Bheemla Nayak Title Song: భీమ్లా నాయక్‌ పాటపై వివాదం.. ఐపీఎస్ అధికారి ఆగ్రహం, మా సేవలను మరిచిపోయారు!

పవర్ స్టార్ బర్త్ డే కానుకగా విడుదలైన భీమ్లానాయక్ టైటిల్ సాంగ్ యూ ట్యూబ్ లో ట్రెండ్ సెట్ చేసింది. అభిమానుల్ని ఊపేసింది. అయితే తెలంగాణ ఐపీఎస్ ఆఫీసర్ ఒకరు మాత్రం ఈ పాటపై మండిపడ్డారు. ఏందుకంటే...

భీమ్లానాయక్ టైటిల్ సాంగ్ పై ఐపీఎస్ రియాక్షన్

పవన్ కళ్యాణ్ - రానా దగ్గుబాటి హీరోలుగా నటిస్తున్న లేటెస్ట్ మూవీ 'భీమ్లా నాయక్'. ‘అయ్యనుప్పుమ్’ కోషియం రీమేక్ గా తెరకెక్కుతోన్న ఈ మూవీ సంక్రాంతి కానుకగా ప్రేక్షకుల ముందుకి రానుంది. ఇప్పటికే ఆగస్టు 15న ఫస్ట్ గ్లింప్స్ రిలీజ్ చేయగా.. పవన్ పుట్టిన రోజు సందర్భంగా సెప్టెంబరు 2న టైటిల్ సాంగ్ విడుదల చేశారు. మ్యూజిక్ డైరెక్టర్ థమన్ స్వరపరిచిన ఈ పాట మిలియన్ల వ్యూస్‌తో యూట్యూబ్‌లో ట్రెండింగ్‌లో ఉంది. గేయ రచయిత రామజోగయ్య శాస్త్రి ఈ పాటకు సాహిత్యం అందించగా.. మొగులయ్య , రామ్ మిరియాల,  శ్రీ కృష్ణ,  పృథ్వీ చంద్ర ఆలపించారు. అయితే ఇప్పుడీ పాటపై తెలంగాణ సీనియర్ IPS అధికారి,  హైదరాబాద్ ఈస్ట్ జోన్ డిసిపి ఎం.రమేష్ ట్విట్టర్ వేదికగా ఆగ్రహం వ్యక్తం చేశారు.

Thankfully, @TelanganaCOPs are #PeopleFriendlyPolice . We don’t break the bones of those whom we are paid to protect ! Surprisingly, @ramjowrites couldn’t find enough words in Telugu to describe the valour of a cop. No mention of service in the song. https://t.co/EsQVaW5p2s

— M. Ramesh IPS (@DCPEASTZONE) September 2, 2021

హీరోయిజాన్ని ఎలివేట్ చేసేలా '‘ఇరగదీసే ఈడి ఫైరు సల్లగుండ,  ఖాకీ డ్రెస్సు పక్కనెడితే వీడే పెద్దగూండా, నిమ్మళంగ కనబడే నిప్పుకొండ, ముట్టుకుంటే తాట లేసిపోద్ది తప్పకుండా, ఇస్తిరి నలగని చొక్కా పొగరుగ తిరిగే తిక్క, చెమడాలొలిచే లెక్క కొట్టాడంటే పక్కా విరుగును బొక్క. ఎవ్వడైన ఈడి ముందు గడ్డిపోస.. ఎర్రి గంతులేస్తే ఇరిగిపోద్ది ఎన్నుపూస.. కుమ్మడంలో విడే ఒక బ్రాండు తెల్సా.. వీడి దెబ్బతిన్న ప్రతీవాడు పాస్టుటెన్సా..'’ అంటూ రామజోగయ్య శాస్త్రి అందించిన లిరిక్స్ పవన్ అభిమానులకు పూనకాలు తెప్పించాయి. 'భీమ్లా నాయక్' సినిమాలో సబ్ ఇన్స్పెక్టర్ పాత్ర పోషిస్తున్న పవన్ కళ్యాణ్ ఇమేజ్‌ను దృష్టిలో పెట్టుకుని రామజోగయ్య శాస్త్రి ఈ లిరిక్స్ రాశారు. అయితే ఈ సాహిత్యం విని రియల్ పోలీసులు కాస్త అప్సెట్ అయ్యారు.

'థ్యాంక్ ఫుల్లీ.. తెలంగాణా కాప్స్ ఫ్రెండ్లీ పోలీసులు. మేము రక్షించే వాళ్ళమే కానీ. ఎముకలు విరగొట్టే వాళ్ళం కాదు. ఆశ్చర్యకరంగా రామజోగయ్య శాస్త్రికి పోలీసుల పరాక్రమాన్ని వర్ణించడానికి తెలుగులో సరైన పదాలు దొరకలేదు. పాటలో పోలీసుల సేవ గురించి ఎక్కడా ప్రస్తావించలేదు'' అని హైదరాబాద్ ఈస్ట్ జోన్ డీసీపీ రమేష్ ట్వీట్ చేశారు.

'భీమ్లా నాయక్' చిత్రానికి సాగర్ కె చంద్ర దర్శకత్వం వహిస్తుండగా.. త్రివిక్రమ్ శ్రీనివాస్ స్క్రీన్ ప్లే - డైలాగ్స్ అందిస్తున్నారు. ఇది మలయాళ బ్లాక్ బస్టర్ 'అయ్యప్పనుమ్ కొశీయుమ్' చిత్రానికి అధికారిక రీమేక్. ఇందులో పవన్ కళ్యాణ్ సరసన నిత్యా మీనన్.. రానా కు జోడీగా ఐశ్వర్య రాజేష్ నటిస్తున్నారు. సితార ఎంటర్టైన్మెంట్స్ బ్యానర్ పై సూర్యదేవర నాగవంశీ ఈ చిత్రాన్ని నిర్మిస్తున్నారు.