Hit 2 Movie: 'హిట్2' రిలీజ్ డేట్ ఫిక్స్ - అడివి శేష్కు మరో హిట్ వస్తుందా?
HIT The Second Case: అడివి శేష్ కథానాయకుడిగా నటించిన ఇన్వెస్టిగేషన్ థ్రిల్లర్ 'హిట్ 2' రిలీజ్ ఎప్పుడంటే..?
అడివి శేష్(Adivi Sesh) కథానాయకుడిగా నటించిన ఇన్వెస్టిగేషన్ థ్రిల్లర్ 'హిట్ 2' (HIT - Homicide Investigation Team). విశ్వక్ సేన్(Vishwak Sen) హీరోగా 2020లో వచ్చిన 'హిట్' చిన్న సినిమాగా వచ్చి పెద్ద సక్సెస్ అయిన సంగతి తెలిసిందే. ఈ సినిమాకు సీక్వెల్గా 'హిట్ 2'ని ఉంటుందని.. రిలీజ్ సమయంలోనే ప్రకటించారు. పార్ట్ 2లో కూడా విశ్వక్ సేన్ హీరోగా నటిస్తారని అనుకున్నారు. అయితే కొన్ని కారణాల దృష్ట్యా అడివి శేష్ హీరోగా ఈ చిత్రాన్ని తెరకెక్కిస్తున్నారు.
Adivi Sesh Hit 2 to release on December 2: శైలేష్ కొలను దర్శకత్వంలో వాల్ పోస్టర్ సినిమా పతాకంపై నేచురల్ స్టార్ నాని సమర్పణలో ప్రశాంత్ త్రిపిర్నేని 'హిట్' ఫ్రాంచైజీని నిర్మిస్తున్నారు. ఈ సినిమాలో మీనాక్షీ చౌదరి హీరోయిన్. మొదట జూలైలో ఈ సినిమాను రిలీజ్ చేయాలనుకున్నారు. కానీ కుదరలేదు. ఇప్పుడు డిసెంబర్ 2న సినిమా రిలీజ్ కానుంది. ఈ విషయాన్ని చిత్రబృందం అఫీషియల్ గా వెల్లడించింది.
మొదటి భాగంలో విక్రమ్ రుద్రరాజు పాత్రలో విశ్వక్ సేన్ నటించగా.. హైదరాబాద్ బ్యాక్డ్రాప్లో ఈ సినిమా తెరకెక్కింది. రెండో భాగం మాత్రం ఆంధ్రప్రదేశ్ బ్యాక్డ్రాప్లో రానుంది. ఈ హిట్ 2లో కృష్ణదేవ్ అలియాస్ కేడీ అనే పోలీస్ ఆఫీసర్ గా అడివిశేష్ కనిపించనున్నారు.
కాగా.. ఇటీవల 'మేజర్' సినిమాతో ప్రేక్షకులను అలరించారు అడివి శేష్. ఈ సినిమాలో అడివిశేష్ నటనకు విమర్శకుల ప్రశంసలు దక్కాయి. ముంబై ఉగ్రదాడుల్లో కన్నుమూసిన మేజర్ సందీప్ ఉన్ని కృష్ణన్ జీవితం ఆధారంగా ఈ సినిమాను తెరకెక్కించారు. శశికిరణ్ తిక్కా దర్శకుడు. 20 కోట్ల బడ్జెట్ తో రూపొందిన ఈ సినిమా భారీ లాభాలను తీసుకొచ్చింది. మరి 'హిట్2'తో శేష్ కి ఎలాంటి హిట్ వస్తుందో చూడాలి!
View this post on Instagram
Before You Go
Godavari Heroine Anumita Dutta Life Story | గోదావరి సీరియల్ హీరోయిన్ జాను బ్యాక్గ్రౌండ్
టాప్ హెడ్ లైన్స్
ట్రెండింగ్ వార్తలు
