![ABP Premium](https://cdn.abplive.com/imagebank/Premium-ad-Icon.png)
Miss Shetty Mr Polishetty Movie : అనుష్క సినిమా వాయిదా - ప్రభాస్ కజిన్కు తిట్లు తప్పవా?
Miss Shetty Mr Polishetty Postponed : అనుష్క శెట్టి, నవీన్ పోలిశెట్టి జంటగా నటించిన 'మిస్ శెట్టి మిస్టర్ శెట్టి' వాయిదా పడిందని సమాచారం.
![Miss Shetty Mr Polishetty Movie : అనుష్క సినిమా వాయిదా - ప్రభాస్ కజిన్కు తిట్లు తప్పవా? Anushka Naveen Polishetty's Miss Shetty Mr Polishetty movie release postponed, Check Details Miss Shetty Mr Polishetty Movie : అనుష్క సినిమా వాయిదా - ప్రభాస్ కజిన్కు తిట్లు తప్పవా?](https://feeds.abplive.com/onecms/images/uploaded-images/2023/07/26/73f35b1036f1eda3dc2a12e572ea487f1690382922626313_original.jpg?impolicy=abp_cdn&imwidth=1200&height=675)
అగ్ర కథానాయిక అనుష్క శెట్టి (Anushka Shetty) సినిమా థియేటర్లలో వచ్చి ఐదు సంవత్సరాలు అవుతోంది. బ్లాక్ బస్టర్ 'భాగమతి' 2018లో వస్తే... ఆ తర్వాత ఆమె ప్రధాన పాత్రలో నటించిన 'నిశ్శబ్దం' ఓటీటీలో విడుదలైంది. మధ్యలో వచ్చిన మెగాస్టార్ చిరంజీవి 'సైరా నరసింహా రెడ్డి'లో అతిథి పాత్రలో కనిపించారంతే! సో, అనుష్క సినిమా కోసం అభిమానులు ఎంతగానో ఎదురు చూస్తున్నారు. వాళ్ళకు యువి క్రియేషన్స్ షాక్ ఇచ్చేలా ఉంది.
అనుష్క సినిమా వాయిదా వేయక తప్పదు!
అనుష్క ప్రధాన పాత్రలో 'భాగమతి' వంటి హిట్ తర్వాత యువి క్రియేషన్స్ సంస్థ నిర్మిస్తున్న సినిమా 'మిస్ శెట్టి మిస్టర్ పోలిశెట్టి' (Miss Shetty Mr Polishetty Movie). 'ఏజెంట్ సాయి శ్రీనివాస ఆత్రేయ', 'జాతి రత్నాలు' విజయాల తర్వాత యువ కథానాయకుడు నవీన్ పోలిశెట్టి (Naveen Polishetty) నటించిన సినిమా కూడా ఇదే. ఆగస్టు 4న సినిమా విడుదల చేయనున్నట్లు గతంలో వెల్లడించారు. లేటెస్ట్ ఫిల్మ్ నగర్ టాక్ ఏమిటంటే... ఈ సినిమా విడుదల వాయిదా పడిందని!
అనుష్క, నవీన్ పోలిశెట్టిల సినిమా విడుదల వాయిదా పడిందని, వాయిదా వేయక తప్పదని విశ్వసనీయ వర్గాలు తెలిపాయి. ప్రభాస్ సినిమాలను సైతం ముందుగా అనుకున్న సమయానికి విడుదల చేయని రికార్డ్ యువి క్రియేషన్స్ సంస్థకు ఉంది. టీజర్లు, సాంగ్స్ కూడా లేటుగా విడుదల చేశారు. ప్రభాస్ అభిమానులు సోషల్ మీడియాలో ట్రోల్స్, సెటైర్లతో రెచ్చిపోయేవారు. తిట్టేవారు కూడా! యువి క్రియేషన్స్ అధినేతలలో ఒకరైన ప్రమోద్ స్వయానా ప్రభాస్ కజిన్. ఇప్పుడు ఆయన్ను అనుష్క అభిమానులు తిట్టే ప్రమాదం ఉంది.
ఆగస్టు 18న 'మిస్ శెట్టి మిస్టర్ పోలిశెట్టి'?
Miss Shetty Mr Polishetty New Release Date : ఆగస్టు 4న కాకుండా ఆగస్టు 18న 'మిస్ శెట్టి మిస్టర్ పోలిశెట్టి'ని విడుదల చేయడానికి సన్నాహాలు చేస్తున్నారని టాక్. ఇంకా సినిమా పోస్ట్ ప్రొడక్షన్ వర్క్స్ జరగలేదని, చెన్నైలో ఫైనల్ మిక్సింగ్ వర్క్ ఏదో పెండింగ్ ఉందని తెలిసింది. తెలుగు, తమిళ, కన్నడ, మలయాళ భాషల్లో రిలీజ్ ప్లాన్ చేశారు. నాలుగు భాషల్లో వాయిదా పడినట్లే.
Also Read : అమెరికాలో చిరంజీవి కాలికి సర్జరీ - సమస్య ఏమిటంటే?
నవీన్ పోలిశెట్టి స్టాండప్ కమెడియన్ పాత్రలో, అనుష్క ఫేమస్ షెఫ్ పాత్రలో నటించిన ఈ 'మిస్ శెట్టి మిస్టర్ పోలిశెట్టి' చిత్రాన్ని యువి క్రియేషన్స్ పతాకంపై వంశీ, ప్రమోద్ నిర్మిస్తున్నారు. మహేష్ బాబు .పి (Mahesh Babu P) దర్శకత్వం వహిస్తున్నారు. అనుష్కకు 48వ చిత్రమిది. యూవీ క్రియేషన్స్ సంస్థలో 'మిర్చి', 'భాగమతి' చిత్రాలు భారీ విజయాలు సాధించాయి.
Also Read : తెలుగులోకి తమన్నా ట్రెండింగ్ సాంగ్ - మాస్ & స్పైసీ గురూ!
'జీ' చేతికి 'మిస్ శెట్టి మిస్టర్ పోలిశెట్టి'
అనుష్క సినిమా శాటిలైట్ & డిజిటల్ స్ట్రీమింగ్ రైట్స్ జీ చేతికి వెళ్లాయి. అవును... 'మిస్ శెట్టి మిస్టర్ పోలిశెట్టి' డిజిటల్ రైట్స్ను 'జీ' గ్రూప్ కొనుకోలు చేసింది. సినిమా విడుదలైన కొన్ని రోజులకు 'జీ 5' ఓటీటీలో స్ట్రీమింగ్ చేయడానికి ఏర్పాట్లు చేశారు. ఆ తర్వాత కొన్ని రోజులకు జీ గ్రూప్ ఛానళ్లలో టెలికాస్ట్ చేస్తారు.
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)