Lenin Movie : 'లెనిన్' సరసన వెన్నెలంటి మా 'భారతి' - భాగ్యశ్రీ క్యూట్ లుక్
Bhagyashri Borse : అక్కినేని యంగ్ హీరో అఖిల్ అక్కినేని 'లెనిన్' నుంచి హీరోయిన్ భాగ్యశ్రీ ఫస్ట్ లుక్ వచ్చేసింది. సాంగ్లో ప్లెజంట్ క్యూట్ లుక్ అదిరిపోయింది.
Bhagyashri Borse First Look From Akhil Lenin Movie : అక్కినేని యంగ్ హీరో లేటెస్ట్ హై ఓల్టేజ్ యాక్షన్ ఎంటర్టైనర్ 'లెనిన్' మూవీ నుంచి బిగ్ సర్ప్రైజ్ వచ్చేసింది. ఈ మూవీలో తొలుత హీరోయిన్గా శ్రీలీల అనుకున్నా అనుకోని కారణాలతో ఆమె ఈ ప్రాజెక్టు నుంచి తప్పుకొన్నారు. ఆమె స్థానంలో 'మిస్టర్ బచ్చన్' బ్యూటీ భాగ్యశ్రీ బోర్సే హీరోయిన్గా చేస్తున్నారు. తాజాగా ఆమె ఫస్ట్ లుక్ రిలీజ్ చేశారు మేకర్స్.
వెన్నెలంటి భారతి
ఈ మూవీలో భారతీ పాత్రలో భాగ్యశ్రీ నటిస్తున్నారు. సాంగ్లో స్టిల్ షేర్ చేయగా ప్లెజెంట్ లుక్ అదిరిపోయింది. 'వారెవా వారెవా... వహ్వా వారెవా... ఎన్నెలల్లే ఉంటాది మా భారతి' అంటూ మూవీ టీం స్పెషల్ పోస్టర్ రిలీజ్ చేసింది. ఈ మూవీ నుంచి ఫస్ట్ సాంగ్ ఈ నెల 5న రిలీజ్ కానుంది. ఈ మూవీకి 'వినరో భాగ్యము విష్ణుకథ' ఫేం మురళీ కిషోర్ అబ్బూరు దర్శకత్వం వహిస్తుండగా... లవ్ స్టోరీతో కూడిన మాస్ యాక్షన్ ఎంటర్టైనర్ను తెరకెక్కించబోతున్నట్లు తెలుస్తోంది.
View this post on Instagram
Also Read : ఓటీటీలోకి బాలయ్య 'అఖండ 2' - ఎప్పటి నుంచి, ఎన్ని భాషల్లో స్ట్రీమింగ్ అంటే?
అఖిల్ ఖాతాలో ఇప్పటివరకూ కమర్షియల్గా మంచి హిట్ పడలేదు. ఆయన లాస్ట్గా నటించిన 'ఏజెంట్' మూవీ నిరాశపరిచింది. దీంతో ఈ మూవీతో హిట్ కొట్టాలని అంతా భావిస్తున్నారు. రాయలసీమ బ్యాక్ డ్రాప్లో ఈ మూవీ తెరకెక్కుతున్నట్లు గ్లింప్స్ను బట్టి తెలుస్తోంది. గుబురు గెడ్డం, పొడవాటి జుట్టు పక్కా మాస్ లుక్లో అఖిల్ అదరగొట్టారు.
ఈ మూవీలో శివాజీ కీలక పాత్ర పోషిస్తున్నట్లు సమాచారం. అలాగే, బాలీవుడ్ స్టార్ ప్రతీక్ గాంధీ విలన్ రోల్ చేస్తున్నారనే వార్తలు వస్తున్నాయి. అన్నపూర్ణ స్టూడియోస్, సితార ఎంటర్టైన్మెంట్స్ సంయుక్తంగా నాగార్జున, సూర్యదేవర నాగవంశీ నిర్మిస్తున్నారు. మ్యూజిక్ లెజెండ్ తమన్ మ్యూజిక్ అందిస్తున్నారు.
టాప్ హెడ్ లైన్స్
ట్రెండింగ్ వార్తలు
