Bigg Boss 5 Telugu: వెంటాడి వేటాడేసుకున్న సన్నీ-శ్రీరామ్, ఏడో వారం కెప్టెన్ బ్రహ్మేనా..!

ఓ సరదా లేదు, ఓ సందడి లేదు, మెప్పించే టాస్కుల్లేవ్… అయితే అరుకోవడం లేదంటే కొట్టుకోవడం బిగ్ బాస్ సీజన్ 5 పై మెజారిటీ ప్రేక్షకుల అభిప్రాయం ఇది. ఏడోవారం కెప్టెన్సీ టాస్క్ కూడా రచ్చ రచ్చగా సాగినట్టుంది.

Image Credit/ Star Maa /Hotstar

రెండు రోజులుగా కొనసాగిన కెప్టెన్సీ పోటీదారుల టాస్క్ లో  షణ్ముఖ్, సిరి, శ్రీరామ్, యానీ, సన్నీ,మానస్ విజేతలుగా నిలిచారు. వీరందరికీ బిగ్ బాస్ ఇచ్చిన కెప్టెన్సీ టాస్క్ ''వెంటాడు వేటాడు''. అసలే సరదా పక్కనపెట్టి వైల్డ్ బిహేవ్ చేస్తోన్న ఇంటి సభ్యులు ఈ టాస్క్ లో మరింత రెచ్చిపోయినట్టే కనిపిస్తున్నారు. గ్రూపులుగా విడిపోయిన ఇంటి సభ్యులు ఎటాక్ చేసుకునే అవకాశం కోసం ఎదురుచూస్తున్నారా అన్నంతగా గొడవలు పడుతున్నారు.  తాజాగా కెప్టెన్సీ పదవి కోసం ఇచ్చిన టాస్క్‌ లో శ్రీరామ్, సన్నీ మధ్య పెద్ద గొడవే జరిగినట్టుంది. 

Captaincy task lo #Sunny Vs #SreeramaChandra lock🔥#BiggBossTelugu5 tomorrow at 10 PM on #StarMaa #FiveMuchFun pic.twitter.com/1w3svUdJKV

— starmaa (@StarMaa) October 27, 2021

కెప్టెన్సీ టాస్క్ ''వెంటాడు వేటాడు'' లో భాగంగా   పోటీపడుతున్న సభ్యుల బస్తాల్లో ధర్మాకోల్ బాల్స్ ఖాళీ చేయడానికి ప్రయత్నించాల్సి ఉంటుంది. ఈ టాస్క్ లో  భాగంగా శ్రీరామ్ “కెప్టెన్ అయి ఉండి నువ్వు చేయాల్సింది ఇదేనా? సన్నీ ఇండిపెండెంట్ ప్లేయర్ అనుకున్నా” అనడం సన్నీకి కోపం తెప్పించింది. రా తేల్చుకుందాం అన్నట్టు రియాక్టయ్యాడు సన్నీ. రచ్చంతా సన్నీ-శ్రీరామ్ మధ్య జరిగితే ఫైనల్ గా షణ్ముక్ ఇంటి కెప్టెన్ అయినట్టు టాక్. ఇప్పటికే శ్రీరామ్, విశ్వ, యానీ, రవిని కిచెన్లోనే ఉంచుతా అన్నాడు. మరి షణ్ముక్ కెప్టెన్ అన్నది నిజమేనా అన్నది తెలియాలి.

Game is on!! Captaincy kosam final flight.. Evariki chance vastundi?#BiggBossTelugu5 today at 10 PM on #StarMaa #FiveMuchFun pic.twitter.com/HlvFyodQWm

— starmaa (@StarMaa) October 28, 2021

రెండోసారి వచ్చిన ప్రోమోలో సన్నీ, శ్రీరామ్, మానస్ టాస్క్ లో ఓడిపోగా సిరి, యానీ, షణ్ముక్ పోటీపట్టారు. ఈ టాస్క్ కి సంచాలక్ గా వ్యవహరిస్తున్న జెస్సీతోనూ సన్నీ గొడవపడినట్టు ప్రోమోలో తెలుస్తోంది. 

ఇక  శ్రీరామ్ కామెంట్ చేసిన ఇండిపెండెంట్ గేమ్ అనే మాట విషయానికొస్తే హౌజ్ లో ఎవ్వరూ ఇండిపెండెంట్ గేమ్ ఆడటం లేదు. సన్నీ, మానస్, కాజల్… మానస్, ప్రియాంక…రవి,విశ్వ..త్రిమూర్తులు సిరి, జస్వంత్, షణ్ముక్…వీళ్లు ఏ టాస్క్ అయినా కలిసే ఆడుతున్నారు. ఏటొచ్చీ శ్రీరామ్, యానీ మాస్టర్, లోబో అప్పుడప్పుడు సపోర్ట్ ఇస్తూ అప్పుడప్పుడు ఇండివిడ్యువల్ గేమ్ ఆడుతున్నారు. ఇప్పటికే 50 రోజులు పూర్తి చేసుకున్న ఈ షోలో ఇంకా నలుగురే అమ్మాయిలు మిగిలారు. ఈ వారం లోబో ఎలిమినేట్ అయ్యే అవకాశం ఉందంటున్నారు. ఏం జరుగుతుందో చూద్దాం....



ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి