Meera Chopra Wedding Photos: ప్రియుడిని పెళ్లి చేసుకున్న హీరోయిన్ - రాజస్థాన్లో గ్రాండ్ వెడ్డింగ్, ఫోటోలు వైరల్
Meera Chopra Wedding Pics: : బాలీవుడ్ బ్యూటీ, వాన హీరోయిన్ మీరా చోప్రా పెళ్లీపీటలు ఎక్కింది. తాజాగా తన ప్రియుడు, వ్యాపారవేత్త రక్షిత్తో ఏడడుగులు వేసింది.
Meera Chopra Tied Knot With Rakshit: బాలీవుడ్ బ్యూటీ, వాన హీరోయిన్ మీరా చోప్రా పెళ్లీపీటలు ఎక్కింది. తాజాగా తన ప్రియుడు, వ్యాపారవేత్త రక్షిత్తో ఏడడుగులు వేసింది. నేడు మార్చి 12న రాజస్థాన్లోని జైపూర్లో వీరిపెళ్లి అంగరంగ వైభవంగా జరిగింది. ఈ వేడుకకు ఇరు కుటుంబ సభ్యులు, కొద్దిమంది బంధువులు, సన్నిహితులు మాత్రమే హాజరయ్యారు. తాజాగా ప్రియుడితో వివాహ బంధంలోకి అడుగుపట్టిన ఫొటోలను మీరా తన ఇన్స్టాగ్రామ్ వేదికగా షేర్ చేసింది.
దీంతో ఆమె పెళ్లి ఫొటోలు ప్రస్తుతం సోషల్ మీడియాలో వైరల్గా మారాయి. కాగా కొద్ది రోజులుగా సోషల్ మీడియాలో మీరా చోప్రా పెళ్లి ముచ్చట గురించే చర్చ జరుగుతుంది. ఆమె స్వయంగా తాను పెళ్లి చేసుకోబోతున్నట్టు ప్రకటించింది, కానీ కాబోయే భర్తను మాత్రం పరిచయం చేయలేదు. ఇటీవల ఆమె వెడ్డింగ్ కార్డ్ వైరల్ కావడంతో అతడి పేరు బయటకు వచ్చింది. కాగా నేడు మార్చి 11-12 తేదీల్లో హిందూ సంప్రదాయం ప్రకారం రెండు రోజుల పెళ్లి వేడుకగా జరిగింది. జైపూర్లోని బ్యూనా విస్తా లగ్జరీ గార్డెన్ స్పా రిసార్ట్లో గ్రాండ్ వెడ్డింగ్ నిర్వహించారు.
నిన్న 11వ తేదీన మెహందీ ఫంక్షన్ తో మీరా చోప్రా పెళ్లి సంబరాలు మొదలు కాగా... అదే రోజు రాత్రి 7 గంటల నుంచి స్నేహితులు, కుటుంబ సభ్యులందరికీ సంగీత్ & కాక్టెయిల్ పార్టీని నిర్వహించినట్టు సమాచారు. ఇక 40 ఏళ్ల మీరా చోప్రా గతేడాదే పెళ్లీ చేసుకోబోతున్నట్టు ఓ ఇంటర్య్వూలో హింట్ ఇచ్చింది. చెప్పినట్టుగానే ఈ ఏడాది ఆమె వైవాహిక జీవితంలోకి అడుగుపెట్టి కొత్త జీవితాన్ని ప్రారంభించబోతుంది. అయితే, మీరా చోప్రా గత ఆరేళ్లుగా రక్షిత్తో సీక్రెట్ డేటింగ్లో ఉందట. కానీ తన ప్రేమాయణం విషయాన్ని ఎక్కడా బయటపెట్టలేదు. అతడికి సినిమా రంగంతో ఎలాంటి సంబంధం లేకపోవడంతో, వివరాలేమీ పెద్దగా బయటకు రాలేదు.
Also Read: కవలలకు జన్మనిచ్చిన మనోజ్ భార్య మౌనిక అంటూ వార్తలు - క్లారిటీ ఇచ్చిన మంచు హీరో
View this post on Instagram
కాగా ప్రియాంక చోప్రా కజిన్గా మీరా చోప్రా 1920: లండన్ చిత్రంలో హీరోయిన్గా బాలీవుడ్ ఆరంగేట్రం చేసింది. ఆ వెంటనే 'గ్యాంగ్ ఆఫ్ గోస్ట్స్', 'సెక్షన్ 375'లో సినిమాల్లో నటించింది కనిపించింది. ఆ తర్వాత పవన్ కల్యాణ్ 'బంగారం' సినిమాతో టాలీవుడ్కు పరిచయం అయ్యింది. ఆ తర్వాత వాన సినిమాతో లైమ్లైట్లోకి వచ్చింది. చివరగా 2013లో కింగ్ నాగార్జున హీరోగా నటించి 'గ్రీకు వీరుడు' మూవీలో కీలక పాత్ర పోషించింది. ప్రస్తుతం హిందీ సినిమాలు, వెబ్ సిరీస్ లలో నటిస్తూ బిజీగా ఉంది. 2019లో సెక్షన్ 375 చిత్రంలో రీఎంట్రీ ఇచ్చింది. సుమారు నాలుగేళ్ల గ్యాప్ తర్వాత సఫేద్ సినిమాతో రీ ఎంట్రీ ఇచ్చింది. ఈ చిత్రం గతేడాది జీ5 ఓటీటీ వేదికగా రిలీజ్ అయింది.
Before You Go
Gundenininda Gudigantalu Serial August 11 | మనోజ్కు శీలా డార్లింగ్ వార్నింగ్
టాప్ హెడ్ లైన్స్
ట్రెండింగ్ వార్తలు
