ర సృష్టించింది. ఈ ఘనత సాధించిన తొలి బాలీవుడ్ సినిమాగా నిలిచింది. సాక్‌నిల్క్ లెక్కల ప్రకారం... రెండో రోజు 80.72 కోట్ల రూపాయలు (నెట్ కలెక్షన్) సాధించింది. భారతదేశంలో సినిమా మొత్తం నెట్ కలెక్షన్ ఇప్పుడు 226.27 కోట్ల రూపాయలకు చేరుకుంది. రణవీర్ సింగ్ సినిమా విడుదలైన రెండవ రోజే విజయవంతంగా 200 కోట్ల రూపాయల క్లబ్‌లో ప్రవేశించింది. ఈ చిత్రం ఇప్పుడు రణవీర్ సింగ్ కెరీర్‌లో అతిపెద్ద హిట్‌గా నిలిచింది.

'పుష్ప 2' రికార్డును బద్దలు కొట్టిన 'ధురంధర్ 2'
ఐకాన్ స్టార్ అల్లు అర్జున్ నటించిన 'పుష్ప 2' దక్షిణాదిలో కాకుండా హిందీ బెల్ట్‌లో కూడా బాక్సాఫీస్ వద్ద భారీ వసూళ్లు సాధించింది. ఆ సినిమా విడుదలయ్యే సమయానికి అత్యధిక వసూళ్లు సాధించిన చిత్రంగా నిలిచింది. అయితే, ఇప్పుడు 'పుష్ప 2' రెండో రోజు హిందీ వసూళ్లను 'ధురంధర్ 2' అధిగమించింది. 'పుష్ప 2' హిందీ వెర్షన్ రెండో రోజు 56.9 కోట్ల రూపాయలు వసూలు చేసింది. షారుఖ్ ఖాన్ 'జవాన్' రెండో రోజు 46.23 కోట్ల రూపాయలు వసూలు చేసింది. 'ధురంధర్ 2'తో రణవీర్ సింగ్ ఆ రెండు సినిమాల వసూళ్ల కంటే దాదాపు డబుల్ వసూళ్లు సాధించింది.

ప్రపంచవ్యాప్తంగా సినిమా వసూళ్ల గురించి చెప్పాలంటే... 'ధురంధర్ 2' మొత్తం 240 కోట్ల రూపాయలు వసూలు చేసింది. దీనితో రణవీర్ సింగ్ సినిమా ప్రపంచవ్యాప్తంగా అత్యధిక వసూళ్లు సాధించిన చిత్రాల జాబితాలో మూడో స్థానానికి చేరుకుంది. ఈ సంవత్సరం ప్రారంభంలో విడుదలైన ప్రభాస్ సినిమా 'ది రాజా సాబ్' లైఫ్‌ టైమ్ వరల్డ్‌ వైడ్ కలెక్షన్‌ను ఈ సినిమా అధిగమించింది. 'ది రాజా సాబ్' రెండు రోజుల వరల్డ్‌ వైడ్ కలెక్షన్‌ 208.38 కోట్ల రూపాయలు. ఇప్పుడు 'బోర్డర్ 2' వసూళ్లను అధిగమించాలని 'ధురంధర్ 2' లక్ష్యంగా పెట్టుకుంది.