Bigg Boss Telugu 6 Episode 62: ఎట్టకేలకు కెప్టెన్ అయిన శ్రీసత్య, చివరి వరకు పోరాడి ఓడిన ఇనయా
Bigg Boss Telugu 6: 9 వ వారం ఇంటికెప్టెన్‌గా ఎన్నికైంది శ్రీసత్య.
Bigg Boss Telugu 6: మిషన్ పాజిబుల్ టాస్కు గొడవలు, అరుపులతో దద్దరిల్లిపోయింది. ఈ వారం ఇనయా గొంతే ఎక్కువగా వినిపించింది. నామినేషన్స్ రోజు మొదలైన ఆమె ఏడుపులు, అరుపులు వారమంతా కొనసాగాయి. ఇంటికి కొత్త కెప్టెన్‌గా శ్రీసత్య ఎంపికైంది. ఆమెకు గీతూ, ఫైమా చాలా సాయం చేశారు.
ఈ ఎపిసోడ్లో ఏమైందంటే...మిషన్ పాజిబుల్ టాస్క్ కొనసాగింది. ఇందులో గీతూ అవుట్ అవ్వడంలో ఫిజికల్‌గా ఆడే అర్హత కోల్పోయింది. అయినా కూడా బుద్ధిబలం అని చెబుతూ రాత్రి అందరూ పడుకున్నాక ఆదిరెడ్డి టీషర్టుపై ఉన్న బ్లూ స్ట్రిప్పులను తీసేసింది. ఆ బ్లూ స్ట్రిప్పులు తీసేస్తే ఆ వ్యక్తి గేమ్ నుంచి అవుట్ అయినట్టే. అయితే ఆదిరెడ్డి గేమ్ నుంచి అవుట్ అయిన నువ్వు ఈ పని ఎలా చేస్తావంటూ గీతూతో వాదన పెట్టుకున్నాడు. అంతేకాదు కోపంతో టీషర్ట్‌తో పాటూ మైక్‌ను నేలకేసి కొట్టాడు. ఆట పూర్తయ్యాక బిగ్‌బాస్ ఆ విషయాన్ని తప్పుబట్టారు. అలా మైక్‌ను నేలకేసి కొట్టడం వల్ల ఆదిరెడ్డి కెప్టెన్సీ కంటెండర్ అయ్యే అవకాశాన్ని కోల్పోయాడని చెప్పారు. ఇక ఫిజికల్‌గా ఆడే అర్హత కోల్పోయిన గీతూ ఆదిరెడ్డి స్ట్రిప్స్ దొంగిలించడాన్ని కూడా బిగ్ బాస్ సమర్థించలేదు.
ఇక టాస్కు ముగిసే సమయానికి రెడ్ టీమ్, బ్లూ టీమ్ సభ్యులు సమానంగా ఉండడంతో ఆట డ్రా అయ్యింది. దీంతో ఇరుజట్ల కెప్టెన్లు ముగ్గురిని ఎంపిక చేసి కెప్టెన్సీ కంటెండర్లను చేయాలని చెప్పాడు బిగ్ బాస్. రెడ్ టీమ్ నుంచి గీతూ, శ్రీసత్య, ఫైమా వెళ్లారు. ఇక బ్లూటీమ్ నుంచి ఇనయా, వాసంతి, మెరీనా పోటీ పడ్డారు. అందరూ ఆడవాళ్లే పోటీ పడినందువల్ల ఏమో చాలా సింపుల్ టాస్కు ఇచ్చారు బిగ్ బాస్.
వారికి ఒక్కొక్కరికి ఒక్కో బెలూన్ ఇచ్చి వాటిని కాపాడుకుంటూ ఇతరుల బెలూన్లను కాపాడుకోవాలని చెప్పారు. ఇందులో ఆదిరెడ్డి సంచాలకుడిగా ఉన్నారు. అయితే మొదటగా గీతూ అవుట్ అయింది. మెరీనా చేతిలో బెలూన్‌ను శ్రీసత్య కింద పడేసింది. దీంతో మెరీనా అవుట్ అయింది. ఇక వాసంతిని ఫైమా గీతూ ఒకేసారి ఎటాక్ చేసి బెలూన్ లాక్కుని పేల్చేశారు. దీంతో ఆమె అవుట్. ఇక వాసంతి, మెరీనా కలిపి ఫైమా బెలూన్ పగుల గొట్టారు. ఇక మిగిలింది ఇనాయ, శ్రీసత్య. ఇనాయకు అంతగా వాసంతి, మెరీనా సపోర్ట్ చేయలేదు. వాళ్లిద్దరినీ కలిపి ఫైమా ఒక్కటే అడ్డుకుంది. ఇక గీతూ, శ్రీసత్య కలిపి ఇనాయ బెలూన్ పేల్చేశారు. దీంతో శ్రీసత్య కెప్టెన్ అయింది.
ఇనాయ ఓడిపోవడంతో శ్రీహాన్, రేవంత్, గీతూ, ఫైమా ఆనందంతో గెంతులు వేశారు. అరుపులతో హోరెత్తించారు. ఇనాయ కోపంగా వెళ్లలి కూర్చుని సపోర్ట్‌తో గెలిచారు అంది.
View this post on Instagram
Also read: ఇనయాను ఎలిమినేషన్ తీసుకుని సూర్య ఇంటికెళ్లి కూర్చోమను - నోరుజారుతూ మరో గీతూలా మారిన శ్రీసత్యా
టాప్ హెడ్ లైన్స్
ట్రెండింగ్ వార్తలు
