Brahmastra Shoot Wrap: కాశీలో గుమ్మడికాయ కొట్టిన 'బ్రహ్మాస్త్ర' టీమ్, మెడలో దండలతో రణ్‌బీర్ - ఆలియా

Ranbir Kapoor and Alia Bhatt at Kashi Vishwanath Temple Varanasi: రణ్‌బీర్ కపూర్, ఆలియా భట్, దర్శకుడు అయాన్ ముఖర్జీ వారణాసిలో సందడి చేశారు. అక్కడ 'బ్రహ్మాస్త్ర' చిత్రీకరణ పూర్తి చేశారు.

రణ్‌బీర్ కపూర్, ఆలియా భట్, అయాన్ ముఖర్జీ

సినిమా ప్రారంభోత్సవంలో పూజ దగ్గర కొబ్బరికాయ కొడతారు. చిత్రీకరణ ముగింపు రోజున గుమ్మడికాయ కొడతారు. రణ్‌బీర్ కపూర్, ఆలియా భట్ వారణాసిలో  గుమ్మడికాయ కొట్టారు. ప్రేమ పక్షులు జంటగా రూపొందుతోన్న చిత్రం 'బ్రహ్మాస్త్ర'. హిందీ సహా దక్షిణాది భాషలు తమిళం, తెలుగు, కన్నడ, మలయాళంలో విడుదల కానుంది. ఆధ్యాత్మిక పుణ్య క్షేత్రం వారణాసిలో సినిమా షూటింగ్ కంప్లీట్ అయ్యింది. అక్కడ సినిమాకు గుమ్మడికాయ కొట్టారు.

వారణాసిలో కాశీ విశ్వనాథుని ఆలయానికి వెళ్లిన 'బ్రహ్మాస్త్ర' చిత్ర బృందం, దేవుణ్ణి దర్శించుకున్నారు. మెడలో పూల మాలతో రణ్ బీర్ కపూర్, ఆలియా భట్ కనిపించడం విశేషం. నాలుగేళ్ల క్రితం ప్రారంభమైన సినిమా ఇప్పుడు కంప్లీట్ కావడంతో "మేం 2018లో షూటింగ్ స్టార్ట్ చేశాం. ఫైనల్లీ... 'బ్రహ్మాస్త్ర' పార్ట్ వన్ కంప్లీట్ అయ్యింది. షూటింగ్ పూర్తయిందని చెప్పడం కోసం ఎప్పటి నుంచో ఎదురు చూస్తున్నాను" అని ఆలియా భట్ సోషల్ మీడియాలో పేర్కొన్నారు. 

Also Read: అతడు లేకపోతే భీమ్ లేడు, RRRను ఊహించలేను! - ఎన్టీఆర్ ఎమోషనల్ థాంక్యూ నోట్

'బ్రహ్మాస్త్ర'లో బిగ్ బి అమితాబ్ బచ్చన్, కింగ్ నాగార్జున అక్కినేని, మౌనీ రాయ్ కీలక పాత్రల్లో నటిస్తున్నారు. ఫాక్స్ స్టార్ స్టూడియోస్, కరణ్ జోహార్ ధర్మ ప్రొడక్షన్స్ సంయుక్తంగా నిర్మిస్తున్నాయి. సెప్టెంబర్ 9న విడుదల చేయనున్నారు. ఈ సినిమాను దక్షిణాది భాషల్లో దర్శక ధీరుడు రాజమౌళి సమర్పిస్తున్నారు. 'బ్రహ్మాస్త్ర' మూడు భాగాలుగా ప్రేక్షకుల ముందుకు రానుంది.

 

 

 

 

 

Δείτε αυτή τη δημοσίευση στο Instagram.

 

 

 

 

 

 

 

 

 

 

 

Η δημοσίευση κοινοποιήθηκε από το χρήστη Alia Bhatt 🤍☀️ (@aliaabhatt)