CM Vijay : రియల్ ఒకే ఒక్కడు సీఎం విజయ్ - పొలిటికల్ ఎంట్రీపై హీరో అర్జున్ రియాక్షన్

Arjun Sarja Reaction : రియల్ ఒకే ఒక్కడు సీఎం విజయ్ అని అన్నారు యాక్షన్ కింగ్ అర్జున్. చిత్ర పరిశ్రమ నుంచి సీఎం స్థాయికి ఎదగడం గర్వంగా ఉందంటూ ప్రశంసలు కురిపించారు.

సీఎం విజయ్‌పై అర్జున్ ప్రశంసలు

Source : https://www.youtube.com/watch?v=2EUYETJGMQA

Actor Arjun Sarja Reaction On CM As Tamilnadu CM : తమిళనాడు సీఎంగా విజయ్ ఎన్నిక కావడం గర్వంగా ఉందన్నారు యాక్షన్ కింగ్ అర్జున్. ఆయన ప్రధాన పాత్రలో నటించిన రీసెంట్ యాక్షన్ ఎంటర్టైనర్ 'బ్లాస్ట్ జోన్' ప్రీ రిలీజ్ ఈవెంట్‌లో ఆయన... సీఎంగా విజయ్ బాధ్యతలు స్వీకరించిన తర్వాత మీట్ కావడం, రియల్ ఒకే ఒక్కడు కామెంట్స్, పొలిటికల్ ఎంట్రీపై రియాక్ట్ అయ్యారు. 

రియల్ ఒకే ఒక్కడు

తమిళనాడు సీఎంగా విజయ్ బాధ్యతలు స్వీకరించిన తర్వాత ఆయన్ను కలిసినట్లు చెప్పారు అర్జున్. 'రియల్ ఒకే ఒక్కడు సీఎం విజయ్ అంటూ చాలా ఫోటోస్ సోషల్ మీడియాలో వైరల్ అవుతున్నాయి. విజయ్‌ను మీట్ అయినప్పుడు ఆయన కూడా ఇదే అన్నారు. సీఎం సీట్ ఫస్ట్ టైం చూసినప్పుడు ఆయనకు ఒకే ఒక్కడు సీన్ జ్ఞాపకం వచ్చిందని చెప్పారు. సినీ పరిశ్రమ నుంచి ఓ నటుడు సీఎం స్థాయికి ఎదగడం చాలా గర్వంగా ఉంది. ఫస్ట్ టైం పోటీలో నిలబడి సీఎంగా బాధ్యతలు స్వీకరించడం గ్రేట్ అచీవ్మెంట్.' అంటూ ప్రశంసించారు.

'నా దగ్గర డబ్బు లేదు'

'పొలిటికల్ ఎంట్రీ ఉంటుందా?' అంటూ రిపోర్టర్ అడిగిన ప్రశ్నకు... అర్జున్ ఫన్నీగా రియాక్ట్ అయ్యారు. 'నేను బాగుండడం మీకు ఇష్టం లేదు అనుకుంటా. ఎవరికైనా మంచి చేయాలంటే బయటి నుంచి కూడా చేసుకోవచ్చు. పాలిటిక్స్‌లోకి రావాలంటే డబ్బులు కావాలి. నా దగ్గర ఖర్చు పెట్టడానికి అంత డబ్బు లేదు.' అని అన్నారు. సీఎం విజయ్ కూడా డబ్బులు పంచకుండానే సీఎం అయ్యారు.... అంటూ రిపోర్టర్ అడగ్గా... 'ఆయనకు అంత గొప్ప పేరుంది. నాకు అది లేదు.' అని అన్నారు. 

'వారు గ్లోబల్ లెవల్‌కు తీసుకెళ్లారు'

గతంతో పోలిస్తే సినిమా టెక్నాలజీ పరంగా వరల్డ్ వైడ్‌గా ఎక్కడికో వెళ్లిపోయిందని అన్నారు అర్జున్. 'స్టార్ డైరెక్టర్స్ రాజమౌళి, ప్రశాంత్ నీల్, రిషబ్ శెట్టి సినిమాను వేరే లెవల్‌కు తీసుకెళ్లారు. అది చాలా మంచి పరిణామం.' అని తెలిపారు. అలాగే, గుమ్మడి నర్సయ్య బయోపిక్ కోసం తనను మొదట సంప్రదించినా... ఆ తర్వాత ఎందుకో రాలేదని చెప్పారు. నిజానికి ఈ ప్రాజెక్ట్ కోసం తాను హోం వర్క్ కూడా చేశానని... అయితే, ఎందుకో చేజారిందని అన్నారు.

ఇక, బ్లాస్ట్ జోన్ సినిమా తనకు ఓ మంచి మార్పులా అనిపించిందని చెప్పారు అర్జున్. 'వరుసగా విలన్ రోల్స్ చేస్తున్న నాకు బ్లాస్ట్ ఓ మంచి మార్పులా అనిపించింది. డైరెక్టర్ నన్ను నాకు సరికొత్తగా పరిచయం చేశారు. ఈ మూవీలో యాక్షన్ సీక్వెన్స్ కోసం చాలా శ్రమించాం.' అని అన్నారు. ఈ మూవీకి సుభాష్ కె రాజ్ దర్శకత్వం వహిస్తుండగా... అర్జున్‌తో పాటు అభిరామి, ప్రీతి ముకుందన్ తదితరులు కీలకపాత్రలు పోషించారు. ఈ నెల 28న సినిమా ప్రేక్షకుల ముందుకు రానుంది.

మరిన్ని చదవండి

మంత్ ఎండ్ థియేటర్లలో చిన్న సినిమాలు - పెద్ది ముందు పెద్ద సాహసమే...