'భగవంత్ కేసరి'లో ఓ పాట షూట్ కోసం భారీ సెట్ వేసిన అనిల్ రావిపూడి

అనిల్ రావిపూడి డైరెక్షన్‌లో రాబోతున్న మాస్ యాక్షన్ ఎంటర్‌టైనర్ 'భగవంత్ కేసరి'లో బాలకృష్ణ, శ్రీలీల, కాజల్ నటిస్తున్న సంగతి తెలిసిందే. అయితే ఈ సినిమాలో ఓ పాట కోసం భారీ సెట్ వేసినట్టు టాక్ వినిపిస్తోంది.

భగవంత్ కేసరి(Image Credits : Bhagwant Kesari/Twitter)

 'Bhagwant Kesari' : 'వీరసింహారెడ్డి' తర్వాత నందమూరి బాలకృష్ణ మరో మాస్ యాక్షన్ ఎంటర్‌టైనర్ 'భగవంత్ కేసరి'తో ప్రేక్షకుల ముందుకు రాబోతున్నారు. దర్శకుడు అనిల్ రావిపూడి డైరెక్షన్‌లో తెరకెక్కుతున్న ఈ మూవీకి సంబంధించిన టీజర్ ఇప్పటికే ప్రేక్షకులను ఎంతగానో అలరించింది. అయితే ఈ సినమాలో బాలయ్య కూతురి పాత్రలో క్రేజీ హీరోయిన్ శ్రీలీల నటిస్తుండగా, కాజల్ అగర్వాల్ బాలయ్యతో రొమాన్స్ చేయనుంది. బాలయ్య ఈసారి తెలంగాణ యాసలో డైలాగులు చెబుతూ కనిపించనున్నారు. ఈ మాస్ ఎంటర్‌టైనర్ ద్వారా బాలకృష్ణ తన రేంజ్ యాక్టింగ్‌ని ప్రదర్శిస్తాడని చాలా మంది భావిస్తున్నారు. సినిమా కథాంశం బయటకు రాకుండా మేకర్స్ చాలా జాగ్రత్తలు తీసుకున్నారు. ఇప్పటివరకూ ఈ విషయంలో సీక్రసీనే మెయింటైన్ చేస్తూ ముందుకు సాగుతున్నారు. కాగా ఈ చిత్రాన్ని అక్టోబర్ 19న విడుదల చేసేందుకు సన్నాహాలు చేస్తున్నట్లు నిర్మాతలు ఇటీవలే ప్రకటించారు.

ఇక తాజా సమాచారం ప్రకారం 'భగవంత్ కేసరి' మూవీ కోసం మేకర్స్ భారీ సెట్‌ని నిర్మించినట్టు వార్తలు వినిపిస్తున్నాయి. ప్రధాన తారాగణం, సిబ్బందితో ఫుట్‌టాపింగ్ పాటను చిత్రీకరిస్తున్నారని టాక్ నడుస్తోంది. అంతే కాదు నందమూరి బాలకృష్ణ ఈ సినిమాలో తన అన్ స్టాపబుల్ ఎనర్జీతో డ్యాన్స్ ఫ్లోర్‌ని ఊపేయనున్నాడని సినీ వర్గాల్లో చర్చ జరుగుతోంది. బాలయ్యతో పాటు కాజల్ అగర్వాల్, శ్రీలీల కూడా ఈ మూవీకి స్పెషల్ అట్రాక్షన్ గా నిలవనున్నట్టు తెలుస్తోంది. భారీ వర్షాలు కురుస్తున్నప్పటికీ షూటింగ్‌ని ఆపకుండా చిత్ర బృందం వీలైనంత త్వరగా షూటింగ్‌ను పూర్తి చేసేందుకు ప్రయత్నిస్తున్నారు. ఈ పాటలో బాలయ్య ఎనర్జీ, శ్రీలీల అదరగొట్టే డ్యాన్స్, కాజల్ అందం చూస్తున్నా కొద్దీ చూడాలనిపించే విధంగా ఉంటుందని అన్నపూర్ణ స్టూడియోస్‌లో షూటింగ్ వీక్షించిన కొందరు అభిమానులు అంటున్నారు. ఇక ఈ సినిమాలో అర్జున్ రాంపాల్ విలన్ పాత్రలో కనిపించనున్నారు. ఈ చిత్రానికి సాహు గారపాటి, హరీష్ పెద్ది నిర్మాతలు కాగా, వి వెంకట్ యాక్షన్ పార్ట్ కొరియోగ్రఫీ చేశారు. థమన్ స్వరకర్త.

కామెడీ సినిమాలకు కేరాఫ్ అడ్రస్ గా పేరు తెచ్చుకున్న అనిల్ రావివూడి బాలకృష్ణ 108వ చిత్రమైన 'భగవంత్ కేసరి'తో మాస్ యాక్షన్ ఫీల్డ్ లోకి దిగనున్నాడు. ఎప్పుడూ సరదాగా నవ్వులు పూయించే ఆయన.. ఇప్పుడు బాలయ్యను ఎలా చూపిస్తాడా అని సినీ ప్రేక్షకులు ఆసక్తిగా ఎదురుచూస్తున్నారు. రీసెంట్ అప్ డేట్ ప్రకారం ఈ సినిమాలో బాలయ్య, శ్రీలీల, కాజల్ వేసే స్టెప్పులకు ఫ్యాన్స్ కలు కదపకుండా అస్సలు ఉండలేరని తెలుస్తోంది.

ఖుదా గవా స్టోరీతో..

ఇక 'భగవంత్ కేసరి' స్టోరీపై ఇప్పటివరకూ ఎలాంటి క్లారిటీ రాలేదు. కానీ ఈ మధ్య కాలంలో వస్తోన్న టాక్ ప్రకారం ఈ మూవీ ఖుదా గవా కథతో రానుందట. ఈ సినిమాలో హీరో తన ప్రేయసి, స్నేహితుడి కోసం జైలుకి వెళ్లాల్సి  వస్తుంది. అతనికి ఓ కూతురు ఉంటుంది. దీంతో ఆమెకు తన తండ్రెవరో తెలియకుండానే పెరిగి పెద్దవుతుంది. కొంతకాలం తర్వాత బయటికొచ్చిన అతను.. తన కూతురికి తెలియకుండానే ఆమెను కాపాడుతూ ఉంటాడు. దాదాపు ఇదే స్టోరీ లైన్ తో ఈ సినిమా ఉంటుందని సోషల్ మీడియాలో టాక్ నడుస్తోంది.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial