Telugu in Bigg Boss Hindi 17: ‘బిగ్ బాస్’ హిందీలో తెలుగు - మన భాషలో ఛాలెంజ్ చేసుకున్న కంటెస్టెంట్స్, వీడియో వైరల్

Bigg Boss 17: బిగ్ బాస్ హిందీ సీజన్ 17లో తాజాగా తెలుగు మాటలు వినిపించాయి. ఇద్దరు కంటెస్టెంట్స్ తెలుగులో ఛాలెంజ్ చేసుకున్నారు. దానికి సంబంధించిన వీడియో సోషల్ మీడియాలో వైరల్ అవుతోంది.

అరుణ్ శ్రీకాంత్, మన్నారా చోప్రా (Image Credit: Bigg Boss Hindi 17/Twitter)

Telugu in Bigg Boss 17 Hindi Show : ఇతర భాషల్లో ప్రసారమవుతున్న బిగ్ బాస్ రియాలిటీ షోలో తెలుగు భాష వింటే ఆ కిక్కే వేరు. ఇటీవల హిందీ బిగ్ బాస్‌లో కూడా అదే జరిగింది. అక్కడ కంటెస్టెంట్స్ తెలుగులో మాట్లాడిన వీడియో.. సోషల్ మీడియాలో వైరల్ అవుతోంది. ప్రస్తుతం హిందీలో బిగ్ బాస్ సీజన్ 17 ప్రసారమవుతోంది. ఇప్పటికే అందులో జరిగిన కాంట్రవర్సీల వల్ల సీజన్ 17 ఫేమస్ అయిపోయింది. తాజాగా బిగ్ బాస్ సీజన్ 17 హిందీలో కంటెస్టెంట్స్ అయిన మన్నారా చోప్రా, అరుణ్ శ్రీకాంత్ మాషెట్టి.. టాస్క్‌లో భాగంగా తెలుగులో ఛాలెంజ్ చేసుకున్నారు. ఈ వీడియో సోషల్ మీడియాలో చక్కర్లు కొడుతోంది.

చేద్దాం.. అన్నీ చేద్దాం..
ఇటీవల బిగ్ బాస్ సీజన్ 17లో జరిగిన నామినేషన్స్‌లో అరుణ్ శ్రీకాంత్‌ను నామినేట్ చేస్తున్నట్టుగా చెప్పింది మన్నారా. అయితే మన్నారా చెప్పిన కారణాలు విన్న తర్వాత ‘‘చేద్దాం చేద్దాం అన్నీ చేద్దాం’’ అంటూ తెలుగులో రిప్లై ఇచ్చాడు అరుణ్ శ్రీకాంత్. అది విన్న మన్నారా నాకు కూడా తెలుగు వచ్చు అన్నట్టుగా ‘‘నాకు నువ్వు ఛాలెంజ్ చేసి’’ అని సమాధానమిచ్చింది. ఇది విన్న బిగ్ బాస్.. ‘‘బిగ్ బాస తెలుగు షోకు మీకు స్వాగతం’’ అని హిందీలో కౌంటర్ ఇచ్చాడు. దీంతో కంటెస్టెంట్స్ అంతా ఒక్కసారిగా నవ్వుకున్నారు. హిందీ బిగ్ బాస్‌లో తెలుగులో మాట్లాడిన వీరిద్దరు ఎవరు అని ప్రేక్షకులు సెర్చింగ్ మొదలుపెట్టారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Mannara❤️ (@memannara)

బిగ్ బాస్ హిందీలో హైదరాబాద్ అబ్బాయి..
అరుణ్ శ్రీకాంత్ ఒక హైదారబాద్‌లోని ఛార్మినార్‌ ఏరియాకు చెందినవాడని బయటపడింది. అందుకే హిందీ బిగ్ బాస్‌లో తన హైదరబాదీ టచ్‌తో అందరినీ అలరిస్తున్నాడని ఆడియన్స్ చెప్తున్నారు. తనకంటూ ఉన్న ఒక ప్రత్యేకమైన స్టైల్‌తో చాలామంది ఫ్యాన్స్‌ను సంపాదించుకున్నాడు అరుణ్ శ్రీకాంత్. ఒక హైదరాబాద్ అబ్బాయి.. హిందీ బిగ్ బాస్ షోలో ఉన్నాడు కాబట్టి త్వరలో ఇలాంటి మరెన్నో తెలుగు డైలాగులు ఆ హౌజ్‌లో వినిపించే అవకాశం ఉందని ప్రేక్షకులు భావిస్తున్నారు. మన తెలుగబ్బాయి అనే అభిమానంతో హిందీ బిగ్ బాస్‌ను ఫాలో అవుతున్న తెలుగు ప్రేక్షకులు సైతం అరుణ్ శ్రీకాంత్‌ను సపోర్ట్ చేయడానికి ముందుకొస్తున్నారు.

అన్ని సినిమాలు ఫ్లాప్..
మన్నారా చోప్రా విషయానికొస్తే.. ఇప్పటికే తను హీరోయిన్‌గా పలు తెలుగు చిత్రాలతో ప్రేక్షకులను అలరించింది. ప్రియాంక చోప్రా లాంటి స్టార్ హీరోయిన్ ఫ్యామిలీ నుండి తను కూడా నటిగా సెటిల్ అవ్వాలని కలలతో ఇండస్ట్రీలో అడుగుపెట్టింది మన్నారా. హిందీతో పాటు తెలుగులో కూడా పలు చిత్రాల్లో నటించింది. ‘తిక్క’, ‘రోగ్’, ‘జక్కన్న’ వంటి సినిమాల్లో హీరోయిన్‌గా కనిపించింది. కానీ తను తెలుగులో నటించిన ఒక్క సినిమా కూడా కనీసం హిట్ కాదు కదా.. యావరేజ్‌గా కూడా నిలవలేదు. దీంతో తనకు ఇక్కడ ఆఫర్లు తగ్గిపోయాయి. అయితే, ఇటీవల ఓ తెలుగు సినిమా ప్రమోషన్‌లో దర్శకుడు ముద్దుతో బాగా పాపులారిటీ సంపాదించింది. అదే సమయంలో హిందీ బిగ్ బాస్‌లో వచ్చిన ఆఫర్‌ను యాక్సెప్ట్ చేసి మరోసారి బాలీవుడ్‌లో బిజీగా అవ్వాలని ప్లాన్ చేసుకుంది. బిగ్ బాస్ హౌజ్‌లో తన క్యూట్ ఎక్స్‌ప్రెషన్స్‌తో, ముద్దు ముద్దు మాటలతో యూత్‌ను ఫిదా చేస్తోంది. టాస్కుల్లో యాక్టివ్‌గా ఉంటూ ఎక్కువరోజులు హౌజ్‌లో ఉండే ప్రయత్నం చేస్తోంది.

ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply