Bigg Boss 8 Telugu Episode 36 Day 35: నిఖిల్ ‘గేమ్ చేంజర్’... విష్ణు ‘నకిలీ’ మణికంఠ ‘వెన్నుపోటు’... వెళ్తూ వెళ్తూ నైనిక ఏమేం చెప్పిందంటే?

Bigg Boss 8 Telugu Episode 36 Review: బిగ్ బాస్ ఇంట్లో ఐదో వారంలో నైనికను ఎలిమినేట్ చేశారు. వైల్డ్ కార్డులు వస్తాడని ఇంటి సభ్యులకు చెప్పేశాడు నాగార్జున. మరి ఇవాళ్టి ఎపిసోడ్‌లో ఏం జరిగిందో తెలుసుకోండి.

వెళ్తూ వెళ్తూ చాలామంది గుట్లు విప్పేసిన నైనిక

Source : Star Maa

Bigg Boss 8 Telugu Episode 36 Nainika Elimination Round: బిగ్ బాస్ ఇంట్లో ఐదో వారంలో మిడ్ వీక్‌లో ఆదిత్యను బయటకు పంపారు. ఆదివారం నాటి ఎపిసోడ్‌లో నైనిక (Dhee Nainika in Bigg Boss 8 Telugu)ను ఎలిమినేట్ చేశారు. ఇక వెళ్తూ వెళ్తూ నైనిక ఇంటి సభ్యుల గురించి చెప్పింది. బిగ్ బాస్ డైరీ అంటూ ఆమెకు స్టేజ్ మీద నాగార్జున ఇచ్చిన టాస్కుని పూర్తి చేసింది. మానిప్యులేటర్ అంటూ ప్రేరణ గురించి నైనిక చెప్పింది. అన్నీ ముందుగానే కాలిక్యులేట్ చేస్తుందని, ముందే క్లారిటీ ఉంటుంది.. ఏం చేయాలి.. ఏం చేయకూడదు అన్నీ తెలుసు.. గేమ్ పట్ల ఫోకస్.. ఉందని చెప్పింది.

మణికంఠ (Manikanta Bigg Boss Telugu 8)కు వెన్ను పోటు దారుడు అని చెప్పింది. నాకు చాలా సార్లు వెన్ను పోటు పొడిచాడని తెలిపింది. 'నువ్వు నీలా ఆడు.. ఓవర్ థింకింగ్ చేయకు.. జనాలు నిన్ను ప్రేమిస్తున్నారు..' అంటూ మణి గురించి నైనిక చెప్పింది. నకిలీ స్నేహితుడు అంటే.. విష్ణు అని చెప్పింది.. బాధల్లో ఉంటే ఫ్రెండ్ అనే వాళ్లు రావాలి.. కానీ ఈ వారం అంతా కూడా నాతో ఉండలేదు.. దగ్గరకు రాలేదు ఫేక్ కాదు కానీ.. నకిలీ అనిపించింది.. బట్ ఐ లవ్యూ అంటూ విష్ణు గురించి నైనిక చెప్పింది.

అటెన్షన్ సీకర్.. పృథ్వీ అని చెప్పింది. అవకాశవాది.. నబిల్ అని చెప్పింది..  గేమ్ మీద చాలా క్లారిటీ ఉంది.. ఎలాంటి స్థితిలో ఉన్నా బాగా ఆడతాడు.. అంటూ పొగిడేసింది. గేమ్ చేంజర్ నిఖిల్.. అని నైనిక చెప్పింది. టాస్కుల్లో టఫ్ కాంపిటీషన్ ఇస్తాడని, ఎక్కువ ఆలోచించకండి..  ఎమోషనల్ మీ బలం.. వీక్ నెస్ కాదు..  ఆటలు అద్భుతంగా ఆడుతున్నావ్.. అంటూ నిఖిల్ గురించి చెప్పింది. మంద బుద్ది.. యష్మీ..  అని ఆటలు ఆడితే బాగానే ఆడుతావ్..అంటూ పొగిడేసింది.

ఇక ఆదివారం ఎపిసోడ్‌లోనే వైల్డ్ కార్డులు వస్తాడని ఇంటి సభ్యులకు చెప్పేశాడు. వాళ్లని ఎలా ఎదుర్కొంటారు అంటూ ఒక్క కంటెస్టెంట్‌ను వాళ్ల స్ట్రాటజీని అడిగి తెలుసుకున్నాడు. నైనిక ఎలిమినేషన్ తరువాత ఫ్యామిలీ మెంబర్ల నుంచి వచ్చిన లెటర్లను అందరికీ చదువుకునే అవకాశాన్ని ఇచ్చాడు. ఇక యష్మీ, సీత, మణికంఠలు తమ తమ ఫ్యామిలీ మెంబర్ల నుంచి వచ్చిన సందేశాన్ని తెలుసుకుని ఎమోషనల్ అయ్యారు. ఇక ఇంట్లో ఓల్డ్ కంటెస్టెంట్లు వర్సెస్ వైల్డ్ కార్డ్‌లు అనేలా టాస్కులు జరిగేట్టున్నాయి. అటు ఎనిమిది, ఇటు ఎనిమిది అంటూ బిగ్ బాస్ లెక్కలు సరి చేశాడు. ఇంతకు ముందు బిగ్ బాస్ ఇంటిలో సందడి చేసిన పాత కంటెస్టెంట్లు ఇవాళ హౌస్‌లో అడుగు పెట్టారు.