Republic Trailer: సాయిధరమ్ తేజ్ ‘రిపబ్లిక్’ ట్రైలర్ అదుర్స్... విడుదల ఎప్పుడంటే... చిరు ట్వీట్

మెగా మేనల్లుడు సాయిధరమ్ తేజ్ సినిమా అక్టోబర్ 1న విడుదలవుతుందని ట్విట్టర్ వేదికగా చెప్పారు మెగాస్టార్ చిరంజీవి.

రిపబ్లిక్ సినిమాలో సాయిధరమ్ తేజ్

సాయిధరమ్ తేజ్ సినిమా రిపబ్లిక్ విడుదలకు సిద్ధంగా ఉంది. పొలిటికల్ థ్రిల్లర్ గా తెరకెక్కిన ఈ సినిమా అక్టోబర్ 1న విడుదలవుతుందని చిరంజీవి ట్విట్టర్ లో ప్రకటించారు. తాజాగా విడుదలైన రిపబ్లిక్ ట్రైలర్ అదిరిపోయింది. పవరఫుల్ డైలాగులతో తేజు జోరు చూపించాడు. ట్రైలర్ లో ‘అజ్ఞానం గూడు కట్టిన చోటే.. మోసం గుడ్లు పెడుతుంది కలెక్టర్’, ‘గాడి తప్పిన ఆ లెజిస్లేటివ్ గుర్రాన్ని ఈ రోజు ఎదిరించి ప్రశ్నిస్తోంది ఎగ్జిక్యూటివ్ వ్యవస్థ’లాంటి అదిరిపోయే డైలాగులతో రిపబ్లిక్ ట్రైలర్ ఆసక్తిని రేకెత్తించింది. ట్రైలర్ చూసిన వాళ్లకి ఎవరికైనా ఈ సినిమా రాష్ట్రంలోని ప్రభుత్వానికి, ఎగ్జిక్యూటివ్ వ్యవస్థకు మధ్య జరిగే  యుద్ధంలా అర్థమవుతుంది. తేజు ఇందులో కలెక్టర్ గా కనిపించనున్నాడు. ట్రైలర్ కి చాలా మంచి రెస్పాన్స్ కనిపిస్తోంది. గాంధీ జయంతి సందర్భంగా సినిమాను అక్టోబర్ 1నే విడుదల చేయాలని చిత్ర యూనిట్ భావించింది. 

సెప్టెంబర్ 25న ఈ సినిమా ప్రీరిలీజ్ ఈవెంట్ జరగనుంది. తేజుకి మద్దతుగా మెగా ఫ్యామిలీ అంతా ఈ కార్యక్రమంలో పాల్గొంటారని సమాచారం. సాయి ధరమ్ తేజ్ రోడ్డు ప్రమాదానికి గురై ప్రస్తుతం ఆసుపత్రిలో చికిత్స పొందుతున్నారు. ప్రస్తుతం ఆయన ఆరోగ్యం నిలకడగా ఉందని వైద్యులు చెప్పారు. 

మెగా స్థార్ చిరంజీవి తన ట్విట్టర్ ఖాతాలో రిపబ్లిక్ మూవీ ట్రైలర్ ను పోస్టు చేశారు. దాంతో పాటూ తేజ్ ఆరోగ్యానికి సంబంధించి అప్ డేట్ కూడా ఇచ్చారు. తేజు కోరిక మేరకు సినిమా అక్టోబర్ 1న విడుదల చేస్తున్నామని చెప్పారు. తేజు కోలుకుంటున్నాడని, అభిమానుల ఆదరణ, అభిమానం, ప్రేమే శ్రీరామ రక్ష అని అన్నారు. 

సాయి ధరమ్ తేజ్ త్వరగా కోలుకుంటున్నాడు. రిపబ్లిక్ చిత్రం అక్టోబర్ 1 వ తారీఖున విడుదల చేస్తే బాగుంటుందన్న తన కోరిక మేరకు అదే తేదీన చిత్రం విడుదల అవుతుంది. మీ ఆదరణ, అభిమానం, ప్రేమే సాయి ధరమ్ తేజ్ కి శ్రీరామ రక్ష.

Launching the trailer :https://t.co/mdA3ILcZld@IamSaiDharamTej

— Chiranjeevi Konidela (@KChiruTweets) September 22, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి