Devil : కళ్యాణ్ రామ్ 'డెవిల్' విడుదల వాయిదా - అసలు కారణం ఏమిటంటే?

నందమూరి కళ్యాణ్ రామ్ హీరోగా నటించిన లేటెస్ట్ సినిమా 'డెవిల్'. నవంబర్ 24న విడుదల చేయాలనుకున్నారు. అయితే... ఇప్పుడు వాయిదా పడింది. అసలు కారణం ఏమిటంటే?

నందమూరి కళ్యాణ్ రామ్

Devil release postponed : నందమూరి కళ్యాణ్ రామ్ కథానాయకుడిగా నటించిన తాజా సినిమా 'డెవిల్'. ది బ్రిటిష్ సీక్రెట్ ఏజెంట్... అనేది ఉప శీర్షిక. నిర్మాత అభిషేక్‌ నామా స్వీయ దర్శకత్వంలో రూపొందింది. దర్శకుడిగా ఆయనకు తొలి చిత్రమిది. 

ఈ సినిమాలో సంయుక్తా మీనన్ కథానాయిక. 'బింబిసార' తర్వాత కళ్యాణ్ రామ్ సరసన మరోసారి ఆమె నటించిన చిత్రమిది. నవంబర్ 24న ఈ చిత్రాన్ని విడుదల చేయనున్నట్లు గతంలో ప్రకటించారు. అయితే... ఆ తేదీకి సినిమా రావడం లేదు. వాయిదా వేసినట్లు ఇవాళ తెలిపారు. ఎందుకంటే... 

'డెవిల్' విడుదల వాయిదా...
నవంబర్ 24న 'నో' రిలీజ్!నవంబర్ 24న 'డెవిల్' విడుదల కావడం లేదని చిత్ర బృందం నుంచి సమాచారం అందింది. నేపథ్య సంగీతం, విజువల్ ఎఫెక్ట్స్ (గ్రాఫిక్స్) వర్క్ ఇంకా పూర్తి కాలేదని, అందువల్ల థియేటర్లలోకి ముందుగా ప్రకటించిన తేదీకి కాకుండా కాస్త ఆలస్యంగా సినిమాను తీసుకు వస్తామని తెలిపారు. త్వరలో కొత్త విడుదల తేదీ అనౌన్స్ చేస్తామని తెలిపారు. ప్రేక్షకులకు అద్భుతమైన సినిమాటిక్ ఎక్స్‌పీరియన్స్ అందివ్వడం కోసం తమ చిత్ర బృందం అవిశ్రాంతంగా కృషి చేస్తోందని 'డెవిల్' యూనిట్ పేర్కొంది. 

🚨 Important Update 🚨 Unfortunately, the release of our highly anticipated film 'Devil' will be postponed from 24th November 🎥⏰ The delay is due to unexpected technical issues with the background score and VFX .Rest assured, we're working tirelessly to ensure an unforgettable…

— Vamsi Kaka (@vamsikaka) November 1, 2023

'డెవిల్' సినిమాను విడుదల చేయాలని అనుకున్న నవంబర్ 24వ తేదీకి... ఇప్పుడు మెగా మేనల్లుడు పంజా వైష్ణవ్ తేజ్, క్రేజీ కథానాయిక శ్రీ లీల నటించిన 'ఆదికేశవ' సినిమాతో పాటు శ్రీకాంత్, రాహుల్ విజయ్, శివాని రాజశేఖర్ ప్రధాన తారాగణంగా రూపొందిన 'కోట బొమ్మాళి పీఎస్' విడుదల అవుతున్నాయి. 

నందమూరి కళ్యాణ్ రామ్‌ కథానాయకుడిగా నటించిన ఈ సినిమాలో సంయుక్తా మీనన్ హీరోయిన్. మణిమేఖల పాత్రలో రాజకీయ నాయకురాలిగా యంగ్ హీరోయిన్ మాళవికా నాయర్ కనిపించనున్నారు. రోజీగా బాలీవుడ్ బ్యూటీ ఎల్నాజ్‌ నరౌజి నటించారు. ఇటీవల వాళ్లిద్దరి ఫస్ట్ లుక్స్ విడుదల చేశారు. ఈ చిత్రానికి ప్రొడక్షన్‌ డిజైనర్‌ : గాంధీ నడికుడియార్‌, కూర్పు : తమ్మిరాజు, కథా విస్తరణ : ప్రశాంత్‌ బారది, కాస్ట్యూమ్‌ డిజైనర్ : విజయ్‌ రత్తినమ్‌ ఎంపీఎస్‌ఈ, కథ - కథనం - సంభాషణలు : శ్రీకాంత్‌ విస్సా, ఛాయాగ్రహణం : సౌందర రాజన్‌, సంగీతం : హర్షవర్ధన్‌ రామేశ్వర్‌, నిర్మాణ సంస్థ : అభిషేక్‌ పిక్చర్స్, సమర్పణ : దేవాంశ్‌ నామా, నిర్మాణం & దర్శకత్వం: అభిషేక్‌ నామా.