Bigg Boss Telugu OTT: ‘బిగ్ బాస్ నాన్ స్టాప్’, గత సీజన్స్ కంటే కొత్తగా, భిన్నంగా - ఈ మార్పులు గమనించారా?

పాత ‘బిగ్ బాస్’ సీజన్స్‌కు కొత్తగా ఓటీటీలో టెలికాస్ట్ అవుతున్న.. ‘నాన్ స్టాప్’కు మధ్య చాలా వ్యత్యాసం ఉంది. మరి ఆ మార్పులు, ప్రత్యేకతలు ఏమిటో చూసేయండి మరి.

Image Credit: Disney Plus Hotstar

తెలుగు ప్రేక్షకులు ఎప్పుడెప్పుడా అని ఎదరు చూస్తున్న ‘బిగ్ బాస్ - నాన్‌స్టాప్’ ఓటీటీ సీజన్-1 శనివారం మొదలైపోయింది. హోస్ట్ అక్కినేని నాగార్జున 17 మంది సభ్యులను హౌస్‌లోకి పంపించారు. వీరిలో పాత, కొత్త కంటెస్టెంట్స్ ఉన్నారు. అంటే.. ‘బిగ్ బాస్’ గత సీజన్లలో ఎలిమినేట్ అయిన సభ్యులను మళ్లీ ఒకే వేదిక మీద చూసే అవకాశాన్ని ‘బిగ్ బాస్’ కల్పించాడు. ఈ నేపథ్యంలో ఆట మరింత రంజుగా ఉండనుంది. గత సీజన్లతో పోల్చితే బిగ్ బాస్ భిన్నంగా, కొత్తగా ఉండనుందని తెలుస్తోంది. మరి, ఆ హైలెట్స్ ఏమిటో చూసేయండి మరి. 

⦿ ఈ బిగ్ బాస్‌లో 17 మంది సభ్యులు ఎంట్రీ ఇచ్చారు. 
⦿ బిగ్ బాస్‌లో కంటెస్టెంట్లు 100 రోజులు ఉండేవారు. ఓటీటీ వెర్షన్‌ మాత్రం 84 రోజులకే ముగియనుంది. 
⦿ సాధారణ ‘బిగ్ బాస్’ సీజన్లలో అంతా కొత్త సెలబ్రిటీలే ఉంటారు. కానీ, ఈ బిగ్ బాస్‌లో మాత్రం గత సీజన్లో ఎలిమినేటైన సభ్యులు కూడా ఉన్నారు. 
⦿ గత సీజన్‌లో ఉన్న సభ్యులను వారియర్స్‌గా, కొత్త సభ్యులును ఛాలెంజర్స్‌గా విభిజించారు. 
⦿ ఈ సారి హౌస్‌లోకి ఎంట్రీ ఇచ్చేవారికి ఒక ‘హ్యాష్‌ట్యాగ్‌’ను ఇచ్చారు. వారు హౌస్‌లో ఎలా ఉండనున్నారో చెప్పేందుకు ఇదొక ట్యాగ్.
⦿ గత సీజన్లో ఉన్న బిగ్ బాస్ హౌస్ కంటే.. ఓటీటీ ‘నాన్ స్టాప్’ సీజన్ హౌస్ చాలా పెద్దదిగా, విశాలంగా ఉంది. 
⦿ ఈ సారి గార్డెన్ ఏరియాలో స్విమ్మింగ్ పూల్‌తోపాటు బాత్ టబ్ కూడా ఏర్పాటు చేశారు. 
⦿ గత సీజన్లలో కంటే.. భిన్నంగా, కలర్‌ఫుల్‌గా హౌస్ డిజైన్ చేశారు. 
⦿ రెగ్యులర్ ‘బిగ్ బాస్’ సీజన్లలో కంటే ఎక్కువ టాస్క్‌లు ఈ కొత్త సీజన్లో ఉండనున్నాయి. 
⦿ ‘బిగ్ బాస్ నాన్ స్టాప్’ 24x7 టెలికాస్ట్ కానుందనే సంగతి తెలిసిందే. అయితే, శనివారం మాత్రం రికార్డెడ్ ఎపిసోడ్స్‌ను మాత్రమే టెలికాస్ట్ చేశారు. ఆ తర్వాత లైవ్ టెలికాస్ట్ మొదలుపెట్టారు.

⦿ గత సీజన్ల తరహాలో ఈ సారి సినీయర్ క్యారెక్టర్ ఆర్టిసులను హౌస్‌లోకి పంపలేదు.

బిగ్ బాస్ కంటెస్టెంట్లు వీరే:

వారియర్స్ టీమ్: 
1. అషురెడ్డి (సీజన్ 3)
2. మహేష్ విట్టా (సీజన్ 3)
3. ముమైత్ ఖాన్ (సీజన్ 1)
4. అరియనా (సీజన్ 4)
5. నటరాజ్ మాస్టర్ (సీజన్ 5)
6. తేజస్వి మదివాడ (సీజన్ 2)
7. సరయు (సీజన్ 5)
8. హమీద (సీజన్ 5) 
9. అఖిల్ సార్థక్ (సీజన్ 4)

ఛాలెంజర్స్:
1. ఆర్జే చైతు (ఆర్జే)
2. అజయ్ కతుర్వర్ (నటుడు)
3. స్రవంతి చొక్కారపు (యాంకర్)
4. శ్రీరాపాక (నటి)
5. అనిల్ రాథోడ్ (మోడల్)
6. మిత్రా శర్మ (నటి, నిర్మాత)
7. యాంకర్ శివ (యూట్యూబ్ యాంకర్)
8. బిందు మాధవి (హీరోయిన్)