Bigg Boss Telugu Season 8: విష్ణు ప్రియ ఇక్కడి వరకు రావడమే ఎక్కువ... మిగిలిన టాప్‌ 5కు ఆమె ఇచ్చిన స్థానాలివే

Bigg Boss Telugu Season 8 : బిగ్ బాస్ ఇంట్లో ఆదివారం ఎపిసోడ్లో విష్ణు ప్రియ ఎలిమినేట్ అయింది. ఇంట్లో ఇప్పుడు టాప్ 5 కంటెస్టెంట్లు మాత్రమే ఉన్నారు.

విష్ణు ప్రియ ఎలిమినేషన్

Source : DisneyPlus Hotstar

Vishnu Priya Eliminated: బిగ్ బాస్ ఇంట్లో పద్నాలుగో వారం గడిచింది. శనివారం ఎపిసోడ్‌లో రోహిణి, ఆదివారం ఎపిసోడ్లో విష్ణు ప్రియ ఎలిమినేట్ అయింది. ఇక ఇంట్లో ఇప్పుడు టాప్ 5 కంటెస్టెంట్లు ఉన్నారు. పదిహేనో వారం ఈ ఐదుగురు ఇంట్లో ఫుల్ చిల్ అవుతారనిపిస్తోంది. సండే ఫండే అన్న సంగతి తెలిసిందే. మరి కంటెస్టెంట్లతో నాగ్ ఎలాంటి ఆటలు ఆడించాడు... ఈ సండే ఎపిసోడ్ ఎలా సాగిందో ఓ  సారి చూద్దాం.

ప్రైజ్ మనీ గెలిస్తే ఏం చేస్తారని ఇంట్లోని టాప్ 6 కంటెస్టెంట్లని నాగ్ అడిగాడు. అన్నయ్య కూతురి పెళ్లికి కొంత డబ్బు వాడతాను అని అవినాష్ చెబుతాడు. ఇంట్లో వాళ్ల అప్పులు తీర్చేస్తా అని ప్రేరణ చెబుతుంది. నా సినిమా, వెబ్ సిరీస్ కోసం ఈ డబ్బును వాడతా అని నబిల్ అంటాడు. అప్పులు తీర్చి అమ్మానాన్నలకు ఇళ్లు కట్టిస్తా అని నిఖిల్ అన్నాడు. అమ్మకి సగం అమౌంట్ ఇస్తా.. గంగవ్వ కూతురి పెళ్లికి పది లక్షలు ఇస్తా అని గౌతమ్ అంటాడు. ఇక విష్ణు పెద్ద లిస్టే చెప్పింది. అభయ్‌కి ఇంటర్నేషనల్ ట్రిప్ కోసం ఇస్తానని, మణికి ఓ నానో కారు, గంగవ్వకు ఐదు లక్షలు, 30 శాతం నాకోసం, పృథ్వీకి గోల్డ్ ఇయర్ రింగ్స్.. నిఖిల్ ప్లాటినం రింగ్స్.. ప్రేరణ డైమండ్ రింగ్ అంటూ ఇలా విష్ణు చెప్పుకుంటూ పోయింది.

అనంతరం నిఖిల్ సెకండ్ ఫైనలిస్ట్ అని నాగ్ రివీల్ చేశాడు. ఆ తరువాత ఓ పాటల టాస్క్ పెట్టాడు. అనంతరం గౌతమ్ థర్డ్ ఫైనలిస్ట్ అని రివీల్ చేశాడు. ఆ తరువాత గెస్ ది కారెక్టర్ అనే టాస్క్ పెట్టాడు. ఆ టాస్క్ తరువాత ప్రేరణ నాలుగో ఫైనలిస్ట్ అని రివీల్ చేశారు. ఆపై ఇంట్లో ఉన్న కంటెస్టెంట్లకు థాంక్స్ ఎవరికి చెబుతావ్? సారీ ఎవరికి చెబుతావ్ అనే టాస్క్ ఇచ్చాడు. విష్ణు లేచి.. నా ఆత్మకు సీత శక్తిని ఇచ్చింది ఆమెకు థాంక్స్ చెబుతాను.. రోహిణిని తెలిసో తెలియకో హర్ట్ చేశా ఆమెకు సారీ చెబుతా అని తెలిపింది.

మణికి థాంక్స్ అని.. ప్రేరణకు సారీ అని నబిల్ అన్నాడు. పృథ్వీ మొదటి నుంచి సపోర్ట్‌గా ఉన్నాడని నిఖిల్ థాంక్స్ చెప్పాడు. గౌతమ్‌కు నిఖిల్ సారీ చెప్పాడు. నబిల్ తనకు ఎవిక్షన్ షీల్డ్ ఇచ్చినందుకు థాంక్స్ చెప్పాడు. విష్ణుకి సారీ చెప్పాడు. గౌతమ్ అయితే సారీ, థాంక్స్ రెండూ కూడా నిఖిల్‌కే చెప్పాడు. చివరగా ప్రేరణ లేచి.. నబిల్‌కి థాంక్స్.. విష్ణుకి సారీ.. చెప్పింది. అలా చివరకు నబిల్ ఐదో ఫైనలిస్ట్ అయ్యాడు. విష్ణు ఎలిమినేట్ అని నాగ్ తెలిపాడు. ఎలిమినేట్ అయినా కూడా నవ్వుతూనే బయటకు వచ్చింది విష్ణు. అసలు ఇన్ని రోజులు ఎలా ఉందో  కూడా ఎవ్వరికీ అర్థం కాలేదు.

చివరకు విష్ణు ఎలిమినేట్ అవ్వడంతో ఆడియెన్స్ కూడా కాస్త శాంతించినట్టుగా అనిపిస్తుంది. ఓట్ అప్పీల్ చేసినందుకు ఓట్లు వేయడం ఆపేశారేమో అని విష్ణు తన మీద తానే కౌంటర్లు వేసుకుంది. ఇక స్టేజ్ మీద తన జర్నీ చూసి ఎమోషనల్ అయింది. ప్లానెట్స్ రూపంలో విష్ణుకి ఓ టాస్క్ ఇచ్చాడు. గౌతమ్‌ని 5, అవినాష్‌ని 4వ స్థానంలో పెట్టింది. నబిల్‌ను మూడు, ప్రేరణ విన్ అవ్వాలని రెండో స్థానంలో పెట్టింది. నిఖిల్‌‌కు మొదటి స్థానాన్ని విష్ణు ఇచ్చింది. ఇక మిగిలిన ఈ ఒక్క వారంలో ఆడియెన్స్ ఎవరికి ఓట్లు వేసి ఎవరిని విన్ చేస్తారో చూడాలి.