Sudha Chandran : పూనకంతో ఊగిపోయిన సీనియర్ హీరోయిన్ - భక్తుడి చేతిని కొరుకుతూ వింత ప్రవర్తన... వీడియో వైరల్

Sudha Chandran Trance : సీనియర్ నటి, ఫేమస్ డ్యాన్సర్ సుధా చంద్రన్ ఓ ఆధ్యాత్మిక కార్యక్రమంలో పూనకంతో ఊగిపోయారు. దీనికి సంబంధించిన వీడియో ప్రస్తుతం నెట్టింట వైరల్ అవుతోంది.

సుధా చంద్రన్ వింత ప్రవర్తన

Source : https://x.com/i/status/2007909091470106697

Sudha Chandran Spiritual Trance Video Gone Viral : సీనియర్ నటి సుధా చంద్రన్‌ ఓ ఆధ్యాత్మిక కార్యక్రమంలో పూనకంతో ఊగిపోతూ వింతగా ప్రవర్తించినట్లుగా ఓ వీడియో తాజాగా సోషల్ మీడియాలో వైరల్ అవుతోంది. దేవీ భజన కార్యక్రమంలో పాల్గొన్న ఆమె ఆధాత్మిక పారవశ్యంలో మునిగిపోయి ట్రాన్స్‌లోకి వెళ్లిపోయారు. 

కంట్రోల్ చేసేందుకు యత్నించినా...

ఎరుపు, తెలుపు రంగు చీర ధరించిన సుధా చంద్రన్... నుదుటిన 'జై మాతాజీ' అని రాసి ఉన్న బ్యాండ్ కట్టుకుని ఒక్కసారిగా గెంతుతూ పూనకంత ఊగిపోయారు. ఆమె ప్రవర్తన చూసిన తోటి భక్తులు ఆశ్చర్యపోయి కంట్రోల్ చేసేందుకు యత్నించారు. ఈ క్రమంలో ఓ భక్తుని చేయి కొరుకుతూ ఉన్నట్లు కనిపించింది. ఇతర భక్తులు ఆమెను గట్టిగా పట్టుకున్నారు. ప్రస్తుతం ఈ వీడియో వైరల్ అవుతుండగా... నెటిజన్లు భిన్నాభిప్రాయాలు వ్యక్తం చేస్తున్నారు.

A video of actress Sudha Chandran is going viral on social media, showing her completely immersed in devotion during Mata Ki Chowki. The video shows people around her trying to support her as she becomes emotional.
1/2#SudhaChandran #MataKiChowki pic.twitter.com/rGZPiSpwT6

— Siraj Noorani (@sirajnoorani) January 4, 2026

కొందరు సుధా చంద్రన్ ఆధ్యాత్మిక పారవశ్యంలో మునిగిపోయి అలా ప్రవర్తించారని కామెంట్స్ చేస్తుండగా... మరికొందరు సానుభూతి వ్యక్తం చేస్తున్నట్లుగా కామెంట్స్ చేశారు. భక్తి పారవశ్యంలో ఉన్నప్పుడు ట్రాన్స్‌లో వెళ్లడం సహజమని.. అప్పుడు ఏం చేస్తున్నారో కూడా వారికి తెలియదని... సానుభూతి వ్యక్తం చేయాల్సిన అవసరం లేదని అంటున్నారు. 

క్లాసికల్ డ్యాన్సర్‌గా ఎందరి మనసులనో గెలుచుకున్న సుధా చంద్రన్... నటిగానూ పాపులారిటీ సంపాదించుకున్నారు. ప్రమాదంలో కాలు కోల్పయినా కృత్రిమ కాలితో డ్యాన్స్ చేసి ఎందరికో స్ఫూర్తిగా నిలిచారు. ఈమె స్టోరీ ఆధారంగానే తెలుగు 'మయూరి' సినిమాను తీశారు. అందులో ఈమెనే ప్రధాన పాత్రలో నటించారు. అప్పట్లో ఈ మూవీ ఓ సంచలనం. తమిళంతో పాటు హిందీ, తెలుగు, మలయాళం భాషల్లో పలు సినిమాల్లో నటించారు. 

సినిమాల తర్వాత పలు టీవీ సీరియళ్లలోనూ నటించి బుల్లితెర ప్రేక్షకులకు దగ్గరయ్యారు. 'నాగిన్' సీరియల్ ద్వారా ఫుల్ క్రేజ్ సంపాదించుకున్నారు. ఇందులో యామిని రహేజా అనే పవర్ ఫుల్ నెగిటివ్ రోల్‌లో నటించి మెప్పించారు. హిందీలో సూపర్ హిట్ సీరియళ్లలో నటించారు.

మరిన్ని చదవండి

'మన శంకరవరప్రసాద్ గారు' వచ్చేశారు - వింటేజ్ మెగాస్టార్... అదిరింది ట్రైలర్