Arun Vijay's Enugu Release Date: 'ఏనుగు'తో తెలుగు ప్రేక్షకుల ముందుకొస్తున్న అరుణ్ విజయ్, ప్రియా భవానీ శంకర్
Telugu movie Enugu Release On June 17th: అరుణ్ విజయ్, ప్రియా భవానీ శంకర్ జంటగా నటించిన తమిళ సినిమా 'యానై' త్వరలో తెలుగు ప్రేక్షకుల ముందుకు వస్తోంది.
ప్రభాస్ 'సాహో', రామ్ చరణ్ 'బ్రూస్ లీ' సినిమాల్లో కీలక పాత్రలో నటించిన తమిళ హీరో అరుణ్ విజయ్ (Arun Vijay) గుర్తున్నారా? ఆయన నటుడు విజయ్ కుమార్ తనయుడు. తమిళంలో హీరోగా సినిమాలు చేస్తున్నారు. ఈ నెలలో తమిళ అనువాద సినిమాతో తెలుగు ప్రేక్షకుల ముందుకు వస్తున్నారు.
అరుణ్ విజయ్, ప్రియా భవానీ శంకర్ నటించిన తమిళ సినిమా 'యానై'. తెలుగులో 'ఏనుగు' (Telugu Movie Enugu) పేరుతో అనువదిస్తున్నారు. విఘ్నేశ్వర ఎంట‌ర్‌టైన్‌మెంట్స్‌ పతాకంపై సి.హెచ్. సతీష్ కుమార్ ఈ చిత్రాన్ని తెలుగు ప్రేక్షకుల ముందుకు తీసుకు వస్తున్నారు. గతంలో ఆయన ధనుష్ 'ధర్మయోగి', 'బూమరాంగ్', 'లోకల్ బాయ్స్' సినిమాలను తెలుగులో విడుదల చేశారు.
జూన్ 17న 'ఏనుగు' సినిమాను విడుదల చేయనున్నట్టు సి.హెచ్. సతీష్ కుమార్ తెలిపారు. ఈ నెల 12న ప్రీ రిలీజ్ ఫంక్షన్ నిర్వహించనున్నారు. హీరో సూర్య 'సింగం' సిరీస్, విశాల్ 'పూజ' యాక్షన్ ఎంట‌ర్‌టైన‌ర్స్‌ తీసిన హరి ఈ చిత్రానికి దర్శకత్వం వహించారు.
Also Read: 'అంటే సుందరానికీ' రివ్యూ: కామెడీలో సిక్సర్ - మరి కథ? నాని, నజ్రియా సినిమా ఎలా ఉందంటే?
సముద్రఖని, 'కెజియఫ్' ఫేమ్ రామచంద్రరాజు, రాధిక శరత్‌కుమార్, యోగి బాబు, అమ్ము అభిరామి వంటి సీనియర్ నటులు నటిస్తున్న ఈ చిత్రానికి జీవీ ప్రకాష్ కుమార్ సంగీతం అందిస్తున్నారు.
Also Read: 'కిన్నెరసాని' రివ్యూ: కళ్యాణ్ దేవ్ అండ్ టీమ్ స‌ర్‌ప్రైజ్‌ చేసింది, ఈ సినిమా ఎలా ఉందంటే?
View this post on Instagram
టాప్ హెడ్ లైన్స్
ట్రెండింగ్ వార్తలు
