Bigg Boss Season 7 Telugu Live Updates: ‘బిగ్ బాస్’ సీజన్ - 7 లైవ్‌ అప్డేట్స్: ‘బిగ్ బాస్’ హౌస్‌లోకి సీనియర్ నటులు - ఈ సారి 14 మందేనా?
బిగ్ బాస్ తెలుగు సీజన్ 7 మరికొద్ది గంటల్లోనే ప్రేక్షకుల ముందుకు రానుంది. మరి, ఇందులో పాల్గొనే సెలబ్రిటీలు ఎవరు?
LIVE
Background
‘బిగ్ బాస్’ సీజన్ - 7 మరికొన్ని గంటల్లోనే ప్రారంభం కానుంది. ఈ నేపథ్యంలో సర్వత్రా ఆశక్తి నెలకొంది. గత సీజన్‌లో ‘బిగ్ బాస్’ పెద్దగా ఆకట్టుకోలేదు. చాలా చప్పగా కూడా సాగింది. ఈ నేపథ్యంలో గత తప్పిదాలు రిపీట్ కాకూడదనే ఉద్దేశంతో ఈ సీజన్‌ను పగడ్బందీగా ప్లాన్ చేసినట్లు తెలుస్తోంది. ఇప్పటివరకు జరిగిన ‘బిగ్ బాస్’ సీజన్స్‌లో సెలబ్రిటీలకు బదులు.. సోషల్ మీడియా స్టార్సే ఎక్కువగా కనిపించారు. ప్రేక్షకులు మరిచిపోయిన సెలబ్రిటీలను కూడా తీసుకొచ్చి మమా అనిపించేవారు. అలాగే, మన సెలబ్రిటీలు కూడా ‘బిగ్ బాస్’లో పాల్గోడానికి పెద్దగా ఆశక్తి చూపడం లేదని, బయట ఉన్న ఆఫర్లు పోతాయనే భయంతో అటువైపు చూడటం లేదని తెలుస్తోంది. దీంతో ఈ సారి గట్టిగానే ముట్టజెప్పి.. ఎలాగైనా సరే ప్రేక్షకాధరణ పొందిన సెలబ్రిటీల కోసం ‘బిగ్ బాస్’ ద్వారాలను తెరిచి ఉంచాలని నిర్ణయించుకున్నారట. ఈ మేరకు కొన్ని సీరియల్స్‌ను త్వరగానే ముగించేశారు. అందులో నటించిన స్టార్స్‌ను ‘బిగ్ బాస్’ హౌస్‌లోకి తెచ్చేస్తున్నారు. అంతేకాదు, ప్రేక్షకులు మెచ్చిన పలువురు సినీ సెలబ్రిటీలను కూడా హౌస్‌లోకి ఆహ్వానిస్తున్నారట. ఇప్పటికే ఈ షో హోస్ట్ అక్కినేని నాగార్జున సీజన్-7 గత సీజన్ల కంటే భిన్నంగా ఉంటుందని ఊరిస్తూ వస్తున్నారు. దీంతో మరోసారి ఈ షోపై అంచనాలు పెరిగాయి.
సెప్టెంబర్-3 నుంచి ఆరంభం
‘బిగ్ బాస్’ సీజన్ 7 ఈ నెల 3వ తేదీ నుంచి ప్రారంభం కానుంది. ఆదివారం రాత్రి 7 గంటల నుంచి రికార్డెడ్ లైవ్‌‌ను ప్రసారం చేయనున్నారు. ప్రతి సోమవారం నుంచి శుక్రవారం వరకు రాత్రి 9.30 గంటలకు ప్రసాదరం కానుంది. శని, ఆదివారాల్లో రాత్రి 9 గంటలకు ప్రసారం అవుతుంది. డిస్నీ ప్లస్ హాట్ స్టార్‌లో దీన్ని లైవ్‌లో కూడా చూడవచ్చు. ఈ షోలో ఏయే కంటెస్టులు పాల్గోబోతున్నారనే వివరాలైతే గోప్యంగానే ఉన్నాయి. షో నిర్వాహకులు కూడా వారి పేర్లు బయటకు రాకుండా జాగ్రత్త పడ్డారు. కానీ, కొంతమంది సెలబ్రిటీల ద్వారా పలువురి పేర్లు బయటకు వచ్చాయి. వారిలో కొందరి పేర్లతే దాదాపు ఖాయమైపోయినట్లే.
1. శోభా శెట్టి (‘కార్తీక దీపం’ మోనిత)
2. అమర్ దీప్ (‘జానకి కలగనలేదు’ నటుడు)
3. ‘ఆట’ సందీప్ (కొరియోగ్రాఫర్), ఆయన భార్య
4. అంజలి పవన్
5. అబ్బాస్ (హీరో)
6. శివాజీ (హీరో)
7. షకీలా (నటి)
8. నరేష్ (జబర్దస్త్)
9. బుల్లెట్ భాస్కర్ (జబర్దస్త్)
10. ప్రత్యూష (టీవీ-9 యాంకర్)
11. నిఖిల్ (యాంకర్)
12. ప్రియాంక జైన్ (‘జానకి కలగనలేదు’ నటి)
13. శుభశ్రీ (రుద్రవీణ నటి)
14. పల్లవి ప్రశాంత్ (రైతు)
15. అన్షు రెడ్డి (నటి)
16. దామిని (సింగర్)
17. అనీల్ గీలా (మై విలేజ్ షో - యూట్యూబ్ స్టార్)
18. కమెడియన్ మహేష్ ( ‘రంగస్థలం’ సహ నటుడు)
19. సాగర్ (‘మొగలి రేకులు’ నటుడు)
20. అర్జున్ అంబటి (‘అగ్నిసాక్షి’ నటుడు)
21. ప్రిన్స్ యవార్ (‘నా పేరు మీనాక్షి’ నటుడు)
22. టేస్టీ తేజా (జబర్దస్త్ ఫేమ్)
23. గౌతమ్ కృష్ణ (‘ఆకాశవీధిలో’ నటుడు)
24. శ్వేతా నాయుడు (సోషల్ మీడియా ఇన్‌ఫ్లూయెన్సర్)
గమనిక: సోషల్ మీడియా, ఇతరాత్ర విశ్వసనీయ సమాచారం ప్రకారం పై జాబితాలోని సెలబ్రిటీల వివరాలను అందించాం. ఆఖరి క్షణంలో మార్పులు జరిగే అవకాశాలున్నాయి. దీన్ని అధికారిక జాబితా భావించవద్దని మనవి.
ఇప్పటివరకు బిగ్ బాస్ హౌస్‌లోకి ఎంట్రీ ఇచ్చిన కంటెస్టెంట్లు వీరే
1. ప్రియాంక జైన్ (‘జానకి కలగనలేదు’ సీరియల్ నటి)
2. శివాజీ (హీరో)
3. దామిని (సింగర్)
4. ప్రిన్స్ యవార్ (‘నా పేరు మీనాక్షి’ నటుడు)
5. శుభశ్రీ (లాయర్, నటి)
6. షకీలా (నటి)
7. ఆట సందీప్ (కొరియోగ్రాఫర్)
8. శోభా శెట్టి (‘కార్తీక దీపం’ నటి)
9. టేస్టీ తేజ (జబర్దస్త్ కమెడియన్)
10. రతిక (నటి, ఇన్‌ఫ్లూయెన్సెర్)
11. డాక్టర్ గౌతం (నటుడు)
12. కిరణ్ రాథోడ్ (నటి)
13. పల్లవి ప్రశాంత్ (రైతు)
14. అమర్ దీప్ (‘జానకి కలగనలేదు’ నటుడు)
14 మంది సభ్యులే ఎంట్రీ? ‘బిగ్ బాస్’ పెద్దగానే ప్లాన్ చేశాడు - వచ్చే వారం మరికొందరు?
ప్రతి ‘బిగ్ బాస్’ సీజన్‌లో సుమారు 21 మంది ఎంట్రీ ఇస్తుంటారు. అయిేత సీజన్ - 7లో మాత్రం 14 మంది సభ్యులు మాత్రమే ‘బిగ్ బాస్’ హౌస్‌లోకి వెళ్లారు. ఈ నేపథ్యంలో వచ్చేవారం మరో ఏడుగురిని హౌస్‌లోకి పంపే అవకాశం ఉందని తెలుస్తోంది.
బిగ్ బాస్ హౌస్‌లోకి నవీన్ పోలిశెట్టి
‘మిస్ శెట్టి, మిస్టర్ పోలిశెట్టి’ మూవీ ప్రమోషన్‌లో భాగంగా నవీన్ పోలిశెట్టి.. ‘బిగ్ బాస్’ స్టేజ్ మీదకు వచ్చాడు. అనంతరం హౌస్‌లోకి ఎంట్రీ ఇచ్చాడు.
‘బిగ్ బాస్’ హౌస్‌లోకి ‘జానకి కలగనలేదు’ నటుడు అమర్ దీప్
‘జానకి కలగనలేదు’ సీరియల్ నటుడు అమర్‌దీప్ బిగ్ బాస్ హౌస్‌లోకి 14వ కంటెస్టెంట్‌గా అడుగుపెట్టాడు. అంతకు ముందు రైతు పల్లవి ప్రశాంత్ 13వ కంటెస్టెంట్‌గా ఎంట్రీ ఇచ్చారు.
బిగ్ బాస్‌లోకి కిరణ్ రాథోడ్, జెమిని సాంగ్‌తో దుమ్ములేపిసింది
తమిళంలో ‘జెమినీ’ మూవీతో గుర్తింపు పొందిన కిరణ్ రాథోడ్ తెలుగు ‘బిగ్ బాస్’లోకి వచ్చింది. ఈమె తెలుగులో కూడా చాలా సినిమాల్లో నటించింది.
టాప్ హెడ్ లైన్స్
ట్రెండింగ్ వార్తలు
