Baby Poster: ఛీ ఛీ, అంత దిగజారుతారా? ‘బేబీ’ రిలీజ్ డేట్ పోస్టర్‌పై నెటిజన్స్ ఆగ్రహం
ఆనంద్ దేవరకొండ, వైష్ణవి చైతన్య జంటగా నటించిన లేటెస్ట్ మూవీ 'బేబీ'. తాజాగా ఈ సినిమా రిలీజ్ డేట్ ని అనౌన్స్ చేశారు మేకర్స్.
టాలీవుడ్ రౌడీ హీరో విజయ్ దేవరకొండ తమ్ముడు ఆనంద్ దేవరకొండ గత ఏడాది 'పుష్పక విమానం', 'హైవే' వంటి సినిమాలతో ప్రేక్షకులను పలకరించాడు. అయితే ఈ సినిమాలేవి ప్రేక్షకులను ఆకట్టుకోలేకపోయాయి. ఇక ప్రస్తుతం ఈ హీరో 'బేబీ' అనే సినిమాలో నటిస్తున్నాడు. సాయి రాజేష్ దర్శకత్వం వహిస్తున్న ఈ సినిమాలో ఆనంద్ దేవరకొండకి జోడిగా వైష్ణవి చైతన్య హీరోయిన్ గా నటిస్తోంది. విరాజ్ అశ్విన్ మరో కీలక పాత్రలో కనిపించనున్నారు. యువ నిర్మాత SKN ఈ సినిమాని నిర్మిస్తున్నారు. ఇప్పటికే సినిమా నుంచి రిలీజ్ అయిన పోస్టర్స్, సాంగ్స్ ప్రేక్షకులను ఆకట్టుకున్నాయి. స్కూల్, కాలేజ్ నేపథ్యంలో సాగే లవ్ స్టోరీ గా ఈ సినిమాని దర్శకుడు సాయి రాజేష్ తెరకెక్కించాడు. ఇక తాజాగా ఈ సినిమా రిలీజ్ డేట్ ను మేకర్స్ అధికారికంగా అనౌన్స్ చేశారు.
జూలై 14న ఈ సినిమాను ప్రపంచవ్యాప్తంగా గ్రాండ్‌గా రిలీజ్ చేస్తున్నట్లు మేకర్స్ తెలిపారు. అందుకు సంబంధించి ఓ పోస్టర్ ని కూడా విడుదల చేశారు. అన్ని బాగానే ఉన్నా తాజాగా రిలీజ్ డేట్ అనౌన్స్ చేస్తూ విడుదల చేసిన పోస్టర్ ఇప్పుడు ఓ వివాదంగా మారేలా ఉంది. అందుకు కారణం.. తాజాగా విడుదల చేసిన రిలీజ్ డేట్ పోస్టర్లో మిడిల్ ఫింగర్ లో హీరోయిన్‌ను పెడుతూ లుక్ డిజైన్ చేయడమే. ఈ పోస్టర్లో ఒక చేయి. ఆ చేయి మిడిల్ ఫింగర్ గా హీరోయిన్ వైష్ణవి చైతన్యాన్ని చూపించారు. పింక్ కలర్ డ్రెస్ లో ఆమె నవ్వుతూ కనిపించింది. అయితే అమ్మాయిని అలా మిడిల్ ఫింగర్ గా చూపించడం ఏంటి? అంటూ ఈ పోస్టర్ చూసిన కొంతమంది నెటిజన్స్ కామెంట్స్ చేస్తున్నారు. కొంతమంది ఏమో ఈ పోస్టర్ ను చూస్తుంటే కథ ఏదో కొత్తగా ఉండేలా ఉంది అని చెబుతున్నారు.
మొత్తం మీద 'బేబీ' మూవీ లేటెస్ట్ పోస్టర్ సోషల్ మీడియా అంతటా వివాదాస్పదంగా మారే అవకాశాలే ఎక్కువగా కనిపిస్తున్నాయి. ఇక ఈ ఒక్క పోస్టర్ తోనే సినిమాపై ఏదో విధంగా ఆసక్తిని క్రియేట్ చేసేలా చేశారు మేకర్స్. అయితే, ఈ పోస్టర్ వివాదంగా మారడంతో డిలీట్ చేయక తప్పలేదు. దాని స్థానంలో మరో పోెస్టర్‌ను పోస్ట్ చేశారు. అయితే, చిత్రయూనిట్ కావాలనే పబ్లిసిటీ కోసం ఆ పని చేసి ఉంటారని నెటిజన్స్ అంటున్నారు. కాగా ఈ సినిమాపై నిర్మాత SKN తాజాగా ట్వీట్ చేశారు. " బేబీ ఫస్ట్ కాపీ చూశాను. ఈ సినిమాను నేను నిర్మించినందుకు ఎంతో ఆనందంగానూ.. గర్వంగా.. ఫీల్ అవుతున్నాను. దయచేసి అందరూ మా సినిమాని సపోర్ట్ చేయండి" అంటూ పేర్కొన్నారు.
ట్రయాంగిల్ లవ్ స్టోరీ గా తెరకెక్కిన ఈ సినిమాలో హీరోయిన్ వైష్ణవి చైతన్య డిగ్లామరస్ రోల్ లో నటించింది. 'సాఫ్ట్వేర్ డెవలపర్' తో పాటు మరికొన్ని యూట్యూబ్ సిరీస్ లతో ఎంతో పాపులారిటీని తెచ్చుకున్న వైష్ణవి చైతన్య ఈ మూవీ తోనే హీరోయిన్గా ఎంట్రీస్తోంది. ఈ సినిమా కన్నా ముందు పలు సినిమాల్లో సైడ్ క్యారెక్టర్ చేసి మంచి గుర్తింపు తెచ్చుకుంది. మరి ఈ సినిమా హీరోయిన్ గా వైష్ణవి చైతన్యకి అలాగే హీరోగా ఆనంద్ దేవరకొండ కి ఎలాంటి సక్సెస్ ని అందిస్తుందో చూడాలి.
Poster 👌
— Bobby Yedida (@bobby_yedida) June 29, 2023
Interesting 😘
All the very best sir ❤️@SKNonline @sairazesh https://t.co/tFCIWY11eO
టాప్ హెడ్ లైన్స్
ట్రెండింగ్ వార్తలు
