Pushpa 2 Team Accident : 'పుష్ప 2' యూనిట్ వస్తున్న బస్సుకు యాక్సిడెంట్ - ఆర్టిస్టులు లేరు కానీ!

'పుష్ప 2' యూనిట్ సభ్యులు ప్రయాణిస్తున్న బస్సుకు హైదరాబాద్ నగర శివార్లలోని నార్కట్ పల్లి ఏరియాలో యాక్సిడెంట్ అయ్యింది. అయితే, ఆర్టిస్టులు ఎవరూ ఆ బస్సులో లేరని తెలిసింది. 

సుకుమార్, అల్లు అర్జున్

ఐకాన్ స్టార్ అల్లు అర్జున్ (Allu Arjun) కథానాయకుడిగా తెరకెక్కుతున్న సినిమా 'పుష్ప 2' (Pushpa 2 Movie). 'పుష్ప' చిత్రానికి సీక్వెల్ ఇది. క్రియేటివ్ జీనియస్ సుకుమార్ దర్శకత్వం వహిస్తున్నారు. ఇటీవల ఏపీలోని మారేడుమిల్లిలో కొన్ని సన్నివేశాలను చిత్రీకరించారు. షూటింగ్ ముగించుకుని 'పుష్ప 2' యూనిట్ సభ్యులు హైదరాబాద్ రిటర్న్ అయ్యారు. నగర శివార్లలోకి చేరుకున్న తర్వాత ఆ బస్సుకు యాక్సిడెంట్ అయ్యింది. 

బస్సులో ఆర్టిస్టులు ఎవరూ లేరు!
'పుష్ప 2' చిత్ర బృందం ప్రయాణిస్తున్న బస్సులో ఆర్టిస్టులు ఎవరూ లేరు. ఇటీవల జరిగిన మారేడుమిల్లి షెడ్యూల్‌లో ఆర్టిస్టులు ఎవరు లేరు. మలయాళ హీరో ఫహాద్ ఫాజిల్, తెలుగు నటుడు బ్రహ్మాజీ సైతం షూటింగులో పాల్గొన్నారు. అయితే... ఆ ఇద్దరూ రాజమండ్రి నుంచి హైదరాబాద్ వరకు ఫ్లైట్ జర్నీ చేయనున్నారు. ఆల్రెడీ టికెట్స్ బుక్ అయ్యాయి. బస్సులో జూనియర్ ఆర్టిస్టులు, మిగతా యూనిట్ సభ్యుల్లో కొందరు మాత్రమే ఉన్నారని, వారికి స్వల్ప గాయాలు కాగా దగ్గరలోని ఆస్పత్రికి తరలించినట్టు తెలిసింది.

'పుష్ప 2'లో సీరత్ కపూర్ ఐటమ్ సాంగ్!?
కొన్ని రోజుల క్రితం 'పుష్ప 2'లో స్పెషల్ సాంగ్ గురించి చర్చ నడిచింది. హీరోయిన్ సీరత్ కపూర్ (Seerat Kapoor) గుర్తు ఉన్నారా? శర్వానంద్ 'రన్ రాజా రన్', రవితేజ 'టచ్ చేసి చూడు', సిద్ధూ జొన్నలగడ్డ 'కృష్ణ అండ్ హిజ్ లీల', 'మా వింత గాథ వినుమ' సినిమాల్లో నటించారు. 'పుష్ప 2' సినిమాలో ఆమె ఐటమ్ సాంగ్ చేస్తున్నారని ప్రచారం జరిగింది. దీనిపై ఆమె స్పందించారు కూడా!

బన్నీతో జస్ట్ ఫోటో తీసుకున్నానంతే!
'పుష్ప 2'లో సీరత్ కపూర్ ఐటమ్ సాంగ్ చేస్తున్నారని వార్తలు రావడానికి కారణం ఓ ఫోటో! బన్నీతో దిగిన ఫోటోను ఆమె సోషల్ మీడియాలో పోస్ట్ చేశారు. దాంతో 'పుష్ప 2'లో ఐటమ్ సాంగ్ చేసే ఆఫర్ ఆమెకు వచ్చిందని, షూటింగ్ ఫినిష్ అయ్యాక సెల్ఫీ తీసుకున్నారని కొందరు వార్తలు రాసేశారు. అయితే. వాటిలో నిజం లేదని సీరత్ కపూర్ స్పష్టం చేశారు. 

''పుష్ప 2'లో నేను ఉన్నానని వార్తలు వస్తున్నాయి. అవి పూర్తిగా నిరాధారణమైనవి అని క్లారిటీ ఇస్తున్నాను. అల్లు అర్జున్ మంచి ఫ్రెండ్. ఇటీవల ఆయన్ను కలిశా. కాసేపు మాట్లాడాను. ఓ ఫోటో తీసుకున్నాను. అంతే తప్ప... ఆయన సినిమాలో నేను నటించడం లేదు. అలాగే, నేను ఎటువంటి ఐటమ్ సాంగ్ చేయడం లేదు'' అని సీరత్ కపూర్ ఇంస్టాలో స్టోరీ పోస్ట్ చేశారు. అదీ సంగతి! 

ఈ చిత్రాన్ని మైత్రీ మూవీ మేకర్స్ ఇన్ అసోసియేట్ విత్ సుకుమార్ రైటింగ్స్ పతాకంపై నవీన్ ఎర్నేని, రవి శంకర్ యలమంచిలి  నిర్మిస్తున్నారు. శ్రీవల్లి పాత్రలో రష్మిక మరోసారి సందడి చేయనున్నారు. ఇంకా సునీల్, అనసూయ తదితరులు నటిస్తున్నారు. జగపతి బాబు కీలక పాత్రలో కనిపించనున్నారు. అల్లు అర్జున్ పుట్టినరోజు సందర్భంగా విడుదల చేసిన ఫస్ట్ లుక్ నెట్టింట రికార్డులు క్రియేట్ చేసింది.