Bigg Boss Telugu 6: ఛాన్స్ కొట్టేసిన సిరి బాయ్ ఫ్రెండ్ - ఊరమాస్ ఎంట్రీ!

మూడో కంటెస్టెంట్ గా శ్రీహాన్ మాస్ డాన్స్ పెర్ఫార్మన్స్ తో ఎంట్రీ ఇచ్చారు.

ఛాన్స్ కొట్టేసిన సిరి బాయ్ ఫ్రెండ్

బుల్లితెరపై నెంబర్ వన్ రియాలిటీ షోగా దూసుకుపోతుంది బిగ్ బాస్(Bigg Boss). అన్ని భాషల్లో ఈ షో సూపర్ హిట్ అయింది. తెలుగులో కూడా ఈ షోకి మంచి గుర్తింపు వచ్చింది. ఇప్పటివరకు ఐదు సీజన్లను పూర్తి చేసుకుంది. అలానే ఈ ఏడాది ఓటీటీ వెర్షన్ తో ఆడియన్స్ ను ఎంటర్టైన్ చేయాలనుకున్నారు. హాట్ స్టార్ లో 24 గంటల కాన్సెప్ట్ తో ఈ షోని నడిపించారు. కానీ ఆశించిన స్థాయిలో ఓటీటీ వెర్షన్ క్లిక్ అవ్వలేదు.
 
ఇదిలా ఉండగా.. బిగ్ బాస్ సీజన్ 6 కోసం రంగం సిద్ధమైంది. సెప్టెంబర్ 4 నుంచి ఈ షోని మొదలుపెట్టారు. ఇప్పటివరకు నాలుగు సార్లు ఈ షోని హోస్ట్ చేసిన నాగార్జున ఇప్పుడు ఐదోసారి కూడా హోస్ట్ గా వ్యవహరించనున్నారు. ఈసారి మొత్తం 18 మంది కంటెస్టెంట్స్ కనిపించనున్నారు. ఆదివారం నాడు గ్రాండ్ గా షో మొదలైంది. ఇక కంటెస్టెంట్స్ ను ఒక్కొక్కరిగా నాగార్జున ఇంట్రడ్యూస్ చేస్తున్నారు.

 

మూడో కంటెస్టెంట్ గా శ్రీహాన్ మాస్ డాన్స్ పెర్ఫార్మన్స్ తో ఎంట్రీ ఇచ్చారు. బిగ్ బాస్ సీజన్ 5లో కంటెస్టెంట్ గా అలరించిన సిరి బాయ్ ఫ్రెండే శ్రీహాన్. అప్పుడు సిరి కోసం బిగ్ బాస్ స్టేజ్ పై అతిథిగా వచ్చిన ఇతడికి ఇప్పుడు కంటెస్టెంట్ గా ఛాన్స్ వచ్చింది. 'సిరి సీజన్ చూసి కూడా ఎలా ధైర్యంగా వచ్చావ్' అంటూ సరదాగా ప్రశ్నించారు నాగార్జున. దానికి శ్రీహాన్.. 'సిరి ఏదైతే కోల్పోయిందో అది సాధించి వెళ్లాలనుకుంటున్నాను' అని బదులిచ్చారు. 

 

కంటెస్టెంట్స్ ని ఒక్కొక్కరినీ ఒక్కో కార్డు సెలెక్ట్ చేసుకోమని అడుగుతున్నారు నాగార్జున. శ్రీహాన్ సెలెక్ట్ చేసుకున్న కార్డు గుంట నక్క. దానికి అర్ధం ఏంటో తరువాత చెబుతానని అన్నారు నాగార్జున. 

 

ఇక ఈసారి అబ్బాయిల నెంబర్ కంటే అమ్మాయిలే ఎక్కువ మంది హౌస్ లో కనిపించబోతున్నారు. ఎప్పటిలానే ఈసారి కూడా బిగ్ బాస్ హౌస్ ని చాలా కొత్తగా డిజైన్ చేశారు. మొత్తం 18 మంది పోటీదారులు కాబట్టి ఈసారి షో 100 రోజులకు పైగానే ఉండే ఛాన్స్ ఉంది. మధ్యలో డబుల్ ఎలిమినేషన్స్ కూడా ఉంటాయి. ఇక టాస్క్ ల విషయానికొస్తే.. బిగ్ బాస్ హిందీ వెర్షన్ నుంచి కొన్ని టాస్క్ లను సీజన్ 6 కోసం తీసుకోబోతున్నారని సమాచారం. గత సీజన్లలో కూడా టాస్క్ లకు సంబంధించి ఇలానే చేశారు. 

We welcome our 3rd contestant #SrihanOnBBTelugu to Bigg Boss house.#SrihanOnBBTelugu#BiggBossTelugu6 #BBLiveOnHotstar@StarMaa @DisneyPlusHSTel pic.twitter.com/0tbSeyCrPC

— Disney+ Hotstar Telugu (@DisneyPlusHSTel) September 4, 2022