Bigg Boss Telugu 6: తొమ్మిదేళ్లకే తల్లి చనిపోయింది, నాన్న వదిలేశాడు - చలాకీ చంటి భావోద్వేగం, ‘బిగ్ బాస్‌’లోకి గ్రాండ్ ఎంట్రీ

ఐదో కంటెస్టెంట్ గా 'జబర్దస్త్' కమెడియన్ చలాకీ చంటి ఎంట్రీ ఇచ్చారు.

బిగ్ బాస్ హౌస్ లో చలాకీ చంటి గ్రాండ్ ఎంట్రీ!

బుల్లితెరపై నెంబర్ వన్ రియాలిటీ షోగా దూసుకుపోతుంది బిగ్ బాస్(Bigg Boss). అన్ని భాషల్లో ఈ షో సూపర్ హిట్ అయింది. తెలుగులో కూడా ఈ షోకి మంచి గుర్తింపు వచ్చింది. ఇప్పటివరకు ఐదు సీజన్లను పూర్తి చేసుకుంది. అలానే ఈ ఏడాది ఓటీటీ వెర్షన్ తో ఆడియన్స్ ను ఎంటర్టైన్ చేయాలనుకున్నారు. హాట్ స్టార్ లో 24 గంటల కాన్సెప్ట్ తో ఈ షోని నడిపించారు. కానీ ఆశించిన స్థాయిలో ఓటీటీ వెర్షన్ క్లిక్ అవ్వలేదు.
 
ఇదిలా ఉండగా.. బిగ్ బాస్ సీజన్ 6 కోసం రంగం సిద్ధమైంది. సెప్టెంబర్ 4 నుంచి ఈ షోని మొదలుపెట్టారు. ఇప్పటివరకు నాలుగు సార్లు ఈ షోని హోస్ట్ చేసిన నాగార్జున ఇప్పుడు ఐదోసారి కూడా హోస్ట్ గా వ్యవహరించనున్నారు. ఈసారి మొత్తం 18 మంది కంటెస్టెంట్స్ కనిపించనున్నారు. ఆదివారం నాడు గ్రాండ్ గా షో మొదలైంది. ఇక కంటెస్టెంట్స్ ను ఒక్కొక్కరిగా నాగార్జున ఇంట్రడ్యూస్ చేస్తున్నారు.

 

ఐదో కంటెస్టెంట్ గా 'జబర్దస్త్' కమెడియన్ చలాకీ చంటి ఎంట్రీ ఇచ్చారు. 'బింబిసార' స్టైల్ లో చంటిపై ఓ ప్రోమో కట్ చేశారు. స్టేజ్ పైకి వచ్చిన చంటి.. నాగార్జునను చూసి గుండె దడగా ఉందన్నారు. దానికి నాగార్జున 'ఇక్కడ నుంచి వెళ్లిపోనా..?' అని సరదాగా అన్నారు. 

 

కంటెస్టెంట్స్ ని ఒక్కొక్కరినీ ఒక్కో కార్డు సెలెక్ట్ చేసుకోమని అడుగుతున్నారు నాగార్జున. చలాకీ చంటి సెలెక్ట్ చేసుకున్న కార్డు హార్ట్. దానికి అర్ధం ఏంటో తరువాత చెబుతానని అన్నారు నాగార్జున. ఇదే సమయంలో తన భార్యతో లవ్ స్టోరీ గురించి చెప్పారు. ‘‘చంటి ఒక సెల్ఫిష్, యారోగెంట్, కోపిష్టి అని అన్నారు. నా చిన్నప్పుడే తండ్రి వదిలేశాడు. తొమ్మిదేళ్లకు తల్లి చనిపోయింది. ఒంటరి జీవితం.. అలాంటి సమయంలో మాయాదర్పణంలో అదృష్ణ దేవత వచ్చింది. ఆమె, నా భార్య సువస్తల. రావణుడు రాముడు అయినట్లు.. నా జీవితం మారిపోయింది’’ అని చంటి తెలిపాడు. 

 

ఈసారి అబ్బాయిల నెంబర్ కంటే అమ్మాయిలే ఎక్కువ మంది హౌస్ లో కనిపించబోతున్నారు. ఎప్పటిలానే ఈసారి కూడా బిగ్ బాస్ హౌస్ ని చాలా కొత్తగా డిజైన్ చేశారు. మొత్తం 18 మంది పోటీదారులు కాబట్టి ఈసారి షో 100 రోజులకు పైగానే ఉండే ఛాన్స్ ఉంది. మధ్యలో డబుల్ ఎలిమినేషన్స్ కూడా ఉంటాయి. ఇక టాస్క్ ల విషయానికొస్తే.. బిగ్ బాస్ హిందీ వెర్షన్ నుంచి కొన్ని టాస్క్ లను సీజన్ 6 కోసం తీసుకోబోతున్నారని సమాచారం. గత సీజన్లలో కూడా టాస్క్ లకు సంబంధించి ఇలానే చేశారు. 

 

We welcome our 5th contestant #Chanti to Bigg Boss house.#ChantiOnBBTelugu#BiggBossTelugu6 #BBLiveOnHotstar@StarMaa @DisneyPlusHSTel pic.twitter.com/5k1hy446bn

— Disney+ Hotstar Telugu (@DisneyPlusHSTel) September 4, 2022