Arjun Rampal - Bhagavanth Kesari : బాలకృష్ణ 'భగవంత్ కేసరి'లో విలన్ ఫస్ట్ లుక్

'భగవంత్ కేసరి' సినిమాలో బాలీవుడ్ నటుడు అర్జున్ రాంపాల్ విలన్ రోల్ చేస్తున్నారు. ఆయన ఫస్ట్ లుక్ విడుదల చేశారు.

'భగవంత్ కేసరి' సినిమాలో అర్జున్ రాంపాల్

గాడ్ ఆఫ్ మాసెస్, నట సింహం నందమూరి బాలకృష్ణ (Nandamuri Balakrishna) హీరోగా నటించిన సినిమా 'భగవంత్ కేసరి' (Bhagavanth Kesari Movie). బ్రో ఐ డోంట్ కేర్... అనేది ఉప శీర్షిక. విజయ దశమి కానుకగా అక్టోబర్ 19న థియేటర్లలో విడుదల కానుంది. ఇందులో బాలీవుడ్ నటుడు అర్జున్ రాంపాల్ (Arjun Rampal) విలన్ రోల్ చేస్తున్న సంగతి తెలిసిందే. ఈ రోజు ఆయన ఫస్ట్ లుక్ విడుదల చేశారు. 

రాహుల్ సంఘ్విగా అర్జున్ రాంపాల్
Arjun Rampal First Look In Bhagavanth Kesari Movie : 'భగవంత్ కేసరి'లో రాహుల్ సంఘ్వి పాత్రలో అర్జున్ రాంపాల్ కనిపించనున్నారని చిత్ర బృందం తెలియజేసింది. స్టైలిష్ సూట్ వేసుకుని, కుర్చీలో రాయల్‌గా కూర్చున్న అతని ఫస్ట్ లుక్ విడుదల చేశారు. 

Introducing the National Award-Winning Actor @rampalarjun as the menacing #RahulSanghvi from #BhagavanthKesari 🔥

TRAILER TOMORROW @ 8:16 PM ❤️‍🔥

Massive Release Worldwide on October 19th💥#NandamuriBalakrishna @AnilRavipudi @MsKajalAggarwal @sreeleela14 @MusicThaman… pic.twitter.com/mT6nh4LY12

— Shine Screens (@Shine_Screens) October 7, 2023

ఆదివారం రాత్రి 8.16 గంటలకు ట్రైలర్
ఆల్రెడీ 'భగవంత్ కేసరి' టీజర్, రెండు సాంగ్స్ విడుదల అయ్యాయి. ఫస్ట్ సాంగ్ 'గణేష్ యాంథమ్'లో బాలకృష్ణ, శ్రీలీల స్టెప్పులు హైలైట్ అయ్యాయి. రెండో పాట 'ఉయ్యాలో ఉయ్యాల'లో ఇద్దరి మధ్య బంధాన్ని వివరించారు. ఇప్పుడు ట్రైలర్ విడుదలకు సినిమా యూనిట్ రెడీ అయ్యింది. ఆదివారం రాత్రి 08.11 గంటలకు ట్రైలర్ విడుదల కానుంది.  

సామాజిక కార్యకర్తగా బాలకృష్ణ!
ఈ సినిమాలో గిరిజన హక్కుల కోసం పోరాటం చేసే సామాజిక కార్యకర్తగా బాలకృష్ణ కనిపించనున్నారని సమాచారం. ఆయన పాత్ర కూడా గిరిజనులలో ఒకరిగా ఉంటుందట. సమాజంలో స్త్రీలు ఎదుర్కొంటున్న సమస్యలను సైతం దర్శకుడు అనిల్ రావిపూడి సినిమాలో ప్రస్తావించారని విశ్వసనీయ వర్గాల ద్వారా తెలిసింది. ఇప్పటి వరకు ఆయన దర్శకత్వంలో వచ్చిన సినిమాలు ఓ లెక్క... ఇప్పుడీ 'భగవంత్ కేసరి'ది మరో లెక్క అనే విధంగా సినిమా ఉంటుందట! కామెడీ కంటే కంటెంట్ ఎక్కువ హైలైట్ అవుతుందని ఫిల్మ్ నగర్ వర్గాల ఖబర్. 

'భగవంత్ కేసరి' చిత్రాన్ని షైన్ స్క్రీన్స్ పతాకంపై హరీష్ పెద్ది, సాహు గారపాటి భారీ నిర్మాణ వ్యయంతో ప్రతిష్టాత్మకంగా నిర్మిస్తున్నారు. ఈ సినిమాలో బాలకృష్ణ సరసన తెలుగు తెర చందమామ కాజల్ అగర్వాల్ నటించారు. యువ కథానాయిక శ్రీ లీల ప్రధాన పాత్రలో కనిపించనున్నారు. నటుడు శరత్ కుమార్ కీలక పాత్ర చేశారు. బాలకృష్ణకు ఆయనది సోదరుడి పాత్ర అని టాక్. నార్త్ ఇండియన్ బ్యూటీ పాలక్ లల్వానీకి కీలక పాత్రలో నటించే అవకాశం దక్కింది. బాలీవుడ్ నటుడు అర్జున్ రాంపాల్ విలన్ రోల్‌ చేశారు.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial