Bubble Gum Movie: ఓటీటీలో దూసుకుపోతున్న సుమ కొడుకు రోషన్ 'బబుల్‌ గమ్' సినిమా - రికార్డు వ్యూస్‌తో ట్రెండింగ్‌లోకి..
Roshan Bubble Gum Movie: ఓటీటీలోకి వచ్చిన నెల రోజులకు తాజాగా సుమ కొడుకు రోషన్ 'బబుల్‌ గమ్' మూవీ రికార్డు క్రియేట్‌ చేసింది. రికార్డు వ్యూస్‌తో ఆహాలో ట్రెండింగ్‌లో నిలిచింది.
Roshan Bubble Gum Movie Record Views: స్టార్‌ యాంకర్‌ సుమ ప్రత్యేకంగా పరిచయం అవసరం లేదు. పెద్ద వారి నుంచి చిన్న పిల్లల వరకు యాంకర్‌ సుమ అంటే టక్కున గుర్తుపట్టేస్తారు. అంతగా ఇండస్ట్రీలో గుర్తింపు పొందింది. ఇండస్ట్రీలో ఎలాంటి ఈవెంట్‌ అయినా, స్టార్‌ హీరో ప్రీ రిలీజ్‌ అయినా యాంకర సుమ సందడి ఉండాల్సిందే. ఏరికోరి మరి సుమతో హోస్ట్‌ చేయించుకుంటారు. అంతగా గుర్తింపు పొందింది. ఇక సుమ భర్త రాజీవ్‌ కనకాల కూడా ప్రముఖ నటుడు అనే విషయం తెలిసిందే. ప్రస్తుతం స్టార్‌ హీరో, పాన్‌ ఇండియా చిత్రాల్లో ప్రధాన పాత్రలు, కీ రోల్స్‌ పోషిస్తూ నటుడిగా కొనసాగుతున్నారు.
ఇప్పుడు వారి తనయుడు రోషన్ కనకాల కూడా వెండితెర ఎంట్రీ ఇచ్చాడు. నిర్మలా కాన్వెంట్‌ చిత్రంలో కీ రోల్‌ పోషించిన రోషన్ ఇటీవల 'బబుల్‌ గమ్' సినిమాతో హీరోగా పరిచయం అయ్యాడు. 'క్షణం', 'కృష్ణ అండ్ హిస్‌ లీలా' వంటి సినిమాలతో దర్శకుడిగా మంచి గుర్తింపు తెచ్చుకున్న రవికాంత్ పేరేపు ఈ సినిమాని తెరకెక్కించిన ఈ సినిమాను పీపుల్స్ మీడియా ఫ్యాక్టరీ నిర్మించింది. ఇందులో రోషన్ సరసన మానస చౌదరి హీరోయిన్‌గా నటించింది. రిలీజ్‌కు ముందు ఓ రేంజ్‌లో ప్రమోట్‌ చేసి హైప్ పెంచారు. అలా అంచనాలతో గతేడాది డిసెంబర్‌లో థియేటర్లోకి వచ్చిన ఈ సినిమా ఆడియన్స్‌ పెద్దగా ఆకట్టుకోలేకపోయింది. లవ్‌ అండ్ రొమాంటిక్‌ డ్రామగా వచ్చిన ఈ సినిమాలో విపరీతమైన ముద్దు సీన్లు, హైవోల్డేజ్ రొమాన్స్ ఇలా బోల్డ్‌ కంటెంట్‌తో తీసుకువచ్చారు.
#Bubblegum hits 100 million minutes of HIGH VOLTAGE romance and still going strong! 😈
— ahavideoin (@ahavideoIN) March 23, 2024
DON'T MISS IT! 🥰
Watch #BubblegumOnAha now ▶️https://t.co/ZxVIxTEueE#BubblegumOnAha @ahavideoIN @ravikanthperepu @RoshanKanakala @Maanasa_chou @ItsSumaKanakala @sureshraghu_DOP… pic.twitter.com/tbIczrjefI
యూత్‌ని టార్గెట్‌ చేస్తూ తీసుకువచ్చిన ఈ చిత్రం వారిని కూడా పెద్దగా ఆకట్టుకోలేకపోయింది. ఫలితం మూవీ డిజాస్టర్‌ అయ్యింది. గత ఫిబ్రవరి 9న బబుల్‌ గమ్ ఓటీటీలో రిలీజ్‌ అయ్యింది. వెండితెరపై బోల్తా కొట్టిన ఈ మూవీ రీసెంట్‌గా ఆహాలో స్ట్రీమింగ్‌కు వచ్చింది. ఈచిత్రం తాజాగా ఓటీటీలో అదరగొట్టింది. వన్‌ మినిట్‌లో 100 మిలియన్ల వ్యూస్‌తో రికార్డు క్రియేట్‌ చేసింది. తాజాగా దీనిపై ఆహా తమ ఎక్స్‌ పోస్ట్‌లో పేర్కొంది. "హై వోల్డేజ్‌ రొమాంటి డ్రామా బబుల్‌ గమ్ మూవీ రికార్డు స్రష్టించింది. ఒక్క నిమిషంలో 100 మిలియన్ల స్ట్రీమింగ్‌ మినిట్స్‌తో ట్రెండింగ్‌లో నిలిచింది. ఇప్పటికీ అదే వ్యూస్‌తో దూసుకుపోతుంది" అంటూ తాజాగా ఆహా ట్వీట్‌ చేసింది. ఇది చూసి మూవీ లవర్స్‌ షాక్‌ అవుతున్నారు. ఓటీటీలోకి వచ్చిన నెల రోజుల తర్వాత బబుల్‌ గమ్ ఈ రేంజ్‌లో రెస్పాన్స్‌ రావడం ఏంటని అంటున్నారు. ఏదేమైన సుమ కొడుకు లేటైనా లేటెస్ట్‌గా ట్రెండ్‌సెట్‌ చేశాడంటూ కామెంట్స్ చేస్తున్నారు.
Also Read: 'పుష్ప 2' మరో సాలిడ్‌ అప్‌డేట్‌ - పార్ట్‌ 2లో సమంత అతిథి పాత్ర, ఈసారి ఐటెం సాంగ్‌ కాదట!
టాప్ హెడ్ లైన్స్
ట్రెండింగ్ వార్తలు
