Kisi Ka Bhai Kisi Ki Jaan: మొన్న చిరంజీవితో, నేడు వెంకటేష్‌తో - వెంకీ మామతో చిందులేసిన సల్మాన్ ఖాన్!

బాలీవుడ్ నటుడు సల్మాన్ ఖాన్ నటించిన ‘కిసీ కా భాయ్ కిసీ కీ జాన్’ సినిమా నుంచి ‘బిల్లి బిల్లి’ పాట వచ్చేసింది. ఈ సాంగ్ కు యూట్యూబ్ లో మిలియన్స్ వ్యూస్ వస్తున్నాయి.

Image Credit: Zee Music Company/You Tube

బాలీవుడ్ హీరో సల్మాన్ ఖాన్ నటిస్తోన్న తాజా చిత్రం 'కిసీ కా భాయ్ కిసీ కి జాన్'. ఫర్హాద్ సామ్ జీ ఈ సినిమాకు దర్శకత్వం వహిస్తున్నారు.  ఈ మూవీ లో హీరోయిన్ గా పూజా హెగ్డే నటిస్తుండగా విక్టరీ వెంకటేష్ కీలక పాత్రలో కనిపించనున్నారు. అలాగే మెగా పవర్ స్టార్ రామ్ చరణ్ ఈ సినిమాలో ఓ పత్యేక పాత్రలో కనిపించనున్నారు. ఇటీవలే ఈ సినిమా నుంచి ‘బిల్లి బిల్లి’ పాటను విడుదల చేశారు. ఈ పాట కోసం అభిమానులు ఎప్పటినుంచో ఎదురు చూస్తున్నారు. తాజాగా ఆ పార్టీ సాంగ్ ను విడుదల చేయడంతో అభిమానులు పండగ చేసుకుంటున్నారు. ఇక ఈ పాట యూట్యూబ్ లో అప్లోడ్ అయినప్పటినుంచి లక్షల్లో వ్యూస్ వస్తున్నాయి.   

గురువారం యూట్యూట్‌లో ‘బిల్లి బిల్లి’ పాటను రిలీజ్ చేశారు. ఇక ఈ పాటలో సల్మాన్ ఖాన్ తో పాటు నటి పూజా హెగ్డే, షహనాజ్ గిల్, భూమికా చావ్లా, విక్టరీ వెంకటేష్, పాలక్ తివారీ, సిద్దార్థ్ నిగమ్, జస్సీ గిల్ ఇతర నటీనటులు కనిపిస్తున్నారు. సుఖ్బీర్ కంపోజ్ చేస్తూ పాడిన ఈ పాట చాలా క్యాచీ గా ఉంది. ఈ పాటలో స్టెప్పులు, అలాగే బ్యాగ్రౌండ్, నటీనటుల వేషధారణలు అన్నీ ఆకట్టుకునేలా కలర్ఫుల్ గా తీర్చిదిద్దారు. సల్మాన్, వెంకటేష్ స్టెప్పులు సరదాగా అనిపిస్తాయి. ఫుల్ పార్టీ మూడ్ తలపించేలా పాటను రూపొందించారు మేకర్స్. ఈ పాట సల్మాన్ అభిమానులకు నచ్చుతుందనే చెప్పొచ్చు. 

ఈ ‘కిసి కా భాయ్ కిసి కీ జాన్’ సినిమాను తమిళ నటుడు అజిత్ నటించిన సూపర్ హిట్ సినిమా ‘వీరమ్’ కు రిమేక్ గా సల్మాన్ ఖాన్ హిందీలో చేస్తున్నారు. ఇప్పటికే ఈ సినిమాను పవర్ స్టార్ పవన్ కల్యాణ్ తెలుగులో ‘కాటమరాయుడు’ గా తీశారు. రెండు చోట్లా ఈ సినిమా మంచి ఫలితాన్నే అందించింది. అందుకే ఈ సినిమాను హిందీలో రీమేక్ చేయాలని అనుకున్నారట సల్మాన్. అందుకే ఈ సినిమా పై ముందు నుంచీ అంచనాలు బాగానే ఉన్నాయి. ఇప్పటికే ఈ మూవీ నుంచి వచ్చిన పోస్టర్స్, టీజర్ కు మంచి స్పందనే వచ్చింది. ఇప్పుడీ ఈ ‘బిల్లి బిల్లి’ పార్టీ పాటకు కూడా మంచి స్పందనే వస్తోంది. అయితే మొదట్లో సల్మాన్ ఖాన్ లాంగ్ హెయిర్ తో కనబడిన ఫోటోలపై కాస్త నెగిటివ్ కామెంట్స్ వచ్చాయి. తర్వాత ఆ కామెంట్లు కూడా తగ్గి మూవీ పై ఆసక్తి నెలకొంది. ఈ సినిమా తర్వాత సల్మాన్ వరుసగా ప్రాజెక్టులు చేయనున్నారు. ఇప్పటికే ‘బజరంగీ బహైజాన్’ సెకండ్ పార్ట్ పై ప్రకటన చేశారు. తర్వాత రాబోయే ప్రాజెక్ట్‌లలో జాక్వెలిన్ ఫెర్నాండెజ్‌తో ‘కిక్ 2’, కత్రినా కైఫ్‌తో ‘టైగర్ 3’ రెడీగా ఉన్నాయి. ఇక ఈ సినిమా ఈ ఏడాది విడుదల కానుంది.