D55 Movie Launch: 'అమరన్' దర్శకుడితో ధనుష్ నెక్స్ట్ మూవీ... గ్రాండ్‌గా పూజతో మూవీ లాంచ్

Dhanush Upcoming Movies: 'అమరన్' దర్శకుడితో ధనుష్ 55వ సినిమా చేయబోతున్నారు. దీనికి సంబంధించిన అఫిషియల్ అనౌన్స్ మెంట్ తాజాగా వచ్చేసింది.

ధనుష్ 55వ సినిమా

Source : twitter

'అమరన్' వంటి సూపర్ హిట్ చిత్రానికి దర్శకత్వం వహించిన తమిళ డైరెక్టర్ రాజ్‌కుమార్ పెరియసామి డైరక్షన్ లో ధనుష్ చేస్తున్న మూవీకి లాంచ్ గ్రాండ్ గా జరిగింది. ఈ మూవీ అనౌన్మెంట్ తో పాటు పూజా కార్యక్రమాలను కూడా పూర్తి చేశారు చిత్ర బృందం. 

కోలీవుడ్ స్టార్ ధనుష్ మల్టీ టాలెంటెడ్ అన్న విషయం అందరికీ తెలిసిందే. అయితే ధనుష్ 55వ చిత్రానికి రాజ్ కుమార్ పెరియాసామి దర్శకత్వం వహించనున్నారు అనే విషయాన్ని తాజాగా జరిగిన లాంచ్ కార్యక్రమం ద్వారా మేకర్స్ వెల్లడించారు. ఈ సందర్భంగా మనం మాట్లాడుకోవాల్సింది డైరెక్టర్ గురించి. 'అమరన్ హిట్ తో ఈ డైరెక్టర్ పేరు ఒక్కసారిగా మార్మోగిపోతోంది. అసలు 'అమరన్' హిట్ ముందు వరకూ ఈ డైరెక్టర్ ఎవరు? అంటే... విజయ్ టీవీలో బిగ్ బాస్, కాఫీ విత్ డీడీతో సహా అనేక షోలకు దర్శకత్వం వహించిన దర్శకుడు రాజ్‌కుమార్ పెరియసామి. 'రంగూన్‌' మూవీకి మొదటిసారిగా దర్శకుడిగా మెగా ఫోన్ పట్టారు. 'రంగూన్' చిత్రం మంచి ఆదరణ పొందిన తర్వాత కొన్నాళ్లకే శివ కార్తికేయన్ నటించిన 'అమరన్' మూవీకి దర్శకత్వం వహించే ఛాన్స్ దక్కింది పెరియాసామికి.

దివంగత ఆర్మీ మేజర్ ముకుంద్ వరదరాజన్ బయోపిక్ ఆధారంగా గత వారం దీపావళికి విడుదలైంది 'అమరన్'. ఈ చిత్రం భారీ విజయం సాధించడంతో పాటు థియేటర్లలో భారీ వసూళ్లను రాబడుతోంది. ఈ సందర్భంగా ధనుష్ తదుపరి చిత్రానికి రాజ్ కుమార్ పెరియసామి దర్శకత్వం వహిస్తారని గత కొన్ని రోజులుగా కోలీవుడ్ లో టాక్ వినిపిస్తోంది. ఈ విషయాన్ని ధృవీకరిస్తూ ఈ రోజు అధికారిక ప్రకటన విడుదల చేశారు.

When good things happen, they happen in a row! Series of optimistic flow of feelings continue through…

NEXT

It will be #D55 with one of the greatest performers of the country, A Powerhouse of talent, multifaceted @dhanushkraja sir!

Thank you #Anbuchezhiyan sir and… pic.twitter.com/5zw64126a7

— Rajkumar Periasamy (@Rajkumar_KP) November 8, 2024

రాజ్‌కుమార్ పెరియసామి దర్శకత్వంలో గోపురం ఫిలింస్ అన్బుషెజియన్ నిర్మిస్తున్న ఈ చిత్రంలో ధనుష్ హీరోగా నటిస్తున్నారు. ధనుష్‌కి ఇది 55వ సినిమా. ఇంకా టైటిల్ ఖరారు చేయని ఈ సినిమాకు ‘డి 55’ అనే వర్కింగ్ టైటిల్ పెట్టారు. అదే టైటిల్ తో ఈ సినిమా పూజా కార్యక్రమాలు ఈ రోజు జరిగాయి. ఈ సినిమా పూజా కార్యక్రమాలకు దర్శకుడు వెట్రిమారన్ హాజరు కాగా, వెట్రిమారన్ కథలో ఇన్వాల్వ్ అయ్యాడా? లేదా? సినిమాలో నటిస్తున్నాడా? అనే విషయంపై ఎలాంటి సమాచారం లేదు.

D55 గురించి దర్శకుడు రాజ్‌కుమార్ పెరియసామి మాట్లాడుతూ, “మంచి విషయాలు అన్నీ ఒకేసారి జరుగుతాయి. భారతదేశంలోనే అత్యుత్తమ నటుల్లో ఒకరైన ధనుష్ 55వ చిత్రానికి నేను దర్శకత్వం వహిస్తున్నాను' అని చెప్పుకొచ్చారు. కాగా ధనుష్ ఇప్పటికే 'ఇడ్లీ కడై' చిత్రానికి దర్శకత్వం వహిస్తూ హీరోగా యాక్ట్ చేస్తున్నారు. 'కుబేర' అనే చిత్రంలో నటిస్తున్నాడు. ఈ మూవీకి శేఖర్ కమ్ముల దర్శకత్వం వహిస్తుండగా, ధనుష్ ఖాతాలో మరో 3 సినిమాలు ఉన్నాయి. ఈ నేపథ్యంలో రాజ్‌కుమార్ పెరియసామి సినిమా ప్రకటన ధనుష్ అభిమానుల దిల్ ఖుషి చేసింది. 'రాయన్' తరువాత వరుస సినిమాలను లైన్ లో పెట్టిన ధనుష్ ఇళయరాజా బయోపిక్ తో పాటు మరో తమిళ సినిమా కూడా చేస్తున్నారు.