Ajith - Chiranjeevi: ‘విశ్వంభర’ సెట్స్లో చిరంజీవికి సర్ప్రైజ్... మెగాస్టార్ను కలిసిన అజిత్
Vishwambhara: మెగాస్టార్ చిరంజీవిని తమిళ స్టార్ అజిత్ కలిశారు. ‘విశ్వంభర’ సెట్స్లో ఉన్న చిరు దగ్గరికి వెళ్లిన ఆయన కాసేపు సరదాగా మాట్లాడారు. ఈ సందర్భంగా పలు పాత జ్ఞాపకాలను గుర్తు చేసుకున్నారు.
Ajith Kumar meets Chiranjeevi: మెగాస్టార్ చిరంజీవిని తమిళ స్టార్ హీరో అజిత్ కుమార్ కలిశారు. ‘విశ్వంభర’ సినిమా షూటింగులో మర్యాద పూర్వకంగా భేటీ అయ్యారు. ఈ సందర్భంగా కాసేపు సరదాగా మాట్లాడుకున్నారు. సినిమాలతో పాటు ఇద్దరు గతంలో కలుసుకున్న ప్రత్యేక సందర్భాలను గుర్తు చేసుకున్నారు.
చిరంజీవిని కలిసిన అజిత్ కుమార్
అజిత్ కుమార్ హీరోగా తెరకెక్కుతున్న తాజా చిత్రం ‘గుడ్ బ్యాడ్ అగ్లీ’. ప్రస్తుతం హైదరాబాద్ లో షూటింగ్ కొనసాగుతోంది. పక్కనే చిరంజీవి ‘విశ్వంభర’ సినిమా షూటింగ్ నిర్వహిస్తున్నారు. ఖాళీ సమయంలో ‘విశ్వంభర’ సెట్స్ కు వెళ్లారు అజిత్. చిరంజీవిని కలిశారు. అనంతరం ఈ ఫోటోలను చిరంజీవి తన సోషల్ మీడియా వేదికగా షేర్ చేశారు. తమిళ స్టార్ తనను కలవడం చాలా సంతోషంగా ఉందన్నారు. “నిన్న సాయంత్రం ‘విశ్వంభర’ సెట్స్ లో స్టార్ గెస్ట్ ఆశ్చర్యపరిచారు. పక్కనే షూటింగ్ లో ఉన్న అజిత్ కుమార్ మా సెట్స్ కు వచ్చారు. మేం ఇద్దరు సరదాగా కబుర్లు చెప్పుకున్నాం. అతడి తొలి చిత్రం ‘ప్రేమ పుస్తకం’ సినిమా మ్యూజిక్ లాంచ్ నేనే చేశాను. ఆ విషయాన్ని అజిత్ గుర్తు చేశారు. అతడి సతీమణి షాలిని నా చిత్రం ‘జగదేకవీరుడు అతిలోకసుందరి’లో బాల నటిగా చేసింది. ఆ జ్ఞాపకాలను గుర్తు చేసుకున్నాం. సినిమా పరిశ్రమలో ఆయన సాధించిన విజయాలను చూసి సంతోషించాను. అతడికి అభినందనలు తెలిపాను” అని చిరు రాసుకొచ్చారు.
View this post on Instagram
‘గుడ్ బ్యాడ్ అగ్లీ’లో నయనతార హీరోయన్ గా చేయబోతుందా?
అజిత్ హీరోగా తెరకెక్కుతున్న ‘గుడ్ బ్యాడ్ అగ్లీ’ సినిమాలో నయనతార హీరోయిన్ గా నటిస్తున్నట్లు తెలుస్తోంది. అధిక్ రవిచంద్రన్ దర్శకత్వంలో తెరకెక్కుతున్న ఈ సినిమాలో ఆమె హీరోయిన్ గా దాదాపు ఖరారు అయినట్లు టాక్ వినిపిస్తుంది. త్వరలోనే ఈ విషయాన్ని చిత్రబృందం అధికారికంగా ప్రకటించే అవకాశం ఉంది. ఒకవేళ ఈ సినిమాలో నయనతార హీరోయిన్ గా ఫిక్స్ అయితే, ‘బిల్లా’, ‘ఏగన్’, ‘ఆరంభం’, ‘విశ్వాసం’ తర్వాత నటించబోయే 5వ చిత్రం అవుతుంది.
‘విశ్వంభర’ షూటింగులో చిరు బిజీ బిజీ
ప్రస్తుతం మెగాస్టార్ చిరంజీవి ‘విశ్వంభర’ సినిమాలో నటిస్తున్నారు. చిరు కెరీర్ లోనే అత్యంత భారీ బడ్జెట్ తో ఈ సినిమా తెరకెక్కుతోంది. ‘బింబిసార’ డైరెక్టర్ వశిష్ట ఈ సినిమాకు దర్శకత్వం వహిస్తున్నారు. చిరంజీవి బ్లాక్ బస్టర్ హిట్ మూవీ ‘జగదేక వీరుడు అతిలోక సుందరి’ మాదిరిగానే ‘విశ్వంభర’ సోసియో ఫాంటసీ మూవీగా రూపొందుతున్నట్లు తెలుస్తోంది. ఈ చిత్రంలో త్రిష హీరోయిన్ గా నటిస్తుండగా, ఆషిక రంగనాథ్, ఈషా చావ్లా, సురభి కీలక పాత్రలు పోషిస్తున్నారు.
Read Also: ‘గం గం గణేశా’ ఫస్ట్ రివ్యూ వచ్చేసింది - ఆనంద్ దేవరకొండ ఖాతాలో మరో హిట్!
టాప్ హెడ్ లైన్స్
ట్రెండింగ్ వార్తలు
